Bizkaia

Bizkaiko aurrekontuekin aukera bat galdu dela uste du EH Bilduk

Gobernu taldeek elkarlanaz hitz egin duten arren, ez dute oposizioaren emendakin bat ere onartu

| 2021-02-24 11:28:00

Gaur goizean, aurrekontuen inguruko bilkuran, Arantza Urkaregi EH Bilduko batzarkideak adierazi du «onartuko diren aurrekontuak aukera galdu bat direla». Batzarkideak azpimarratu duenez, «COVID 19ak azaleratu dituen arazo eta beharrizanei aurre egiteko ezinbestekoak ziren aldaketak eta lehentasun berriak definitzeko aukera galdu da».

EH Bilduk lau arlotan egin ditu bere proposamenak eta ekarpenak. Hain zuzen ere, gizarte zerbitzu publikoak sendotzeko, trantsizio ekologikoa bultzatzeko, enplegu duina bultzatzeko eta Bizkaiaren eskualdeen garapen sozioekonomiko sustatzea izan da helburua.

«Proposamenei ezetz esan diete EAJk eta PSEk. Arazoa, gainera, ez da ez dituztela onartu. Arazoa da gobernua osatzen duten alderdiek ez dutela ezer eztabaidatu nahi izan», adierazi du Urkaregik.

Oposizioaren emendakinik eta herritarren alegaziorik ez dute onartu EAJk eta PSEk

Izan ere, Aldundiak ez du onartu oposizioaren emendakinik ezta herritarrek aurkeztutako alegaziorik. Ondorioz, aurrekontuetan ez da onartu gizarte zerbitzuak indartzeko funtsa baten sorrera, adinekoen egoitzen ikuskapena indartzea, Galdakao eta Errekalderako metro lineen eraikitze prozesua azkartzeko dirua jartzea edota enplegu publikoa sortzeko neurriak.

Urkaregi: «Lehentasunak aldatu dira eta aurrekontu proiektu honek ez die horiei erantzuten»

EH Bilduko batzarkideak aurrekontu proiektuak adinekoen egoitzen arloan, enpleguan eta trantsizio ekologikoan dituen gabeziak azpimarratu ditu

| 2021-02-03 12:07:00

Arantza Urkaregi EH Bilduko batzarkideak Bizkaiko Foru Aldundiaren aurrekontu proiektuari aurkeztutako Osoko Emendakina defendatu du gaur goizean. Urkaregik azpimarratu du «pandemia honek lehentasunak goitik behera aldatu dituela, baina horiei aurre egiteko sakoneko aldaketarik ez dakarren aurrekontu proiektu bat aurkeztu dute gobernua osatzen duten alderdiek».

EH Bilduko batzarkideak azpimarratu du aurrekontu proiektuak zaintzaren arloan dituen gabeziak. Urkaregik gogoratu duenez, «ez dago inolako proposamenik egoera larrian dauden adinekoen egoitzetarako. Aldundiak iragarritako eredu berrirako neurririk ez dago». Are gehiago, Gallartako adinekoen egoitza aniztasun funtzionala daukaten pertsonentzat bihurtzean, sistema publikoko 64 plaza kenduko direla azpimarratu du. Horretaz gain, egoitzen ikuskaritza behar bezala ez indartzea salatu du eta 154 egoitzetarako 7 ikuskari bakarri daudela esan du.

Enpleguari dagokionez, Aldundiak 2020ko antzeko programak mantentzen dira. «Bitartean, egunero ikusten ari gara langileak kanporatzen dituen enpresaren bat: ITP Aero, Gestamp-eko Matricerías Deusto eta GTS, edo bihar izan daiteke Galdakao Maxam enpresa. Eta egun Covid-19ak gogor kolpatu dituen sektoreek, hala nola tokiko merkatariek, turismoko sektoreko langileek, ostalariek edota autonomoek ez dute aurkituko aurrekontu-proiektuan beraien erreskaterako neurririk. Ezta ere Kultura Sailean, kultur sortzaileen laguntza zuzenak».

Urkaregiren ustez, aurrekontuak proiektuak ez du basogintzan, hondakinen politikan edota mugikortasunean ere inolako berritasunik ekarri. Azken horretan Aldundiak auto pribatuaren erabileraren aldeko apustua egin duela adierazi du batzarkideak. «Supersur edo itsasadar azpiko tunelerako dirua dagoen bitartean, metroko laugarren eta bosgarren lineak Europatik heldu daitekeen diruaren zain geratzen dira. Honetan ere lehentasunak aldatzen diren bitartean aurrekontu bera aurkezten duzue».

EH Bilduk Sergio Murillo Gizarte Ekintzako diputatuari Orozkoko eguneko zentro bateko txertaketa prozesuan langileek salatutako irregulartasunen inguruan galdetuko dio

Izaskun Duque batzarkideak gardentasuna ezinbestekoa dela azpimarratu du

| 2021-01-27 12:44:00

Orozkoko eguneko zentro bateko langileek txertaketa prozesuan salatutako irregulartasunak direla eta, EH Bilduk azalpenak eskatuko dizkio Sergio Murillo Gizarte Ekintzako diputatuari.

Izaskun Duque batzarkideak adierazi duenez «ezinbestekoa da jakitea zer gertatu den. Langileek salatu dute eguneko zentroa kudeatzen duen Grupo Norteko arduradun bat txertatu dela beharrizan gehiago zituen beste batzuen aurretik. Horrela bada, oso larria da».

EH Bilduko batzarkideak adierazi du txertaketa prozesuan irregulartasunik egon bada oso larria izango litzatekeela. «Kezkatuta gaude. Orain dela egun batzuk Santa Marina eta Basurtoko kasuak ezagutu genituen, gaur Orozkoko eguneko zentroarena… Oso larria da bizi dugun egoeran horrelako kasuak gertatzea».

Hori dela eta, EH Bilduk Sergio Murillo Gizarte Ekintzako diputatuari azalpenak eskatuko dizkio. Duquek azpimarratu duenez, gardentasuna beti beharrezkoa den arren, kasu hauetan are garrantzitsuagoa da. «Pandemia baten erdian gaude eta horrelako jarrerek mesfidantza sortzen dute herritarren artean. Jakin nahi dugu zer gertatu den eta Aldundiak inolako neurririk hartuko ote duen».

EH Bilduk osoko zuzenketa aurkeztuko dio Bizkaiko Aldundiaren Aurrekontuari

Gizarte Foru Urgazpeneko Erakundekoari ere aurkeztuko dio Osoko Zuzenketa egoitza publikoen sistema indartu behar delako

| 2021-01-21 12:50:00

Gaur goizean eskainitako prentsaurrekoan, Arantza Urkaregi batzarkideak azaldu du Bizkaiko Foru Aldundiaren aurrekontu proiektuari Osoko zuzenketa aurkeztuko diola EH Bilduk.

«EH Bilduk argi dauka egungo egoerak arduraz jokatzea eskatzen zuela. Horrela egin dugu egingarriak diren proposamenak eginez eta helburu bakar batekin: bizkaitarren bizi baldintzak hobetzea, are gehiago egungo egoeran. Negoziazioan, aipatu dugunez, hurbilketa bat eman da, baina ez nahikoa. Ez da nahikoa izan 2021eko aurrekontuei baietza emateko, EAJk eta PSEk planteatu diguten moduan», adierazi du batzarkideak.

EH Bilduk gizarte zerbitzu publikoak sendotzeko, enplegu duina bultzatzeko, Bizkaiaren eskualdeen garapen sozioekonomiko orekatua lortzeko eta trantsizio ekologikoa bultzatzeko proposamenak egin ditu eta arlo zehatz biri eman die garrantzia EAJ eta PSErekin izandako negoziazioan. Hain zuzen ere, Gizarte Ekintzari eta Iraunkortasunari.

Urkaregik azaldu duenez, «EH Bildu kezkatuta dago Gizarte Ekintzan aurreikusten den aurrekontu igoera batazbestekoa baino txikiagoa delako. Aurrekontua %5,2 igo den bitartean, Gizarte Ekintzakoa %3,4 bakarrik hazi da». Arlo honetan EH Bilduk Gallartako adinekoentzako egoitza mantentzea eta egoitzen ikuskapena indartzea eskatu du. «Gallartakoa mantenduko dutela ez dute bermatu eta ikuskapenean pertsona bat gehiago jarri dezaketela esan dute. Gaur egun 7 ikuskari daude, beraz ez da nahikoa. Guk 14 ikuskari eskatzen ditugu».

Osoko zuzenketa aurrekontu osoari eta osoko zuzenketa Gizarte Urgazpenerako Foru Erakundeari, bere aurrekontua itzultzea eskatuz.

Iraunkortasunari dagokionez, EH Bilduk neurriak proposatu ditu Klima Aldaketarako politikak abian jartzeko, udalek hondakin politikak aldatzeko eta basoen aniztasuna bermatzeko eta Europako Itun Berdearen helburuak lortzeko. «Aurten ikusi dugu arlo honetara bakarrik bideratuko direla 12 milioi euro. Non geratzen da 2019ko Batzar Nagusietan onarturiko Larrialdi Klimatikoko deklarazioa?», galdetu du Urkaregik.

Nahiz eta oraingoan akordioa lortzea ezinezkoa izan, EH Bilduko batzarkideak azpimarratu du bizkaitarrontzat onuragarriak diren neurriak abian jartzeko lanean jarraituko dutela. «Aurrekontu negoziaziotik kanpo EH Bilduk lanean jarraituko duela aipatutako arloetan akordioak eta hobekuntzak lortzeko asmoarekin. Politika Orokorreko plenoan adierazi genuen bezala, EH Bilduk eskua luzatzen du bizkaitarrontzat onuragarriak diren neurriak eta akordioak lortzeko eta horrela izaten jarraituko du».

Azkenik, osoko zuzenketez gain, EH Bilduk 100 milioi eurora heltzen diren 130 emendakin partzial aurkeztuko ditu.

Duque: "Ulertezina da Gizarte Ekintzako diputatuak Muskizko egoitzako langileei kutsatze-fokuaren errua leporatzea"

Zamudioko egoitzaren egoera ere kezkagarria dela azpimarratu du EH Bilduk eta neurriak hartzeko eskatu dio berriro Aldundiari

| 2021-01-14 13:09:00

Izaskun Duque EH Bilduko batzarkidea harrituta agertu da Gizarte Ekintzako diputatu Sergio Murillok Marcelo Gangoiti egoitzako fokoaren ardura langileen gain utzi ostean.
«Berriro ere, pandemiaren hasieratik gertatzen ari den bezala, foru gobernuak bere erantzukizuna saihesten duela ikusi dugu. Ez zaigu arduratsua iruditzen langileak kutsatze-iturri gisa erruduntzea eta estigmatizatzea. Egin behar dutena irtenbideak bilatzea eta jardutea da».


Hain zuzen ere, Duquek gogorarazi du Muskizen gertatutakoa ez dela kasu isolatu bat eta Bizkaiko egoitzak oso egoera larrian daudela, 350 positiborekin eta 14 egoitzatan kutsatutako pertsonekin.


Egoera zaila Zamudioko egoitzan

 

Zamudioko Truiondo adinekoentzako zentroan ere kopuru kezkagarriak daudela ohartarazi du EH Bilduko batzarkideak. «Zamudion foku bat erregistratu zen abenduaren 7an eta kutsatzeen zifrek erakusten dute ezin izan zela kontrolatu».


Egoera horren aurrean, EH Bilduk kudeaketa pribatuko adinekoen egoitzetan esku hartzeko eskatu dio berriz ere Aldundiari.

ALBISTEAK

EH Bilduren ustez, Aldundiak metro-linea berrietarako aurkeztu dituen proiektuek gabezia handiak dituzte oraindik, eta ez diete benetako beharrei erantzuten

2021-01-13 16:23:00

Raul Mendez batzarkidearen esanetan, bi proiektuetan urratsak ematea positiboa da, baina Aldundiak lehentasuna izaten jarraitzen du, besteak beste, Lamiakoko tunela eta Supersurra

EH Bilduk Muskizko Marcelo Gangoiti egoitza interbenitzea eskatu du, koronabirusarengatik kutsatu asko atzeman dituztelako

2021-01-13 14:48:00

Izaskun Duque batzarkideak iragarri du proposamen bat aurkeztuko dutela Bizkaiko Batzar Nagusietan kutsadura-tasa altua duten kudeaketa pribatuko egoitzetan jardun ahal izateko

Aurrekontuetan akordioetara heltzeko prestutasuna adierazi EH Bildu Bizkaiak, betiere benetako lehentasunei erantzuteko norabide aldaketa bat emanez gero

2020-12-11 13:31:00

Bea Ilardia Bizkaiko EH Bilduko bozeramaileak berretsi du 2021eko aurrekontuek lehentasun berriei aurre egiteko balio behar dutela

Tabernak eta jatetxeak itxita dituzten ostalariei ur-tasa finkoa ez kobratzea eskatu dio EH Bilduk Ur Partzuergoari

2020-11-24 11:53:00

Gaur arratsaldeko Ur Partzuergoaren bileran egingo du proposamena EH Bilduk eta, horrekin batera, saneamenduaren tasa ez kobratzeko neurria berriro ere abian jartzeko eskatuko du