AKTUALITATEA

| 2023-06-22 10:02:00

Iker Casanovak, EH Bilduren Batzar Nagusietako bozeramaileak, gaur adierazi duenez, datorren legegintzaldian Bizkaiko Legebiltzarrak zuzenduko duen Mahaiaren osaketak “ez du modu egokian errespetatzen Bizkaiko gizartearen borondate demokratikoa”; izan ere, bere ustez, “EH Bilduk hautestontzietan izan duen presentzia eta protagonismoa murriztera bideratutako operazioa izan da”.

Iker Casanovak Batzar Nagusietako Mahaiaren osaketa erabakitzeko gaur goizean egindako Osoko Bilkuraren ostean egin ditu adierazpenok. EH Bilduren bozeramaileak defendatu du Batzar Nagusietako Mahaia bezalako erakunde batek “lurraldearen aniztasun politikoa ordezkatzea; eta herritarrek hautestontzietan esan dute Bizkaian aldaketa nahi dutela, ezkerretik eraikitako Bizkaia nahi dutela”.

Ildo horretan, adierazi du EH Bilduk Elkarrekin Podemos Batzar Nagusietako Mahaian egotearen alde bozkatu duela, eta, aldi berean, PPren presentzia saihestu nahi izan duela, “ultraeskuinarekin akordioak egiten dituen alderdia, iraganera begiratzera garamatzan alderdia eta pertsonen eskubideen murrizketa dakarren alderdia, hain zuzen ere”.

Hala ere, esan duenez, gaur Mahaiaren osaketan gertatutakoak “ez du proportzionaltasun-irizpideek errespetatu”. “Ezin da izan 15 ordezkari dituen EH Bildu bezalako indar politiko batek bi ordezkari dituen baten ordezkari kopuru bera izatea mahaian”, zehaztu du.

Horrela, Iker Casanovak adierazi du “gaur gertatu denak ez duela modu egokian errespetatzen Bizkaiko gizartearen borondate demokratikoa”, eta, beraz, bere esanetan, “EH Bilduk hautestontzietan lortu duen presentzia eta protagonismoa mugatzeko operazioa izan da”.

Azkenik, bozeramaile subiranistak berretsi egin du «Bizkaiko pertsona guztien bizi-kalitatea eta Lurraldearen egoera hobetzeko akordioak eta neurriak» lortzeko borondatea, bai eta Bizkaiak aurre egin beharreko erronka garrantzitsuenetan lanean jarraitzeko ere, hala nola trantsizio ekosoziala, 5.0 industria, erronka demografikoa, etxebizitza duin eta eskuragarria eskuratzea, zerbitzu publikoak eta kalitatezkoak indartzea abangoardiako politiken bidez edo lehen sektorea berreskuratu eta indartzeko itun handia.