AKTUALITATEA
| 2025-01-07
EH Bilduk bat egin du Sare Herritarrak euskal preso politikoen eskubideen alde eta, batez ere, auzi politikoaren ondorioen behin betiko konponbidearen alde Bilbon egingo duen manifestazioarekin.
‘Behin betiko. Bakea. Konponbidea. Elkarbizitza’ izango da larunbateko manifestazioaren leloa, eta egungo egoeraren honako irakurketa hau egiten du: "Konpontzen ez diren arazoak asko sufritu duen eta elkarbizitzan aurrera egin behar duen gizarte baten desadostasunean enkistatzen eta sakontzen dira".
Arazo horietako batzuk konpontzeko bideak bilatzen joan dira, baina beste batzuk, ordea, sufrimenduaren eta bidegabekeriaren protagonistak dira oraindik ere. "Salbuespen handienetako bat" da, euskal preso politikoen eskubideak urratzen jarraitzea, eta horregatik da beharrezkoa behin betiko konponbidea. EH Bilduren ustez, larunbateko martxak bultzada bat eman behar die auziaren ondorioei konponbiderako eta behin betiko konponbiderako bideei.
EH Bilduren ordezkaritza osatuko dute: Arnaldo Otegi koordinatzaile nagusia, Gorka Elejabarrieta senataria, Pello Otxandiano Legebiltzarreko oposizio burua, Laura Aznal Nafarroako Parlamentuko bozeramailea.
AZKEN ALBISTEAK
