AKTUALITATEA

| 2024-04-24 08:55:00

Etxebizitzaren arazoari aurre egiteko neurri osagarri bat proposatu nahi dugu mozio honekin. Beste gauzen artean, espazioaren erabilpen efizientea dakar. Izan ere, etxebizitza handiak unitate txikiagotan banatzeak, hobeto aprobetxa dezake zegoen espazio erabilgarria, are gehiago etxebizitza handi horietan pertsona bakar bat edo bi bizi direnean. Horrek esan nahi du etxebizitza handi bat unitate txikiagoetan eta eskuragarriagoetan bihur daitekeela, eta horrek aukera ematen du pertsona eta familia gehiago eremu jakin batean hartzeko.

Etxebizitza handiak txikiagotan banatzen badira, eta horietariko batzuk alokairuan jartzen badira alokairuaren merkatuan eragiteko modu osagarri bat delakoan gaude eta prezioak merkatzeko neurri lagungarria. Alokairuaren prezioa merkatzea da etxebizitzaren eskubidea bermatzeko bidea, eta ez soilik gazteen kasuan.

Etxebizitzen segregazioak ditugun baliabideen aprobetxamendua ekarriko luke. Etxebizitza berriak zerotik eraiki beharrean, lehendik dauden etxebizitzen zatiketak azpiegituraren erabilera eta hirian dauden baliabideak handitzen ditu, eta hori jasangarriagoa izan daiteke ingurumenaren eta ekonomiaren ikuspegitik.

Etxebizitzak modu eraginkor eta etikoan bereizteko, garrantzitsua da emaitzaren, hau da, ateratzen diren etxebizitzen kalitatea eta segurtasuna bermatuko duten politika eta erregulazio egokiak kontuan hartzea, bai eta jabeen edozein ustiapen edo gehiegikeri saihestea ere. Hori erakunde publikoen ardura da.

Etxebizitzen banaketa egikaritzeko sustagarriren bat behar dute jabeek, edota laguntzak egin beharrezko balizko egokitze lanei aurre egiteko. Diru laguntzak ere beraz aintzat hartu behar dira eta baita alokairuan jabeei segurtasuna emateko programa.

Laburbilduz, etxebizitzak banatzea estrategia baliagarria izan daiteke etxebizitza-krisiari aurre egiteko eta gazteek eta beste demografia-talde batzuek errazago bizitzeko aukera izan dezaten. Hala ere, funtsezkoa da neurri horrekin batera erregulazio-esparru sendoa eta plangintza zaindua izatea, onurak handitzeko eta gerta daitezkeen erronkak arintzeko.

Hori dela eta honakoa proposatzen diogu Getxoko osoko bilkurari:

1.         Getxoko udalak sortu ditzala etxebizitza handiak zatitzeko erraztasunak eta dirulaguntzak emateko programa. Beti ere sortzen diren etxebizitzetatik gutxienez bat alokairuan jartzen bada Alokabideren programaren  bidez.

2.         Alokabiderekin elkarlanean jabeei bermeak emateko programa edo kanpaina berezia egin dezala Udalak.

3.         Udal Gobernua berehala has dezala aipaturiko neurriak egikaritzeko udal araudian beharrezkoak diren aldaketak egiten.