AKTUALITATEA

| 2026-03-25 10:22:00

EH Bildu Getxok etxebizitza eskubidearen aldeko mozioa aurkeztu eta onartu zuenetik ia urtebetera, emaitzak ikusten hasi dira. Getxoko Udalak iragarri duenez, 2.600 etxebizitza ingururen titularrei gutunak bidaltzen hasi dira, erroldatutako inor agertzen ez denean.

Mugimendu hau ez da gobernu taldearen iniziatiba, EH Bilduk bultzatutako 2025eko maiatzeko osoko bilkuraren akordioa zuzenean betetzea baizik. Mozio hartan, salatu genuen aurreko errolda 2018koa zela eta erabat zaharkituta zegoela, eta horrek eragozten zuela Getxon jasaten dugun merkatu tentsionatuaren benetako diagnostikoa izatea, Bizkaiko alokairu altuenekin.

Gure proposamenak bederatzi hilabeteko epea ezartzen zuen jenderik gabeko etxebizitzen erregistroa eguneratzeko. EH Bilduren helburua argia da:

1. Hutsik dagoen etxebizitza mobilizatzea: Ezin dugu onartu milaka etxebizitzak itxita jarraitzea, gure gazteek udalerritik alde egin behar duten bitartean, eskaintza eskuragarririk ez dutelako.

2. Gizarte-erabilera: Higiezin horiek Bizigune bezalako alokairu babestuko programetan sar daitezen erraztea, jabeen segurtasuna eta maizterren prezio duinak bermatuz.

3. Legearen aplikazioa: Errolda eguneratu ondoren, Euskal Etxebizitzaren Legea aplikatzea eskatuko dugu jenderik gabeko etxebizitzak formalki deklaratzeko eta neurri eraginkorrak hartzeko.

Alkateak kanpaina hau orain "udal-estrategia" propio gisa aurkezten badu ere, errealitatea da Udala "immobilismo" egoeran egon dela urteetan zehar. EH Bilduren presioa eta lana izan dira etxebizitza eskubide subjektiboa eta ez merkatu-ondasun hutsa izango dela bermatzeko beharrezko urrats hori ematera behartu dutenak.

Hau lehen urrats garrantsitsua da eta hemendik aurrera beste batzuk ere eman beharko dira getxoztarrek etxebizitza bermatuta izateko duten arazoari aurre egitera bidean.