AKTUALITATEA

| 2024-06-20 12:22:00

Gure ustez, prozesu hori oporretako une batean egiten da, dokumentazio zabala aztertzeko behar den denborarik gabe, eta herritarrei HAPO berriaren parte-hartzea eta edukia oztopatzen saiatuz.

EAJ, PSE eta PP gauzatzen ari diren prozesu guztia iluna da, elkarrizketarik gabea, eta herritarren parte-hartzea zaildu nahi du.

HAPO 15 urteko atzerapenarekin izapidetzen ari da.
Gobernu taldeak 3 hilabete bakarrik eman zizkien interesatuei alegazioak aurkezteko.
Gobernu-taldeak 18 hilabete hartu ditu oraindik erantzun ez diren alegazio horiek aztertzeko.
Gobernu-taldearen asmoa da alderdi politikoek, eragile sozialak eta auzotarrek HAPO “berria” aztertu ahal izatea (2000 alegazio inguruko erantzunarekin) 5-10 eguneko epean (beraiek 18 hilabete horiek prestatzeko izan dituzten bitartean).
Gobernu-taldeak ezohiko osoko bilkura egin nahi du uztailaren 26an, Aixerrotako paellen ondorengo egunean eta San Inazio jaiak hasi aurreko egunean, zalantzarik gabe opakutasuna eta herritarren desmobilizazioa bilatuz.

Salatzen dugu ere, 2022ko urriaren 19az geroztik, HAPOren hasierako onarpena onartu zenetik, ez EAJk ez PSEk ez dutela behin ere EH Bildurengana jo, udalerriaren etorkizunerako funtsezkoa den HAPO batean elkar ulertzeko puntuak bilatzeko. Beraiek osatzen dute gobernu taldea eta beraiei dagokie elkarrizketarako ekimena. Beraz, elkarrizketarako borondaterik ez dagoela berresten da, eta, beste behin ere, eskumakoena den alderdia aukeratu dutela, eta, jakina, kontrolik gabeko zementuaren laguna dena.

Getxoztarrek 2.000 alegazio baino gehiago egin zioten HAPOri, alegazio guzti hauek egin duen jendeak eta kolektiboek ez dute banakako erantzunik jasoko, harik eta onarpenaren osoko bilkura egin arte.

EAJk eta PSEk diseinatutako prozesuak, gure ustez, PPren babesarekin, urrats hauek ditu.

Uztailaren 1a. HAPO berria entregatu du.
Uztailaren 5a. HAPOren erredakzio-taldearekin bilera.
Uztailaren 12a. erredakzio-taldearekin bilera, zalantzak argitzeko.
Uztailaren 16a. HAPOko batzordearen deialdia. Une honetan, alegazioak aurkeztu dituzten pertsonek erantzuna ezagutuko dute.
Uztailaren 19a. HAPOko batzorde berezia.
Uztailaren 26a. HAPO onartzeko ezohiko osoko bilkura.

Argi geratzen da prozesua iluna dela. Prozesu honek eztabaida eta herritarren parte-hartzea eragotzi nahi du eta uda garaian babestu egiten da aurrera ateratzeko. Gainera, 15 urteko atzerapenarekin datorren eta hiriguneak ahazten dituen plana da eta argi geratzen da ez diola etxebizitzaren arazoari irtenbide berririk ematen. Izan ere, espekulazioari ateak zabaltzen dizkio. Mugikortasunari dagokionez, ez du mugikortasun-eredua aldatzen, jendearen bizitzaren aurka egiten du eta geratzen zaizkigun berdeguneetan eraikitzea du helburu.

EAJko HAPOren arduradunari galdetu zaio ea uste duen prozedura hori, epe hori eta udan onartzea gardena den, eta herritarren parte-hartzea sustatzen duen; erantzuna laburra izan bada: baietz esan du. Gure ustez, prozedura horiek parte-hartzea mugatzen dute, eta ez dira datozen 20 urteetarako udalerriaren etorkizunari heltzeko moduak.