IRITZIAK

Kasualitaterik ez dago hemen

Irene Ezkurra | 2021-11-09 08:13:00

Astuna dela ezin ukatu gai oro (eta horrenbestez, iritzi oro) bizi dugun ez-ohiko egoerari lotzea, gazteak gazteak gazteak eta izurrite madarikatua, ni ere honetara nator oraingoan ere.

Gure bizitzak alde guztietatik zeharkatzen ditu ate joka dugun krisiak, ordea, eta ezin ezein esparruri buruz iritzirik eman hau kontenplatu ezean. Anabasa erraldoiak lehendik bizi genuen normaltasuna hankaz gora jarri eta gure bizitzak ere goitik behera aldrebestu ditu. Aldaketa hauek, kasualitatez, kalterako izan dira sektore zaurgarrienetan.

Zurrunbilo honen barruan, ikusten denari erreparatu ordez ikusgai ez dagoen horri erreparatu nahi diot hemen. Zehazki, pandemiak gazteongan eragin dituen ondorio psikosozialei. Gazte gehienok izango dugu gure inguruan azken urtean gaixotasun psikosozialik bizi izan duen gertuko edo ezagunik. Hau ere ez da kasualitatea hurrengo datuari erreparatzen badiogu, hots, gazteengan antzemandako gaixotasun psikosozialak nabarmen handitu dira gurean, eta hauek eragindako ospitalaratzeak %50 hazi.

Esaten genuen lehen ere, itxialdia eta hobeto esanda pandemiaren aurka egindako gestioak interes konkretu batzuei erantzun ziola.Ikusi genuen nola gazteon egoera inori axola ez eta gainera gure gainean jarri zutela pisu eta zama mordoa, gertatzen zenaren erantzule nola egin gintuzten ondo ikusi genuen. Testuinguru horretan bada ulertu behar dira gazteok egun bizi ditugun kasu guzti hauek, sozializatzeko espazioak alternatibarik gabe kendu eta gainera presio izugarria jartzen zaigun testuinguruan. Noski, eremu sozialaz gain badu bere garrantzia azken urteotan areagotu den prekarizazio mailak, lan eta ikasketen esparruan besteak beste. Bizi eredu idealizatu baten gezurra, etorkizun gordin guztiz ezegonkorra…jasan izan dugun egoerak eraman gaitu zenbaki hauetara, zalantzarik gabe.

Hau konpartitu ezkero, bada, ados egon gaitezke egoera larri honek atzean erantzule batzuk dituztela. Zehazki, ezegonkortasunera eta prekarietatera kondenatzen gaituztenon izenak.

Areago, arazoa konpondu ez eta larriagotzen du osasun sisteman osasun mentalari ematen zaion tokia, hutsaren hurrengoa dena. Arazoa larria da, datuak begiratzea besterik ez dago. Ikusi ez arren gure inguruan eragiten du auzi honek, eta hurrengoarekin bukatuko dut, kasualitatea hemen ez da existitzen.

La quimera de la vivienda en Getxo

Pedro Gutierrez | 2021-10-17 21:31:00

Comentaba en el último artículo que el problema de la vivienda en Getxo se ha agudizado tanto por la falta de voluntad política de nuestros gestores municipales como por el despropósito de la gestión municipal.

A modo de recordatorio:

El PGOU vigente data de 2001 y debería haber caducado legalmente en 2008 (8 años de vigencia).
En 2013 se publicó el decreto para la constitución del Lantalde de participación ciudadana para la revisión del PGOU (32 asociaciones + 41 ciudadanas-os), que trabajaron durante dos años para debatir y consensuar las líneas que deberían informar la renovación del mismo al objeto de diseñar un Getxo más vivible, solidario y sostenible.
El 21-09-2021 ha finalizado la ampliación del plazo legal para la renovación del PGOU.

Pues bien, seguimos como al principio pero con el problema de la vivienda, entre otros,  agravado por el paso del tiempo y nuestros gestores municipales sin dar señales de vida, no informan de cuando se renovará el PGOU, ni de qué soluciones van a implementar, ni siquiera elaboran un mínimo programa de acciones a realizar. Debe ser que el COVID19 ha atacado la gestión municipal con carácter retroactivo, ¡13 años de prórroga para decidir qué hacer, qué soluciones plantear,…!. Jóvenes que tenían 25 años en 2013 hoy tienen 38, algo tarde para comenzar un proyecto de vida en el pueblo que les vio nacer si esa  fuere su voluntad, y, que a la vista de los datos así parece ser; según el GV existen 5.743 demandantes de vivienda en Getxo, de los cuales 3.679 la demandan en alquiler. Es necesario y urgente aplicar la Ley de Vivienda de la CAV que lleva vigente desde 2015 y que recoge que el 80% de los recursos en materia de vivienda, salvo los destinados a rehabilitación, deben destinarse al alquiler, que aún no se ha cumplido sin que nuestros gestores se responsabilicen de ello, emprender las acciones legales contempladas en dicha ley para movilizar en el mercado el parque de vivienda vacía de Getxo.

EH Bildu continuará exigiendo a nuestros gestores municipales la responsabilidad de su no cumplimiento y seguirá trabajando para lograr en el menor plazo posible la creación en nuestro pueblo de un parque de vivienda público en alquiler social, y, para que sea la ciudadanía de Getxo mediante consulta ciudadana, la que decida qué tipo de pueblo quiere tener.

Etxe feministaren bila

Ane Larrakoetxea Vivar | 2021-09-20 09:50:00

Esan dugu. Errepikatu dugu. Getxoko emakumeok* espazio feminista propioa nahi eta behar dugu! Gaurkoan ez dut teorizazio sakonetan sartu nahi; askotan korronte, diskurtso eta teoria antzu eta korapilatsuetan galtzen baikara. Gaurkoan azaletan bizi eta gordetzen duguna adierazi nahiko nuke.

Abuztu bukaeran egun feminista antolatu zuen mugimendu feministak Getxon eta Portu Zaharrean 30 bat emakume* elkartu ginen. Aurkezpen ronda bat egin ostean, munduko 10 herrialde baino gehiagoko topagunea sortu genuela konturatu ginen: Bolivia, Argentina, Uruguay, Guatemala, El Salvador, Filipinak, Txile, Peru, Nikaragua, Paraguay, Frantziar estatua, Euskal Herria… Herrialde ezberdinetako dantzak eta hizkuntza zapalduetako hitzak elkarri irakasten aritu ginen. Arropa merkatu inprobisatua ere antolatu genuen, desfile eta guzti. Barre egin genuen.

Konturatu ginen emakume* izatea ez zela elkartu gintuen ezaugarri bakarra. Kultura eta hizkuntza gutxitu eta zapalduetako herritarrak ginen; langile prekarizatuak, sektore feminizatuetan lan egitera behartutakoak; mota ezberdinetako indarkeriak jasan izandakoak; gazteak izateagatik gutxietsitakoak; heldu(egiak) izateagatik gutxietsitakoak; heteroarauaren legeak hausteagatik seinalatuak izandakoak; azalaren koloreagatik jazarritakoak.

Elkartu ginen bakoitzaren gorputza zapalkuntza batek, bik, batzuek edo denek zeharkatzen zutela konturatu ginen eta zapalkuntza horiei guztiei aurre egiteko espazio komunak behar ditugula ondorioztatu genuen.

Getxoko PNV eta PSEk legegintzaldi bat baino gehiago daramate hitza ematen herrian Emakumeen Etxea egongo dela. Dagoeneko ez gara harritzen euren iruzurkeriaz. Getxon emakumeen* etxe bat behar dugu, bai. Baina ez edonolako etxea; gureak etxe feminista izan behar du: herriko emakumeon* problematikei behetik, bazterretatik eta ezkerretik helduko dien espazioa. Eta noski, mugimendu feministaren aitortza egiten duena.

Gure aldetik presionatzen eta norabide horretan lan egiten jarraituko dugu, behingoz herri honetan espazio feminista propio bat lortzeko. Bide hau beste legegintzaldi batez luzatzeko hautua hartzen badute, gure hautu propioa egingo dugu guk!