Bizkaia

EH Bilduk Basauriko Baskoniako fabrikako lurzoruen eskualdatzea eskatu dio espainiar gobernuari

Behin deskontaminatzean, lursailak eremua birsortzeko, etxebizitzak eta merkataritza eta industria jarduetarako erabiltzea proposatu du EH Bilduk

| 2021-03-26 14:24:00

Idurre Bideguren EH Bilduko senatariak eta Exabier Arrieta Basauriko zinegotziak Baskonia fabrika zaharreko lurrak bisitatu dituzte gaur goizean, eta horiek udalerriari bueltatzeko eskatu diote Espainiako Gobernuari.


EH Bilduko senatariak gogorarazi duenez, «Lurraren Estatuko erakundeak, SEPESek, interes publikoari erantzungo dion eta bi aldeak asetuko dituen akordio bat lortzeko asmoa agertu zuen. EH Bildutik argi daukagu lur horiek zonaldearen berroneratzearen parte izan behar dutela eta, horregatik, lur horien lagapena lehenbailehen egitea eskatzen dugu».

 

Gauza bera adierazi du Basauriko EH Bilduko zinegotziak. Exabier Arrietak azpimarratu duenez, 1300 etxebizitza eraikitzea aurreikusten zuen HAPOren hasierako proposamenaren aurrean, EH Bilduk proiektua berrikusteko eta egungo egoerara egokitzeko eskatu zuen. «Proposamen horrek ez die egungo beharrei erantzuten, eta, lurrak deskontaminatu ondoren, 300 etxebizitza inguru eraikitzea eta lurrak kutsatzen ez duen erabilera komertzial eta industriala uztartzea eskatu dugu. EH Bilduk egiten duen proposamena da, eta zonaldea berroneratzea du helburu».


Horrenbestez, EH Bilduk eskatu du Espainiako gobernuak lur horiek bueltatzea eta administrazioen benetako inplikazioa eskatu du, estrategikoa den eremu bat birsortzeko.

Aurpegiez haratago Aldundiak politiketan aldaketa sakonak egin behar dituela uste du EH Bilduk

Gobernantza eredua, enplegu eta gizarte politiketan edota trantsizio ekologikoa bezalako erronkei aurre egitea izan behar da Aldundiaren lehentasuna

| 2021-03-16 12:11:00

Gaur goizean Bizkaiko ahaldun nagusiak bere gobernu taldean emandako aldaketen harira Bizkaiko EH Bilduk adierazi du, aurpegi eta karguez haratago, aldaketak Aldundiaren politiketan eman behar direla eta egoerak eskatzen duela aldaketa horiek ahalik eta azkarren ematea.

 

Bea Ilardia EH Bildu Bizkaiko bozeramailearen hitzetan, “gobernu barruan eman diren aldaketak ez dira mugatu behar izen edo pertsona zehatz batzuetara. Bizkaiak erronka garrantzitsuak ditu eta horiei erantzuten dieten politikak abian jartzeko unea da. Ahaldun nagusiak dio gobernuan egindako aldaketekin krisi osteko unerako prestatzen ari garela, baina Bizkaiak beharrizanak orain ditu. Hau ez da izenen aldaketara mugatu behar; Bizkaiak gobernuaren politiketan aldaketa sakonak behar ditu”.

 

Hori dela eta, EH Bilduk azpimarratu du eginbehar garrantzitsuak daudela enplegu publikoaren sorreran, trantsizio ekologikoan, gobernantza ereduan, azken urtean agerian geratu diren gizarte politiketako gabezien aurrean eta baita ere udal finantzazioan.

 

“Kargu zehatzak aldatu baino, Aldundiari eskatzen dioguna da gobernuan jarraitzen dutenen politiketan aldaketa sakonak egitea. Bizi dugun ezohiko egoera honek aurretik genituen hainbat arazo agerian utzi dugu eta gobernuak horiei erantzutea ezinbestekoa da”.

 

 

Gutxieneko 1.080 euroko pentsioak bermatuko ditu EH Bilduk

Jasone Agirrek azpimarratu du Araban, Bizkaian eta Gipuzkoan 13.500 pentsiodunek pentsioa DSBEarekin osatu behar dutela

| 2020-06-29 14:40:00

EH Bilduk pentsiodunei 1.080 euroko pentsioak bermatuko dietela azpimarratu du Jasone Agirre EH Bildu Bizkaiko zerrendaburuak.

Gaur Bilbon egindako agerraldian gogoratu du Araban, Bizkaian eta Gipuzkoan 13.500 pentsiodunek osatu behar dute pentsioa DSBEarekin eta horietatik bi heren emakumeak direla. “Gainera, legeak aitortzen diena baino 300 euro gutxiago jasotzen dute, Urkullu eta Mendiak pentsioen osagarria murriztu dietelako”, esan du Agirrek.

“Hau da benetako argazkia. Hau da gurea bezalako herrialde batek onartu ezin duen argazkia. Ez du balio ustezko konpetentzi faltan ezkutatzea. Euskal pentsiodunei pentsio duinak bermatzeko eskumen eta ahalmen nahikoak ditugu. Euskal pentsiodunenei 1.080 euroko gutxieneko pentsioa bermatzeko aukera egon badago, Eusko Jaurlaritzatik pentsio txikienak osatuta. Hori da gure konpromisoa. Borondate politiko kontua da, eta EH Bilduk badu”.

Agirrek azpimarratu du EH Bilduk lanean jarraituko duela bizitza duinak bermatzeko eta Gizarte Segurantzaren kudeaketa zuzenaren transferentzia osoa lortzeko lan egingo dela. Bien bitartean, euskal pentsiodunen benetako arazoei irtenbidea bilatzeko borondatea izango duen gobernuaren beharra azpimarratu du.

“EH Bilduk konpromisoak hartzen ditu herritarrekin, konpromisoa hartzen du euskal pentsiodunekin. 1.080 euroko gutxieneko pentsioak bermatzeko, milaka euskal pentsiodunek jasotzen dituzten miseriako pentsioekin amaitzeko, euskal pentsio-sistema publiko bat sortzeko, Gizarte Segurantzaren kudeaketaren transferentzia atsedenik gabe eskatzeko. EH Bilduk euskal pentsiodunei bizitza duinak bermatzeko konpromisoa hartuzen du”, adierazi du Agirrek.

Prekarietatearekin amaitzea, gazte eta emakumeei begira bereziki, lehentasuntzat izango duen gobernu bat osatzeko konpromisoa hartu du EH Bilduk

Jasone Agirre EH Bilduko Bizkaiko zerrendaburuak esan duenez, uztailaren 12an hautatu behar da: edo EAJren eredua, prekarietatera kondenatzen gaituena, edo EH Bildurena, segurtasuna ematen duena. 33.000 lanpostu sortu, 1.200 euroko gutxieneko soldata ezarri eta alokairu publikoko 11.000 etxebizitza eskaintzeko plana azaldu du

| 2020-06-26 17:11:00

Gaur Bilbon Jasone Agirre EH Bilduko Bizkaiko zerrendaburuak gazteei eta emakumeei arreta berezia eskaintzearen beharra azpimarratu du eta prekarietatearekin bukatuko duen gobernua osatzeko konpromisoa agertu du EH Bildu.

“Gurea bezalako herri aurreratu batek ezin du onartu Europako lan-prekarietate tasarik altuenetako bat izatea”, erantsi du, “jendearen oinarrizko eskubide guztiak babesteko konpromisoa ere” hartu aitzin.

EH Bilduren hautagaiak berretsi du uztailaren 12an bi aukera egongo direla mahai gainean: prekarietatera kondenatzen gaituen EAJren eredua eta herritar gehienei segurtasuna eta ziurtasunak ematen dizkien EH Bildurena. Horri jarraituz, koalizioak prekarietatea desagerrarazteko eta herritarren eskubideak bermatzeko plan bat eta borondate politiko osoa duela adierazi du, bai eta neurriak zehaztu ere: 33.000 lanpostu berri sortu eta arriskuan dauden 100.000 lanpostuei eustea, 1.200 euroko gutxieneko soldata, lan erreforma ez aplikatzea, 35 orduko lan astea enplegua banatzeko eta, etxebizitza eskubidea bermatzeko, alokairu publikoko 11.000 etxebizitza herritarren eskura jarri eta alokairuaren prezioa mugatzea”.

Gazteek bizi duten egoera prekarioaren aurrean, EH Bilduren Bizkaiko hautagaiak azpimarratu du “erakunde publikoen lehenengo eta funtsezko eginkizuna jendea babestea izan behar dela, gure jendeak etorkizun duina ziurtatuta izateko politikak indarrean jartzea”. Ziurtatu duenez, “egin daiteke, borondate politiko kontua da, Urkulluren Gobernuak urrunetik ere izan ez duen borondate politikoa, alegia, bere lehentasunak beste batzuk direlako”.

EH Bilduk eta Elkarrekin Podemosek Bizkairako Berreraikuntza Mahaia sortzea eskatu dute

Bea Ilardia: “Anbizio handiagoko plana behar da non zaintza edo mugikortasuna kontuan hartzen diren”

| 2020-06-11 11:15:00

EH Bilduk eta Elkarrekin Podemosek Bizkaiko Batzar Nagusietan eskatu dute "Bizkaian ekonomia eta gizartea berreraikitzeko lantaldea" sortzea.

Aldundiak asmatutako plana, Bizkaia Aurrera!, ez da nahikoa oposizioarentzat, "Ideiak bildu eta eztabaidatzeko" gune bat eskatzen baitu, "Bizkaiko ekonomia eta gizartea berreraikitzeko planak eta jarduerak sistematizatzeko, COVID19 pandemiaren ondoren", Bizkaiko Batzar Nagusietan erregistratutako dokumentuan azaltzen den bezala.

Oposizioak beste akats bat ere aurkitzen du: Bizkaian berreraikuntzaren talka-planak proposamen ekonomikoetan bakarrik zentratzen dira, baina ez bi alderdientzat funtsezkoak diren gizarte-gaietan.

Israel Escalante Elkarrekin Podemoseko batzarkidearen hitzetan, Aldundiak Bizkaia berreraikitzeko duen plana "ekonomikoa baino ez da, eta osatu egin beharko litzateke. Proposatzen dugu guztiok parte hartzea, ez bakarrik talde politikoentzat, baita erakunde sozial eta sindikalentzat ere".

Bea Ilardia EH Bilduko bozeramaileak anbizio gehiago eskatzen du. “Ezin gara mugatu neurri ekonomikoetara. Bizi dugun krisi soziosanitario honetan ezinbestekoa da zaintzan, egoitzen ereduan edota mugikortasunean irtenbideak proposatzea”. 

Elkarrekin Podemosentzat eta EH Bildurentzat argi dago ez dagoela "planifikaziorik", "Ez dago modu eztabaidagarrian, neurri horiek aberasteko edo hobetzeko ekarpenak egiteko aukerarekin, Kongresuan eta beste parlamentu batzuetan gertatzen den bezala". Horrenbestez, Aldundiak elkarlanerako asmoa badauka, ez litzateke ulertuko honelako proposamen bati ezetz esatea.

ALBISTEAK

Ilardia: “Bizi dugun egoeran subflubialera dirua bideratuz eta Bizkaia Dorrerako inbertsioa handituz Aldundiak bere lehentasunak zeintzuk diren agerian utzi ditu”

2020-06-03 14:10:00

Aste honetan Bizkaia Dorrerako eta itsasadar azpiko tunelerako 20 milioi euro iragarri dira, enplegu planerako bost milioi bakarrik bideratu diren bitartean

EH Bilduk proposatutako planarekin 110 milioi euro berehala lortuko lirateke koronabirusaren ondorioei aurre egiteko

2020-05-29 12:55:00

Kopuru horretaz gain, epe ertainean diru gehiago lortzea ahalbidetuko duen plana aurkeztu du EH Bilduk Bizkaiko Batzar Nagusietan

Ilardia: “Bizkaia Aurrera planak neurri puntualak eskaintzen ditu. Bizkaiak plan integral bat behar du”

2020-05-20 12:39:00

EH Bildu Bizkaiko bozeramaileak gogoratu du plan horrek ez duela zaintza bezalako gaientzat neurririk aurreikusten