AKTUALITATEA

Mertxe Aizpurua: «Mozal Legeari horrela deitzearen atzean dauden artikulu guztiak ezabatzea eta desaktibatzea lortu dugu»
Bizikidetza | 2024-10-04

Mertxe Aizpurua EH Bilduk Kongresuan duen bozeramaileak RNEko 'Las Mañanas' saioan Gobernuarekin herritarren eskubideak babesteko lortutako akordioa azaldu du. «Mozal Legeari horrela deitzearen atzean dauden artikulu guztiak ezabatzea eta desaktibatzea lortu dugu, aurreko legealdiko lau oztopoak barne. Lege berriak ez du gaur egungoarekin zerikusirik izango, eta herritarren eskubideak askoz ere gehiago errespetatuko eta bermatuko ditu», berretsi du.

Bozeramailearen hitzetan, «lortutako akordioari esker, amaitu egingo ditugu herritarren babesgabetasuna eta PPk Mozal Legean sartu zituen errespetu edo desobedientzia faltengatiko zigorren arbitrariotasuna. Herritarren eskubideak babestea da kontua». «Negoziazioak luzeak izan dira, Mozal Legearekin amaitzea baita aurreko legegintzaldian gainditu gabe geratu zen gai nagusia. Testu berria ahalegin kolektibo baten ondorio da, eta hori aitortzen eta balioesten dugu. Horregatik deitu nituen gainerako alderdiak eta akordioaren berri eman nien», gaineratu du.