AKTUALITATEA

Oinezkoentzako gune berde gehiago lehenetsiko ditu EH Bilduk HAPO berrian

| 2022-09-19 10:43:00

Getxoko Hiri Antolamendurako Plan Orokor berrian EH Bilduren lehentasunetako bat oinezkoentzako gune eta berdeguneak handitzea izango da. Horretarako, koalizio abertzaleak hainbat neurri proposatuko ditu, hala nola metroaren trazadura udalerriko hainbat gunetan lurperatzea, oinezkoentzako espazio berriak sortuz. "HAPOren beste eredu bat posible da".

Horrek, adibidez, Algorta eta Bidezabal artean boulevard berri bat sortzea ahalbidetuko luke, "herriguneko mugikortasuna hobetuko lukeen espazio zabal berri bat, Telletxe kalea Sarrikobasorekin lotuz". EH Bilduk azpimarratu duenez, "HAPOk aurreikus lezakeen jardueretako baten adibide bat baino ez da, promozio urbanistiko berriak bakarrik bultzatu beharrean".

Izan ere, EAJk eta PSEk bultzatzen duten planak Areeta, Erromo edo Algortako hiriguneak ahazten dituela salatu du EH Bilduk, etxebizitza libreak eraikitzeko izan ezik. Ez da planteatzen bizilagunen bizi-kalitatea hobetzea.

Datorren irailaren 30ean, udalbatzak Getxoko HAPO onartuko du, EAJren eta PSEren aldeko botoekin. EH Bilduk alegazio sorta bat planteatuko du, besteak beste, oinezkoentzako guneak eta berdeguneak handitzea.