OPINIONES
Osasuna eskubidea da, ez negozioa
Helena Franco Ibarzabal | 2023-04-05 09:42:00
Pena handiz ikusten ari gara EAJ-k pikutara daramala Osakidetza.
Eta ez, ez da gu EAJ desgastatzeko egiten ari garen kanpaina bat, edozein herritarrek badaki Osakidetza gero eta txartoago dabilela, adibidez: gaixorik egonda mediku kontsulta deitu eta datorren astea baino lehen ezin dizutela eman esaten dizutenean, edo gaur mediku batekin eta datorren hilean beste batekin tokatzen zaizunean; edo espezialista batekin, demagun neurologoarekin, Alzheimer gero eta handiagoa duen amarentzat kontsulta eskatu eta 6 hilabetera ematen dizutenean; medikuek asmatu ezinik daramaten zure gaitzaren diagnostikorako ezinbestekoa den proba bat eskatu (dentsitometria bat esaterako) eta gutxienez 8-10 hilabete itxaron beharko duzula esaten dizutenean… eta horrelako mila adibide jar ditzakegu.
Egoera larria da, horren adierazgarri gure osasun sistema publikoak herritarrak gero eta gehiago kezkatzen dituela: 2022ko abenduan Deustobarometro sozial izeneko inkestak azaldutako txostenean, kezka nagusien artean osasun arreta agertu zen lehen aldiz, eta gainera oso goian, bigarren postuan (soilik prezioen igoera orokorraren atzetik). Eta Osakidetzaren balorazioa 10en gain 5.0koa izan zen, hots, ozta-ozta gaindituta. Sekulako aldea hamarkada bat lehenagoko egoerarekin, Osakidetza herritar gehienentzat harro egoteko arrazoi handienetakoa zenean.
Osasun zerbitzu publikoaren txarrera egite horren aurrean gero eta gehiago dira aseguru pribatuak kontratatzera jotzen duten herritarrak (jakina, hori egin nahi eta, batez ere, hori egin ahal dutenak). EAEn (Euskal Autonomia Erkidegoan) azken hamarkadan osasun aseguruen kontratazioak %19,5 egin du gora, horrela gaur egun ia 505.000 biztanlera iristen delarik poliza pribatu bat dutenen kopurua (biztanleriaren %23). Eta horren ondoan txanponaren beste aldea: osasun zentro pribatuak ugaritzen eta indartzen ari dira. Gure herrian buelta bat eman besterik ez da behar urte gutxian kontsultorio eta klinika pribatuen presentzia nabarmen handitu dela ikusteko.
Begi bistakoa da: osasuna pribatizatzen ari da, negozio bihurtzen. Eta horretarako erabiltzen ari diren bidea ez da batere orijinala, ez; zerbitzu publikoen pribatizaziorako erabili ohi den betiko ildotik ari dira: kudeaketa txarra eta utzikeria, zerbitzuaren kalitatea murrizteko eta horrela herritarrek pixkanaka eskaintza pribatura jo dezaten; aldi berean osasungintza publikoan eskaini behar diren hainbat zerbitzu progresiboki pribatizatzen joan, baliabide faltaren aitzakian gaixoak zentro pribatuetara deribatuz, edota zerbitzu batzuk eragile pribatuen esku utziz kontzertazioen bidez. Baliabide faltaren “aitzakian” esan dut, bai, izan ere dauden gabezia horiek (ekipamendu eskasiak, mediku eta erizain nahikorik ez egotea, eta gisakoak) Osakidetzaren arduradun eta kudeatzaileek eurek sortuak baitira, urteetan zehar izan duten aurreikuspen falta eta inbertsio erabaki desegokien ondorioz.
EAEn EAJ da prozesu hori gidatzen ari dena, arrazoi argi batengatik: hori da bere eredua osasun zerbitzuetarako, eta hori da orokorrean gaur egun bultzatzen ari den gizarte eredua. Garai bateko gizarte kohesionatuaren proposamenetatik gero eta urrunago, mendebaldeko eskuinaren planteamenduekin gero eta lerrotuagoa agertzen ari zaizkigu jeltzaleak, eredu dualizatu baterako bidean: zergak herri aurreratu bati dagokion mailaren oso azpitik mantenduz, oinarrizko zerbitzuak (osasuna edota zaintza adibidez) negozio pribatuaren esku utziz (alegia, ordaindu ahal ditzakeenarentzat); eta aldi berean zerbitzu publikoak kopuruz eta kalitatez ahulduz joan, gizarteko sektore babesgabeenei arreta minimoa eskainiko liekeen sistema publiko marjinal bat bihurtzeraino.
Baina ez gaitezen alarmismoan erori, zorionez oraindik ez gaude fase horretan, eta gure esku dago mediku kontsultara goazenean osasun txartela beharrean visa txartela eraman beharko dugun eguna ez iristea. Osasuna ez da merkantzia bat, ez diezaiegun gure babesa eman gure osasun eskubidea pribatizatu nahi dutenei, eta defenda dezagun osasungintza publiko, integral, unibertsal eta kalitatezkoa. Osasuna pertsona guztien eskubidea delako, eta ez gutxi batzuen negozioa.
Berriro gerta ez dadin, etxera!
Paul Laka | 2023-03-17 13:59:00
Duela hamar urte, salbuespenezko espetxe politikaren ondorioz hil zen Angel Figueroa Algortako presoa. Garai bertsuan, baina 1997an, bere amama Antonia Hernandez dispertsio politikak eraginda hil zen.
Ez dira bakarrak izan, orotara 36 euskal preso politikok eta 16 senidek galdu dute bizitza antzeko egoeretan, eta bi pertsonek bere buruaz beste egin dute kartzela ekiditeko. Soilik azken hamabi urteetan 13 izan dira bizitza galdu duten euskal presoak.
Heriotza guzti hauek ekidin zitezkeen. Lortu dugu dispertsio politikarekin amaitzea, eta honek bermatzen du Antoniaren kasua berriro ere ez errepikatzea. Baina salbuespenezko espetxe politikak bere horretan jarraitzen du. Angelen kasua ez errepikatzeko bermerik ez dago egun. Preso, iheslari eta deportatuak etxera ekarri ezean, ez da egongo.
Dispertsio politikaren amaiera askotariko sektore eta eragileen lanak ahalbidetu du, erreferentzia konpartitu argiekin eta etenik gabeko mobilizazio sozialarekin batera. Itzelezko sormen ariketa kolektiboa izan den mobilizazio zikloa, ekarpen maila guztiak barnebiltzeko gai izan dena. Ezin ekimen guztiak lerro hauetara ekarri, zerrenda amaigabea litzateke: kirol esparruan, kulturalean edota sindikalean; gazte mugimenduan zein mugimendu feministan; eremu juridikoan, instituzionalean; espetxeetan... Eta azken geltokia den guztien etxeratzea ere, filosofia berdinak gidatutako lanak ahalbidetuko du.
Garaipen ukaezina da dispertsio politikaren amaiera, konplexurik gabe ospatu beharrekoa. Pozgarria da, oso, lehen graduak eta isolamendua iraganean utzi izana, edota geroz eta preso gutxiago egotea. Baimenek, 3. graduek eta baldintzapeko askatasunek ziklo berri baten aurrean gaudela ikustarazten digute, moldatu beharreko egoera berri baten aurrean. Denon ardura da, lortutakoaren kontzientzia hartu eta erreferentzia solidoak eraikitzea, zailtasun berriei aurre eginez etsi gabe. Orain arteko adostasun mailari eutsi eta mobilizazio ziklo oso bat zabaltzeko ordua da, berandu baino lehen denak etxean izateko. Bake justu eta iraunkor bat bermatzeko. Berriro gerta ez dadin.
Una herida en el corazón de Romo
Iñaki Gonzalo "Kitxu" | 2023-03-02 12:09:00
Pasará el tiempo y quizá muchos vecinos y vecinas de Romo no recordarán lo vivido en torno a sus edificios históricos; es posible que las nuevas generaciones olviden los días en los que las excavadoras entraron amenazantes en el pueblo y en unos segundos derribaron parte de su patrimonio histórico y sentimental.
No puede extrañar que con el paso de los años se difumine la imagen de los policías de negro, armados hasta los dientes, arrastrando por el suelo a personas mayores, golpeando a jóvenes, deteniendo a los y las que protestaban pacíficamente contra la brutalidad policial y la prepotencia de quienes, desde sus despachos, ordenaban el derribo.
El paso del tiempo hará que solo las personas mayores recuerden las palabras de la concejala del PSE-EE pocos días antes de las elecciones municipales, aquellas en las que hablaba de una línea roja ante el derribo de los edificios históricos y la clausura de la Nagusien Etxea; palabras de la representante socialista de Romo que quedaron en humo de paja y se convirtieron en traición al poco de tocar la moqueta del poder.
Pasarán los años y el tiempo habrá borrado el recuerdo del llanto de nuestras personas mayores al ver que en unos minutos se desvanecían sus recuerdos y los sueños encerrados entre las cuatro paredes de su querida Nagusien Etxea; se habrán olvidado quizá de los nombres y los rostros de los que tanto daño han hecho al pueblo de Romo.
El tiempo sepulta el recuerdo pero quedará para siempre una herida abierta y profunda en Romo; quedará el orgullo de un pueblo que supo luchar hasta el ultimo momento por defender su patrimonio y a sus personas mayores y permanecerá la imagen de unión entre generaciones en la barricada de la dignidad y el coraje.
EUTSI ROMO!