EH Bildu kezkatuta agertu da udal eraikinak garbitzeko zerbitzuaren baldintza-pleguen ez betetzeagatik eta horrek langileen baldintzetan dituen ondorioengatik. 184 emakume ari dira prekarizazioa salatzen, baita langileen artean dagoen soldata arrakala ere: hilean 400 eurokoa. Izan ere, bi hitzarmen desberdin daude indarrean, zein bere baldintzekin. Udal Gobernuak hau ahalbidetzeaz gainera, ez du bete urrian onartu zen mozioa, non genero ikuspegitik neurriak hartzeko eta jarraipena egiteko eskatu zitzaion.
Inoiz izan duen emaitza onenarekin, 23.387 botorekin, abiatu du EH Bilduk legealdi berria. Bere bigarren posizioa indartuz egin du, gainera: udal lan taldea osatuko duten zortzi zinegotziek donostiarrekin duten konpromisoa berretsi dute eta haien interesen alde ekingo diotela, gogoz, ilusioz. Juan Karlos Izagirrek bere hautagaitza aurkeztu du, mezu garbi batekin: «herritarrei bizkarra emanda gobernatzen bada ez dugu bidea zuekin egingo eta guk hartuko dugu ardura behar den norabidea hartzeko, herritarrekin».
EH Bilduk, orain zortzi zinegotzirekin, bigarren indar gisa duen gaitasuna indartu du eta posizio horretatik prest dago estrategikoak diren gaiak lideratzeko: etxebizitza, turismoa eta mugikortasuna, kasu. Eratuko den Udal Gobernuak ezagutzen dugun formula betikotuko du eta ez da aldaketarik aurreikusten. Donostiarrekin duen konpromisoa berresteko asmoz, Juan Karlos Izagirrek bere hautagaitza aurkeztuko du ekainaren 17ko Udalbatzaren eraketan
EH Bilduk Donostiako Udalerako jaso dituen emaitza historikoek gauzak beste modu batera egin behar direnaren ideia berresten dute. Korporazio berri honen betebeharra da mandatu honi erantzutea eta azken urteotako joera berbideratzea. Koalizioak zortzi zinegotzi lortu ditu guztira, eta abstentzioa altua izan arren, hiru mila boto berri irabazi ditu. Gainera, Ekialdeko barrutian eta Urumearen ardatzean lehen indarra da, EH Bilduk auzokideekin bertan egin duen lana babestuz.
