Donostia bezalako hiri batean, biztanleria zahartua dagoen honetan, eta zaintza sistema publikoa eztabaidaren muina den testuinguru batean, EH Bilduk neurri zehatzak proposatzen ditu etxeetan ematen den zaintza zerbitzua hobetzeko; horretarako, zaintzaileen eta familia eskatzaileen beharrak ase behar dira, hala nola, sektorean dagoen prekarietatearekin amaitzeko neurriak aplikatu. 2024tik aurrera aplika daitezkeen sei neurriko sorta bat dugu, sistema publiko-komunitario baterako hasiera izango daitekeena.
HAPOren aldaketak bere ibilbidea hasi du eta, prozesu luzea bada ere, une egokia da helburuak ezartzeko eta hiri honen beharrizanak zeintzuk diren zehazteko. Horretarako, EH Bilduk azpimarratu nahi du funtsezkoa dela diagnostiko zehatza eta zintzoa egitea, pertsonak erdigunean jarriz. Argazki horrek auzoen artean dauden desberdintasunak egiaztatzen ditu, Ekialdean daudenak bereziki. Honek, oso galdera premiazkoa eragiten du: ondo egin ez dena zuzendu nahi dugu, ala akats berberak egiten jarraituko dugu?
EH Bilduk hiriaren egoeraren diagnostiko objektibo eta kontrastatu bat egitea eskatuko dio Udal Gobernuari hiriaren Politika Orokorreko Udalbatzan. Neurri estrategiko gisa, GI-20aren eraldaketaren proiektuak dituen aukerak defendatuko ditu, eta indarrean dauden etxebizitza legeak aplikatzea eskatuko du. HAPOaren aurerrapenak aurreikusten dituen formulak aplikatuz, eraikita dagoen etxebizitza- parkearen gainean kopuru babestu bat lortu daiteke, zehazki 4.400 etxebizitza.
Turismo Plana estreinatu berritan sektorearen gainean egin beharreko hausnarketa beharrezkoa da Donostian. Hartuko diren erabakiek markatuko dute-eta etorkizuna. Berau kontrolatzeko politika aktiboak aplikatu, donostiarron harremanetarako-espazioak berreskuratuko dituztenak, hala nola aktibitatearekin dugun mendekotasuna arinduko dituztenak. Egoera batzuk leheneratzea lehentasunezkoa da EH Bildurentzat.
