AKTUALITATEA

| 2024-06-07 12:02:00

Kontziente gara ura ondasun urria dela, baina funtsezkoa, eta jarduera asko haren mende daudela, hala nola nekazaritza-sektorea. Hori dela eta, EH Bilduk Hornidura eta Saneamenduko Udal Araudia aldatzeko arau-proposamen bat erregistratu dugu, kategoria edo erabilera berri bat sartzeko, zehazki ‘Nekazaritza Jardueren Erabilera’ izenarekin. Aipatzekoa da gaur egun ez dagoela ezarrita landa-jardueretarako ur- kontsumoaren tarifa espezifikorik. Aipatu behar da hornidura eta tasak finkatzea udalaren eskumena direla.

Uraren erabilera desberdinak kontuan hartuta, aipatutako Hornidura eta Saneamendu Erregelamenduak desberdintasunak ezartzen ditu etxebizitzetako eguneroko erabileraren, jardueren erabileraren eta ureztatzeko eta igerileku partikularretarako erabileraren artean. Horrela, erabilera horien araberako tarifak ezartzea ahalbidetzen da, eta hori guztiz komenigarria da, ez baita gauza bera ura edateko kontsumitzea edo igerileku bat betetzea.

Jardueren artean, ostalaritza, eraikuntza eta, jarduerak oro har bereizten dira. Hau da, ostalaritzak eta eraikuntzak bakarrik dute tratamendu bereizia, eta uste dugu testuinguruak araudia eguneratzea eskatzen duela, sektore bakoitzak bizi duen errealitateari modu egokian erantzuteko eta gure ekonomia egituratzen duen sektore bati erantzuteko.

Araudia aldatzeko arau-proposamena bat dator iazko abuztuan Udal Gobernu honen Tasa eta Zergen proiektuari aurkeztu genion proposamenarekin. Orduan ere mahai gainean jarri genuen nekazaritza eta abeltzaintza-jarduerari berariazko tasa batekin ekiteko beharra, gainerako jardueretatik bereizia izango zena, lehen sektoreko jarduera babesteko ikuspegitik, etxekoa baino kuota handiagoarekin baina gainerako jarduerak baino txikiagoarekin. «Gure ustez, beste urrats bat eman behar da. Tarif

Helburua, beraz, ur-hornidurari buruzko Ordenantzan tratamendu espezifikoa ahalbidetzea da. EH Bildutik proposatzen dugun tasa berri hori sartu ahal izateko, baina, eta estaldura juridikoa bermatzeko, egungo Hornidura eta Saneamendu Araudia aldatu behar da aldez aurretik kategoria berri bat sartuz, kasu honetan ‘Nekazaritza Jardueren Erabilera’.

Proposamen hau bera urtarrileko Osoko Bilkurara eraman eta gero, non EH Bilduk gehiengoaren babesa lortu zuen, tasa bat eguneratzeak eskatzen duen araudi aldaketak aurrera jarraitzen du eta ekainaren 27ko osoko bilkuran eztabaidatu ahal izatea espero dugu. Hala, beste alderdiei babestu dezaten dei egiten diegu.