AKTUALITATEA

| 2025-03-27 12:19:00

EH Bilduren ekimenez, Udal Gobernuak Atxuri kalearen irisgarritasuna hobetzeko proiektu bat idazteko konpromisoa hartu du, oinezkoentzako lehentasunezko espazio bat sortzeko plataforma bakarrarekin. Zehazki, Udal gobernuaren emendakin bat onartu da, EH Bilduren mozioaren ondorioz, non alderdi soberanistak Atxuri kaleko espaloia handitzea eta trafikoa murriztea eskatzen zuen,  Atxuri auzoaren  irisgarritasuna bermatzeko. 

Alderdi subiranista abstenitu egin da zuzenketaren bozketan; izan ere, Nerea Undabarrena EH Bilduko zinegotziak azaldu duenez, ez du zonaldeko trafikoa baketzeko neurririk zehazten. "Plataforma bakar batek edo beste edozein jarduerak ezer gutxirako balioko du egungo trafiko-fluxua mantentzen bada", gaineratu du. Gainera, trafikoaren maila murriztu gabe, Garcia Rivero eskolaren arazoek bere horretan jarraituko dutela adierazi du. 

Undabarrenak adierazi duenez, Atxuri kalerako plataforma bakarra, trafikoa ukitu gabe, "ezinezkoa" izango litzateke; izan ere, "Askao kalea bakarrik ikusi behar da, gainera, Atxuriren kasuan, bi errei dira eta askoz trafiko gehiago". 

"Atxurik partxe bat baino gehiago merezi du", adierazi du zinegotziak. "Atxuritarrok San Antonetik Kañu pasealekurainoko irisgarritasuna ziurtatzea merezi dugu. Errepidera salto egin behar gabe igarotzeko moduko kaleak izatea merezi dugu", nabarmendu du. 

Undabarrenak udal gobernuarekin irtenbide bat negoziatzeko prest zeundela azaldu du, baina, bere esanetan, "Gobernuak ez du horretarako borondaterik erakutsi, eta, zuzenketa, "idatzita dagoen bezala, tranpatia eta ez da oso argia", adierazi du. 

Undabarrenak gogorarazi du Atxuri kaleak "ez duela bermatzen ibiltzeko gutxieneko espazioa; izan ere, Eusko Legebiltzarrak Irisgarritasuna Sustatzeko onartutako abenduaren 4ko 20/1997 Legea ez du betetzen". "Atxuritarrok aspaldi pairatzen dugun arazoa da", gaineratu du. 

Hori dela eta, EH Bilduk espaloia handitzeko proposamen zehatz bat aurkeztu du Osoko Bilkuran. Trafikoa baretzeaz gain, mozio horren helburua zen, alde batetik, Garcia Rivero ikastetxerako eskola-bide segurua bermatzea; bestetik, emakumeen etxerako irisgarritasuna bermatzea; eta, azkenez, Atxuri auzo irisgarria bilakatzea bertako 5.600 auzokideen bizi kalitatea hobetuz". 

"Bai Atxuri kalean bai García de Rivero eskolaren inguruan trafikoak duen arazoari ez heltzea arazoaren alde bat alde batera uztea da. Beraz, ezin dugu gobernuaren zuzenketa babestu ", gaineratu du.