ES

Albisteak

Öcalanen isolamenduaren kontra mobilizatzera deitzen du EH Bilduk
EH Bildu | 2019-03-29

Lakuak ez du hitza bete eta 2 urteko ikasleak eskola garraio barik utzi ditu datorren ikasturterako

Legebiltzarra | 2019-03-29

Rebeka Uberak salatu duenez, “Hezkuntza Sailak zerbitzua bermatzeko konpromisoa hartu zuen abenduan, baina ez du dekretua aldatu eta orain ikastetxeei jakinarazi die Haur Hezkuntzako 1. zikloko umeek kanpo jarraitzen dutela”.

Legebiltzarrak ponentzia sortuko du, EH Bilduk proposatuta, autogintzak dituen erronkei heltzeko

Legebiltzarra | 2019-03-28

Miren Larrionek autogintzak euskal ekonomian duen pisu estrategikoa azpimarratu eta funtsezkotzat jo du politika publikoak planifikatzea egun ziurgabetasunean bizi den sektore hori arrakastaz gara dadin.

EH Bilduren ekimenez, Legebiltzarrak urratsa egin du kooperatibek Lanbideko administrazio kontseiluan parte har dezaten

Legebiltzarra | 2019-03-27

Leire Pinedok kooperatibek euskal ehun produktiboan duten garrantzia azpimarratu eta bidegabetzat jo du enpleguaz eta lan politikaz eztabaidatu eta erabakitzen den guneetan Confebasken enpresa eredua soilik egotea.

EH Bilduk akordioa sustatu du Lakuak giza kontsumorako ez egoki deklaratu dezan lindanoak kutsatutako zonaldeetan hartutako ura

Legebiltzarra | 2019-03-27

Mikel Oterok adierazi duenez, akordioa, aho batekoa, lehen urratsa da lindanoagatiko kutsaduraren arazoa konpontzeko. Lindanoa substantzia kantzerigenoa da eta Nerbioi-Ibaizabal eta Zadorrako arroetan detektatu da.

Nor gara?

Burujabetzaren aldeko euskal ezkerreko indarra da EH Bildu.

Justizia sozialean oinarritutako Euskal Herri independente bat lortzea dugu xede.

Helburu horiekin bat datozen alderdi edo sektore politiko eta pertsona guztien parte-hartzera gaude irekita.

Eskaintza politikoa

  • Euskal Herria nazioa da.
  • Euskal Herriak askatasun osoz erabaki behar du bere etorkizuna.
  • Euskal Herria, denontzat eraiki beharreko subjektua.
  • Euskal Herriak tresna politiko eta ekonomiko guztiak behar ditu.
  • Euskal Herriaren erabakitzeko eskubidea eta lurraldetasuna defendatzen dugu, oinarri demokratikoen parametroetan eta errealismo politikoan oinarrituta, eta aniztasuna errespetatuta.
  • Euskal Herria Europan. Herrien Europaren alde egiten dugu.
  • Euskal jendartea oinarrizko subjektu eta bermatzailea da euskal herritar guztien eskubide indibidual eta kolektibo guztiak onartzean oinarritutako bake eta normalizazio demokratikoko egoera baterako ahaleginean aurre egiteko, eta egoera hori lortzeko.
  • 1. Erabaki estrategikoak hartzeko zuzeneko demokrazia sustatu behar da, eta, horretarako, erreferendumak eta herri-kontsultak bultzatu eta egin behar dira.
  • 2. Parte-hartze sozialerako politikak landu eta parte-hartzean oinarritutako demokrazian sakondu beharra dago. Horretarako, kontuan hartuko da emakumeek gizonen aldean duten egoera asimetrikoa, eta berdintasun erreala eta eraginkorra bermatuko.
  • 3. Ordezkatuko gaituzten pertsonak herri-borondatearen kudeatzaile errealak izateko eredu bat garatu behar da.
  • Sektore estrategikoen kontrol publiko eta soziala sendotzea.
  • Zerga- eta jendarte-politika. Fiskalitate progresiboa, zerga-iruzurraren aurkako jardun eraginkorra eta zainketei, osasunari, hezkuntzari eta etxebizitzari lotutako zerbitzu publikoen unibertsaltasuna eta kalitatea bermatuko dituen gastu sozial bat eskatzen dugu.
  • Osasun-sistema. Herritar guztientzako kalitateko eta doako osasun-sistema unibertsal baten alde gaude.
  • Zainketa-zerbitzu publikoak. Egungo pribatizazio-prozesuaren aurrean, kalitateko zainketa-zerbitzu publiko bat bultzatuko dugu.
  • Lan Harremanen eta Jendarte Babesaren Euskal Esparrua. Euskal erakunde eta agente ekonomiko eta sozialei enplegu eta jendarte-babeseko politika burujabeak ezartzeko eskumen juridikoko tresnak edukitzea ahalbidetuko dien lan-harremanen euskal esparru bat eskatuko dugu.
  • Lan-eskubideen defentsa.
  • Elikadura-burujabetzaren babesa.
  • Ekonomia ekologizatzea. Energiaren aurrezpena eta iturri berriztagarri ekologikoen era-bilera lehenetsi behar dira, energia-sistema publiko batean oinarrituta.
  • Ekonomia sozial eta solidarioaren babesa. Parte-hartze aktiboan, elkartasunean, ekitatean, inklusioan eta feminismoan oinarrituta egongo den eta pertsona guztien eskubideen indarra bultzatzea helburu bakar izango duen eredu baterantz egin behar da aurrera.
  • Diru publikoaren kudeaketa gardena eta optimizatua. Erakundeen kontrola bermatzeko eta diru publikoaren xahuketa eragozteko, egungo erakunde publikoak sinplifikatzea, bikoiztasuna saihestea eta gardentasuna bermatzea proposatzen dugu.
  • Produkzio-eredua. Euskal produkzio-sarean inbertitzea.
  • Gure ustez funtsezkoa da euskara normalizatzeko estrategia komun bat landu eta sendotzea, pertsona eleaniztunez osatuta egongo den eta XXI. mendeko euskal jendartearen kultura-aniztasuna errespetatuko duen Euskal Herri euskaldun bat lortzeko.
  • Emakumeek beren erabateko garapenerako beharrezkoak dituzten baldintzak bermatu eta patriarkatua gainditu beharko dugu jendarte benetan bidezko, zuzen eta demokratiko bat lortzeko bidean aurrera egiteko.
  • Euskal herritar guztiek dute kalitateko hezkuntza bat eta beren nahi eta gaitasunen araberako etengabeko prestakuntza bat jasotzeko eskubidea. Horretarako, hezkuntza-eredu propio bat defendatu behar dugu.
  • Gazteriak aldaketa politiko eta sozialaren protagonista eta eragile izan behar du, Euskal Herriaren oraina eta etorkizuna den heinean. Ildo horretan, konpromisoa hartzen dugu euskal gazteek gaur egun eremu guztietan bizi duten salbuespen-egoerari aurre egin eta irtenbidea emango dioten neurriak bultzatzeko eta gazteen antolaketa eta ahalduntzea sustatzeko, gazteek izan behar baitute, eta gazteek baino ez, hain beharrezkoak diren aldaketen protagonistak.
  • Konpromisoa hartzen dugu nazioarteko elkartasun-politika eraginkorrak egiteko, eta lan egingo dugu bidezko mundu solidario bat eraiki nahi duten indar politiko, sozial eta sindikal guztiekin, Europan zein mundu osoan aliantza eraginkorrak egituratzeko.
  • “Herritartasun unibertsal” kontzeptu inklusiboaren defentsa aktiboa egin nahi dugu. Kontzeptu horren arabera, pertsonak eskubideen eta erantzukizunen subjektuak dira gizaki diren neurrian. Hori dela-eta, pertsonei ezin zaie ezein eskubide kendu beren jatorri, arraza, sexu, etnia edo nazionalitateagatik, eta denok gara erantzule pertsona guztiek dituzten eskubide guztien erabilera bermatzeko garaian.

Instituzioak

Gasteizko Legebiltzarra

Nafarroako Parlamentua

Madrilgo Kongresua / Senatua

Europako Parlamentua

Herrialdeak

Araba

Bizkaia

Gipuzkoa

Nafarroa

Hauteskundeak

Gardentasuna