AKTUALITATEA

| 2023-05-13 14:26:00

Prezioen garestitzeak herritarren eskuratze ahalmena nabarmen murriztu du; enpresa handien irabaziak hazten jarraitu duten bitartean. Eta bizitza garestitzearen fenomeno hori bereziki larria izaten ari da gure hirian. «Donostiar gehienen arazo nagusia da, batez ere errenta apalenak dituzten auzoetan, hala nola Altzan, non familiaren errenta Miramonen baino hiru aldiz txikiagoa den» azaldu du gaur goizean Garbiñe Alkizak hautagaiak Altzatik bertatik

Alkizaren hitzetan: «Euriborrak izan duen igoera handiaren ondoren, etxebizitza erosteko familiek egin beharreko esfortzua are gehiago igo da. Idealista.com atariaren arabera, 2022an Donostian etxebizitza bat erosi zuten familiek diru-sarreren %48 hipoteka ordaintzeko erabili behar dute hilero. Elikagaien prezioen igoera batez beste %29 izan da oinarrizko produktuetan 2022an, FACUAren arabera, eta energiaren prezioak oso garestia jarraitzen du. Horren aurrean, ikusten dugu nola banku handiek, higiezin agentzia handiek eta enpresa energetikoek irabazi estratosferikoak izaten ari diren. Hauek horrela, neurriak hartu behar dira egoera honi buelta emateko eta familiak hilaren bukaerara iristen laguntzeko.

Arratsaldean, Parte Zaharretik, Izagirrek «pertsonen, donostiarren aldeko» politikak eskatu ditu, eta gaineratu du «premiazkoa» dela «pertsonak politika publikoen erdian jartzea eta donostiarrek beren bizi-proiektuak Donostian garatu ahal izateko neurriak hartzea».

Etxebizitzaren prezioen igoera geldiarazteko, Izagirrek konpromisoa hartu du Donostia eremu tentsionatua izendatzeko, «eta, beraz, ezin izango dira alokairuaren prezioak neurriz kanpo igo, orain arte bezala». Gainera, eraikuntza berriari dagokionez, Izagirrek azpimarratu du lehenetsiko dituela etxebizitza babestuak alokairuan: «Askoz merkeagoak dira eta formula honek donostiar askori aukera emango die beren bizi-proiektua Donostian egiteko, merkatu librea ia ezinezkoa baita gehienentzat».

Aipatutakoez gain, hauek dira EH Bilduren neurri nagusiak bizitzaren garestitzeari aurre egiteko:

Energia-pobreziaren aurka borrokatzeko, epe laburrean, biztanle guztiei energia-hornidura bermatzeko neurriak ezarriko ditugu. Energia hornidura minimo bat bermatuta ez duten eta ohiko diru-laguntzetatik (Gizarte Larrialdietarako Laguntzak...) kanpo geratzen diren pertsonen egoerari erantzuteko diru-laguntza alternatiboak aurkeztuko ditugu, inor ezinbesteko zerbitzu hori gabe gera ez dadin.

Epe ertainean, EH Bilduk energia komertzializatzeko udal-enpresa bat sortuko du, Udalari berari eta donostiarrei, batez ere energia-pobrezian bizi direnei, energia berriztagarriaren %100 eskainiko diena, zerbitzu publiko baten bermearen babespean eta edozein planteamendu merkantilistatik kanpo.

Erosteko ahalmenaren galerari aurre egiteko, Udalak bere eskumenen esparruan jardun dezake eta jardun behar du. Horregatik, 1.400 euroko gutxieneko soldata ezarriko dugu udal kontratazio guztietan. Donostiako Udalak eragile aktiboa izan behar du enplegu duina sortzeko eta prekarietatearen aurkako borrokan. Lehenik eta behin, Udalak berak egindako kontratazioetan hitzarmenak beteko direla eta gutxienez 1.400 €-ko soldata izango dutela bermatuz.

Laguntza sozialei sarbidea erraztuko dugu, batez ere emakume pentsionisten kasuan. Zoritxarrez, oraindik ezjakintasun handia dago hilaren amaierara iristen ez diren pertsonei laguntzeko jaso daitezkeen diru-laguntzei buruz, eta hori bereziki kezkagarria da pentsiodunen artean, gehienak emakumeak. Horregatik, informazio-kanpainak indartuko ditugu, eta pobrezia arriskuaren mapa egingo