AKTUALITATEA

| 2024-10-14 08:56:00

Gobernu Taldeak "Irurak bat" eraikin historikoaren eraispenean gertatutakoa argitzeko borondaterik ez duenez, EH Bilduk Bizkaiko Fiskaltzara jotzea erabaki du, legez kontrako delitua egin ote den ikertzeko. Hasieran, EH Bilduk fiskaltzara jotzeko eskatu zion Udalari, erakundearen izenean, baina EH Bilduk aurkeztutako mozioa ez zuten onartu iraileko osoko bilkuran, EAJk, PPk eta PSEk ez zutelako babestu. Egoera horren aurrean, koalizioa bera izan da fiskaltzara joan dena kasuari buruzko informazio guztia emanez -EH Bildu espedientean pertsonatu zen, eta, beraz, eraispenari buruzko informaziorako sarbide zuzena du-.

EH Bilduren ustez, ezinbestekoa da Udaletik kanpoko erakunde batek Irurak Bat eta Hirigintza Sailarekin gertatutakoa ikertzea: eraistearen nondik-norakoak, lizentzia eman zenetik Udalak izandako jokabidea prozedura osoan, prozesu administratiboa, lehentasunezko traturik egon den, etab.

Oraingoz, Udalak hartu duen neurri bakarra urriaren 18rako ezohiko batzorde bat deitzea izan da, EH Bilduk eta Elkarrekin Podemosek deialdia behartu ostean. Hala ere, Gobernu Taldea saiatzen ari da batzordea oztopatzen eta trabak jarri ditu, alkateak, Lurralde Batzordeko presidenteak, zinegotzi kooperatibistak eta teknikariak batzordean parte hartzea, eta legeak agintzen dienera mugatu dira soilik. Gardentasun handiagoz jokatu beharrean, Gobernu Taldeak oposizioaren lanari oztopoak jartzen jarraitzen du, eta kasuan argibiderik eman gabe. EH Bildutik presioa egiten jarraituko dugu gertatutakoa argitzeko, erantzukizunak hartzeko eskatuko dugu, gure herriaren ondare historikoa babesteko presioa egingo dugu eta beharrezkoak diren neurriak hartzea eskatuko dugu Udaleko hirigintza sailaren funtzionamendua hobetzeko.