AKTUALITATEA

Sopela oso euskalduna da. Euskaraldian parte hartu

| 2025-03-19 12:18:00

Sopela oso euskalduna da, 4 bizilagunetatik 3 euskaraz hitz egiteko edo ondo ulertzeko gai dira

EUSTATen datuak…

  • Bazenekien EUSTATen arabera sopeloztarron %48,10 euskalduna dela
  • Bazenekien EUSTATen arabera sopeloztarron % 22,92 “ia-euskalduna” dela
  • Ondorioz, bazenekien EUSTAten arabera 4 sopeloztarretatik 3 euskaraz hitz egiteko edo ulertzeko gai dela

EUSTATek datuak bost urtero eguneratzen ditu, eta esku artean ditugun azkenak 2021koak dira. Datu horien arabera, Sopelako 2 urtetik gorakoen % 48,10 (6.277 bizilagun) euskalduna da eta %22,92 (2.992 bizilagun) ia-euskalduna.

“Ia-euskaldun”en euskara maila zehatz-mehatz zehaztea erraza ez den arren, euskaldun eta ia-euskaldunen baturak (%48,10 + %22,92) argi uzten du 4 sopeloztarretatik ia hiruk, %71, 02, (9.269 bizilagun) euskaraz hitz egiteko edo ulertzeko oinarrizko maila badutela.

Euskaraldian parte hartu: Ahobizi edo belarriprest

Euskaraldia maiatzaren 15etik 25era arte egingo da, euskararen erabilera aktibatzeko  “elkar mugituz egingo dugu”lako… eta 9.269 sopeloztarrok elkar mugituz euskararen erabilerari sekulako bultzada eman diezaiokegu gure herrian

Euskaraz ulertzen duten guztiekin euskaraz egiteko eta zure lehen hitzak euskaraz izateko prest bazaude izan zaitez AHOBIZI

Agian, beti ezin izango duzu euskaraz egin, baina euskara dakitenek zurekin euskaraz hitz egitea nahi baduzu, izan zaitez BELARRIPRETS.

Eta elkartea bazara, negoziao baduzu... Euskaraldian ere lekua duzu, Euskaraldia euskararen erabilera areagotzeko ariketa soziala delako.