AKTUALITATEA

ANBIZIO ETA NORABIDE GABEKO AURREKONTUAK

| 2024-11-22 16:09:00

Aurrekontuak egiteko prozesua ireki eta udal gobernuaren proposamena ezagutu eta aztertu ondoren, gure proposamenak aurkeztu genituen, luzamendurik gabe.

Proposamen horiekin, aurkeztutako proiektua hobetzen saiatzeaz gain, gure asmoa zen, ahal zen neurrian eta proposamen zehatzak aurkezteaz gain, kontinuista eta asmo gutxiko gisa baloratzen genituen aurrekontuei norabide bat ematea.

EH Bildutik uste dugu lehentasunezkoa dela aurrekontuei norabide eta zentzu bat ematea, benetako plangintza batetik abiatuta, udal eremu ezberdinetan nora, nola eta noiz iritsi nahi dugun zehaztu ahal izateko. (Beheko taulan EH Bilduk aurkeztutako proposamenak)

Kudeatzeko modu honek arazo zehatzei erantzun zehatzak emateko balio dezake, baina ez du balio hartutako neurriek epe ertain eta luzera izan ditzaketen ondorioak kontuan hartzeko.

Adibide argi bat dugu aurrekontu proposamen honetan: udalak aurrekontu-partida berriak sartu behar izan ditu lokal pribatuak lortzeko eta gaitzeko, gure elkarteen beharrak asetzeko. Izan ere, azpiegitura publikoak xahutzen joan da, herriaren errealitatea eta beharrak kontuan hartu gabe.

Bukatzeko, plangintza, guk ulertzen dugun bezala, herritarren parte-hartzea modu praktiko eta eraginkorrean bideratzeko tresna bat da, bai erabakiak hartzerakoan (lehentasunak, helburuak, baliabideak, egutegiak...), bai udal-kudeaketaren beharrezko kontrola eta ebaluazioa egiteko orduan. Horrela ulertzen dugu guk behintzat udal-kudeaketa.

Gauzak horrela, udal gobernuaren aldetik ez badago erantzun positiborik gure negoziazio eskaintzari ezin izango ditugu udal aurrekontu hauek babestu.

Eta ez dirudi egongo denik, udalak prentsan agertu denean adieraziz gure proposamenen zai daudela, guk aurkeztuak genituenean eta berehala atzera bota dituztenean.

 

 

Trantsizio ekosoziala:

  • Mugikorasunean eta irisgarritasunean eragina duten faktore guztiak kontuan hartuko duen udal-mugikortasuneko epe luzeko plan integral bat osatzea (Garraio publikoak, herribusa, bidegorriak, aparkamenduak, lurraren antolamendua…).
  • Epe motzean herribusaren doakotasuna eta zabalkuntza auzo guztietara
  • Babesleku klimatikoak sortu behar ditugu, egun dauden berdegune urriak hedatu eta mendi bideak mantendu eta berreskuratu eta beharra dugu.
  • Lur publikoak erosteko partida handitu

Etxebizitza politika

  • Etxebizitza arazoari sakon aurre egingo dion epe luzeko plan bat egitea, plan kuantifikatua (zenbat etxebizitza publiko berri, zein erregimenetakoak), periodifikatua (urtero zenbat, zenbat urtez) eta legeek ahalbidetzen dituzten aukera guztiak erabiliz (alokairuen mugaketa, etxe hutsen aktibazioa eta abar).

Ekonomia publikoa

  • Etxez etxe zerbitzuaren publifikazioaren  bideragarritasuna aztertu
  • Hezkuntza eta kulturarekin lotutako sorkuntza tailerrak (eskultura, argazkia, eskulanak…) zerbitzu publiko gisa eskaintzea.
  • Larrialdiko oinarrizko zerbitzuak bermatzea etxerik gabeko edo baztertutako egoeran dauden  pertsonei.

Azpiegiturak

  • Ur hornidura zerbitzua ez duten landa auzo guztietara eramateko plangintza.
  • Komun publiko berriak toki egokietan ezarri eta hauen mantenu egokia ziurtatu.