AKTUALITATEA

Pello Otxandiano: «Erreforma sakonak ezin dira atzeratu herritarreni zuzendutako mezu atseginekin»
| 2025-01-29

Pello Otxandianok, Eusko Legebiltzarreko bozeramaileak, Herri Irratiari eskainitako elkarrizketan, Euskal Herriak eta Europak bizi duten une politiko eta sozialak eskatzen dituen eztabaida estrategikoen beharra azpimarratu du. «Erreforma sakon batzuk ezin dira atzeratu. Eztabaida batzuk atzeratzen ari gara eta mezu atseginak zabaltzen ari gara herritarrentzat. Administrazio publikoaren modernizazioa, industria-politika, hezkuntza... Hemen errealitate bati aurre egin behar zaio», esan du.

Bozeramaileak eztabaida fiskala ere izan du hizpide, eta bi eredu daudela azpimarratu du. "Fiskalitatea EH Bildurekin hitzartu daiteke eredua Europako herrialde aurreratuak badira, eta PPrekin eredua Ayuso bada. EAJ-PSEren doikuntza fiskalerako itunak zerga-bilketan murrizketa ekarriko du. Kenkarien laburpen bat da. Nola finantzatuko ditugu zerbitzu publikoak ?», galdetu du.

Osasun Mahaia gaur bildu da bigarren fasea ixteko, hau da, osasun-sistema publikoa hobetzeko estrategia gidatuko duten balioak eta printzipioak definitzeko fasea. Gai honi buruz galdetuta, Otxandianok adierazi du «aukera baten aurrean gaudela. Duela urtebete ez ginen ados jarri Osakidetzaren egoerari buruz. Gaur, Osakidetza berroneratzeko oinarrien eta printzipioen akordioa dugu. Berri ona da hori».