AKTUALITATEA

EH Bilduk iniziatiba hartuko du hirugarrenez Donostia hiri tentsionatua izan dadin: Udal Gobernuak ez du prozedura aktibatu

| 2024-01-15 13:12:00

Donostiak oraindik ez ditu izapide eraginkorrak hasi hiri osoa etxebizitzari dagokionez tentsionatutako eremu izendatzeko. Hala egiaztatu dugu Hirigintza Iraunkorreko zinegotziak gure interpelazioari emandako erantzuna entzun ondoren. Interpelazio horretan prozesuaren egoeraz interesatu gara eta susmoak berretsi dira: ez da horretarako eskatutako pausorik eman.

EH Bilduk aurretik bi aldiz eraman du auzia Udalbatzara, eta bietan onartu dira gainera ekimenak. Eta hala ere, Udal Gobernu honek ez du ezer egin, Udalbatzan gehiengoz onartu arren eta hirian etxebizitzarekin ditugun arazoak larriak izan arren.

Ricardo Burutaran zinegotziaren hitzetan, «hiri tentsionatuaren eskaera ofizialki aurkezteko merkatuaren egoeraren diagnostikoa egin behar da, Legean ezarritako baldintzak betetzen direla zehazteko». Horrekin batera, azalpen-memoria eta hiru urteko jarduera-plana aurkeztu behar dira. «Udal Gobernuak baieztatu digu hiru dokumentu horietako bakar bat ere ez dela idatzi. Are gehiago, ez digu esan erredakzio- fasean daudenik, ezta laster idazteko enkargatuko denik ere», gaineratu du Lurralde Garapen eta Plangintza Batzordearen amaieran Burutaranek.

Eneko Goia alkatearen eta Hirigintza Jasangarriko ordezkariaren ekintza ezaren aurrean, datorren hilaren 25eko Udalbatzara kontrol-mozio bat eramango dugu. Mozio horren helburua da Udal honen Osoko Bilkuraren gehiengo zabal batek bi aldiz hartutako erabakia gauzatzea, hau da, hiria etxebizitzarako tenkatutako eremu izendatzeko eskaera ofiziala egitea, beharrezko eta bidezko dokumentazioa erantsiz