Bizkaia

EH Bilduk udal mailan ekimenak aurkeztuko ditu lindanoaren arazoari aurre egiteko

Mikel Otero EH Bilduko legebiltzarkideak Bilbo, Barakaldo, Erandio, Mungia, Santurtzi edo Derio bezalako herri kaltetuetako ordezkariekin agerraldia egin du

| 2019-11-26 13:10:00

Gaur goizean Mikel Otero EH Bilduko legebiltzarkideak agerraldia egin du Bilbon. Lindanoarekin arazoak dituzten herri ezberdinetako ordezkari politikoekin batera, EH Bilduk udal ezberdinetan abian jarriko duen ekimena aurkeztu du.

Oterok azaldu duenez, herri ezberdinetan mozioak aurkeztuko dira lindanoaren arazoari irtenbide bat bilatzeko. Asmoa arazoa aztertzeko mahai instituzional eta sozialak abian jartzea da.

“Martxoan aho batez onartu genuen horrelako urrats bat ematea, baina denborak aurrera egin ahala ikusten dugu ez dela aurrerapausorik eman. Berriz ikusi dugu Legebiltzarrean onartutakoak ez daukala jarraipenik. Oraingoan aurrekontuetan ere ez da aipamenik egiten. Hori dela eta, udal mailan urratsak emateko unea dela uste dugu”, azaldu du legebiltzarkideak.

Herri ezberdinei eragiten dion arazoa

EH Bilduko legebiltzarkideak gogoratu du lindanoaren arazoak herri ezberdinei eragiten diela eta beharrezkoa dela ahalik eta azkarren irtenbide bat bilatzea. Jata mendian edo Bilbon izandako arazoak gogoratu ditu eta udal ezberdinetan mahai instituzionalak eratuz arazoari irtenbide bat bilatzeko aukera bat dagoela aipatu du.

EH Bilduko 100 kide baino gehiago batu dira feminismoa eta euskararen inguruan hausnartzeko

Politika oinarritik lantzeko helburuarekin ekin dio lehen bi mintegi horiei

| 2019-11-16 11:12:00
Gaur goizean EH Bilduko ehun bat kide feminismoaren eta euskararen inguruko bi mintegitan parte hartu dute. Durangoko Pinondon egindako bileretan gai bi horien inguruan hausnartu dute EH Bilduko kideek. Era horretara, EH Bilduk behetik gora egindako politikaren aldeko apustua indartu nahi du. EH Bilduk argi dauka herri eta jendarteak demokratizatzeko ezinbestekoa da politika feministak garatzea beharrezkoa dela. Ezinbestekoa da eraldaketa sozialari feminismotik ekiteko estrategiak lantzea. Horretaz gain, gaur landu den bigarren mintegia euskararekin lotua egon da eta bere erabilerarekin udalerri ezberdinetan.

EH Bilduren ustez, BBK Fundazioaren Patronatuaren berritzearekin aukera bat galdu da gizartearen aniztasuna bermatzeko

Egindako berriztapena gizarte ekintza sustatzeko oztopo bat izango da

| 2019-11-15 13:16:00

BBK Banku Fundazioaren Patronatuaren berritzearen aurrean, EH Bilduk prozesuaren gardentasun eza eta aniztasun falta salatu du.

Arantza Urkaregi batzarkideak azpimarratu duenez, “prozesuan ez da gardentasuna ezta aniztasuna bermatu. Ez da inon argitaratu nortzuk izan diren hautagaiak, zein elkarte edo erakundek hartu duen parte aukeraketan ez zeren arabera aukeratu diren patronoak”.

Urkaregiren ustez, prozesuak ez du izan inolako gardentasunik eta ez du Bizkaiko gizartearen aniztasuna bermatzen. “Patronatu berrian ez daude ordezkatuta Bizkaian dauden sentsibilitate guztiak. EAJ, PSE eta PPrenak bai, baina EH Bildu edo Podemos ordezkatu ditzaketenak kanpoan utzi dituzte. Beste herrialde batzuetan aniztasunaren alde egin den bitartean, Gipuzkoan adibidez, Bizkaian, gizartearen aniztasuna bermatzeko aukera galdu dugu”.

Patronatuarentzat Gizarte Ekintza ez da lehentasuna

Horretaz gain, aukeraketaren ondorioz eratutako Patronatuaren izaera zein den azpimarratu du Urkaregik. “Zortzi finantza aditu eta gizarte arloko hiru egon behar ziren. Hautatutakoen artean finantzakoak bai, baina ez daude gizarte arloko hiru adituak. Agerian geratzen da BBK Banku Fundazioaren jardueren lehentasuna inbertsioetan jarri nahi dutela eta ez gizarte ekintzan. Eta hori oso kezkagarria da”.

Matute: “Sanchezen turkiar erako dekretazoari botoekin erantzuteko aukera izango dute euskal gazteek igandean”

Oskar Matute eta Idurre Bideguren Kongresurako hautagaiek bilera egin dute gaur Bilbon hainbat gazterekin

| 2019-11-06 16:38:00

Gaur goizean Oskar Matute eta Idurre Bideguren Kongresurako hautagaiek bilera egin dute Bilbo hainbat gazterekin.

 

Bertan prekarietateaz, feminismoaz, larrialdi klimatikoaz eta eskubideen murrizketaz hitz egin dute. Azken gai horri ere erreferentzia egin dio Matutek.

 

“Inboluzio antidemokratikoa iritsi da eta hemen dago. Webguneak eta sareak ixteko Sanchezen dekretazoak erakusten du inboluzio antidemokratikoa iritsi dela. Eta guztiontzat heldu da, guztioi eragingo digulako. Gure gazteek pairatu duten Mozal Legearekin praktikan jartzen ari ziren, baina dekretazuak aukera gehiago eskainiko dizkie: Armiarma operazioa, Alfredo Remirez Erreharriaren espetxeratzea, raperoen eta titiriteroen aurkako jazarpena, Altsasukoa bezalako astakeria antidemokratikoak... Sanchezen turkiar erako dekretazoari botoekin erantzuteko aukera izango dute euskal gazteek igandean”, adierazi du hautagaiak.

Bideguren: “Larrialdi klimatikoari aurrean neurriak proposatzeko gaitasuna daukala erakusten du EH Bilduk dagoen lekuan”

Idurre Bideguren Kongresurako Bizkaiko hautagaiak neurri zehatzen beharra azpimarratu du

| 2019-11-05 14:28:00

Idurre Bideguren Kongresurako Bizkaiko hautagaiak larrialdi klimatikoaren aurrean neurri zehatzak hartzea eskatu du. Adierazpenak Bilboko Maria Diaz de Haro kalean egin ditu. Hiriko aire kalitate txarrena daukan kalean, hain zuzen ere.

 

Bidegurenen iritziz, “denak argi daukate larrialdi klimatikoa errealitate bat dela, baina oso ezberdina da hori eta proposamen errealak egitea”. Hori dela eta, gogoratu du “EH Bilduk ordezkaritza sendo bat daukan lekuetan larrialdi klimatikoari aurre egiteko neurriak proposatu dituela. Gaitasuna erakutsi dugu”.

 

Bizkaiko hautagaiaren ustez, “Madrilen ere garrantzitsua da talde sendo bat izatea sistema jasangarri baten alde egiteko eta fokoa jartzeko gehien kutsatzen duten enpresen gainean. Ez da ahaztu behar Euskal Herriko enpresa kutsakorretariko batzuk Bizkaian daudela”.

ALBISTEAK

Asier Vega: «EH Bilduren egiteko moduak gero eta jende gehiago biltzen du, baita Bizkaian ere»

2021-06-13 19:29:00

EH Bildu Bizkaiak bere zuzendaritza berria aurkeztu du gaur goizean, Bilbon.

EH Bilduko Bizkaiko zuzendaritza berriak %90,62ko babesa jaso du

2021-06-05 12:29:00

Asier Vega Isasik aurkeztutako lan taldeak zuzenduko du hurrengo lau urteetan EH Bildu Bizkaia

Lurralde politika eta plangintza estrategikoa eskatu ditu EH Bilduk Ezkerraldera inbertsio industriala erakartzeko

2021-06-05 12:12:00

EAJk eta PSEk Ezkerraldearekiko ahanztura instituzionala eta tertziarizazioaren aldeko urteetan nahita egindako apustua gaitzetsi ditu. Horren aurrean, lurzoruaren kudeaketa bere katalogazio industrialaren araberakoa izan dadila aldarrikatu du EH Bilduk, inbertsioak erakartzeko eta eskualdeari etorkizun duina bermatzeko.

EH Bilduk Bizkaiko Foru Aldundiari eskatu dio hobari-sistema bat ezar dezala AP-68ko ordainlekuan, Bizkaiko zatian

2021-06-01 14:32:00

Neurri horri esker, Hego Uribek jasaten duen diskriminazioarekin amaitu eta BI-625 errepidetik kamioien trafikoa murriztuko litzateke