AKTUALITATEA

Mañariko EH Bilduko alkatea den Ainara Otxotorenak bere dimisioa aurkeztu du

| 2025-06-18 11:10:00

Bere ordez, Aitziber Areitio alkateordeak jasoko du aginte makila

 

Ainara Otxotorenak, azken sei urteetan EH Bilduko Mañariko alkate izan denak, dimisioa aurkeztu du modu formalean alkate gisa. Karguari uko egitea alkatearen erabaki pertsonala da. Mañariko herritarrei zuzendutako gutun ireki batean azaldu duenez, «osasun arazoek eta bestelako arrazoi pertsonalek nabarmen eragin diote nire alkate lanak behar duen arreta eta dedikazioari».

 

Datorren ekainaren 23an Ainara Otxotorenaren dimisioa gauzatuko da Mañarian aurreikusitako osoko bilkuran. Legeak aurreikusten duen bezala, alkate berria ekainaren 27an egingo den hurrengo osoko bilkuran aukeratu beharko da. EH Bilduko udal taldeak Aitziber Areitio, egungo alkateordea, proposatuko du Ainara Otxotorenaren ordez.

 

Zinez eskertu nahi dugu Bizkaiko EH Bildutik Ainara Otxotorenak urte hauetan guztietan egindako lan handia, beti ere Mañariaren eta Durangaldearen zerbitzura, bertako bizilagunen zerbitzura, une oro guztion bizi-kalitatea hobetzeko helburuarekin.

 

Badakigu zein zaila izan zaion bere lana egitea bere egoera pertsonalagatik, eta, horregatik, onena opa nahi diogu behin bere udal-erantzukizunari uko egin dionean.

 

EH Bilduk aurrera egingo du bere proiektuarekin, Mañarian, Aitziber Areitioren eta gainerako udal lantaldearen eta langile guztien eskutik. Izan ere, Ainara Otxotorenak eskerrak eman dizkie udal langile guztiei, gutun irekian, urte hauetako lorpenetan egindako lanagatik eta egindako ekarpenagatik