Azken asteotako negoziazioen ostean, EH Bilduk eta Nafarroako Gobernuak Aurrekontuen 2020 Proiekturako aurreakordioa lortu dute. Aurreakordioaren arabera, gastu-muga handituko da eta horrek ahalbidetuko du zuzenketak aurkeztea aurrekontu-proiektua hobetzeko helburuarekin lurralde-kohesioaren ikuspegitik, baita zerbitzu publikoen eta herritarren eskubideen indartze ikuspegitik ere.
Helburu horien ildora, bi aldeek akordio zehatzak hartu dituzte 2020.urtean garatuko diren politika publikoen inguruan, tramite parlamentarioan bertan eta ondorengo gobernu ekintzan islatuko direnak.
Ezaugarri honetako akordio batera iritsita, EH Bilduk konpromisoa hartu du Gobernuak aurkeztutako aurrekontu proiektuari osoko zuzenketarik ez aurkezteko, egon litezkeen osoko zuzenketen aurka bozkatzeko eta aurrekontuen onarpena ahalbidetzeko.
Haurrak ere indarkeria matxistaren biktima zuzenak dira, gogorarazi du Oihana Etxebarrietak, eta legea egokitu beharra aldarrikatu du, haiek babesteko. Indarkeria matxista kasuetan seme-alabekin behin-behineko komunikatze debekuak ez dira %10era iristen, kritikatu du.
1996ko Eskubide Sozialen Europako Karta berresteko asmoz, Mertxe Aizpurua bozeramaileak aurkeztutako Legez besteko Proposamena onartu du Kongresuak, gehiengoz, Europako gainontzeko Estatuekiko eskubide sozialak "desabantaila eta desberdintasun agerikoan" daudela iritzita: "24 urte daramatza Espainiako Estatuak egoera hau konpondu gabe". Ez da batere eredugarria".