Araba

Prekarietatearekin amaitzeko eta etxebizitza eskubidea bermatzeko konpromisoa hartu du EH Bilduk

Judimendira hurbildu da gaur Arabako zerrendaburua etxebizitzaz eta prekarietateaz hitze egiteko. Izan ere, alokairuzko prezioa %25a igo da Gasteizen azken bost urteotan.

| 2020-06-26 10:25:00

Judimendi auzora hurbildu da gaur EH Bildu Araba eta ez da kasualitatea izan. Izan ere, 2016tik 2018 auzo honetan alokairuaren prezioa %11 igo da eta bataz bestekoa ia 600 eurokoa da. Gasteizen, 2019ko amaieran, 917 euro eskatzen ziren etxebizitza libre baten truke alokairuan, serie historikoan inoizko altuena izan zen. 2014-2019urteen artean, %25a igo da.

Agerikoa da, EH Bilduren aburuz, etxebizitza arloan, Gasteizen etxebizitza politika baten faltak alokairu prezioa etengabe garestitzea eragin duela. Alokairu librea arautzeko eta mugatzeko lege bat onartu behar da, eta horrekin batera parke publiko indartsua eratu behar da. Bitartean, Vitalquilerrek babes ofizialeko 500 etxebizitza Suediako inbertsio funts bati saldu dizkio.

“Urkulluk eta Mendiak onartzen duten babes ofizialeko etxebizitzen pribatizazioaren aurrean, horrelako funtsen boterea mugatzeko, kontrolatzeko eta eragina leuntzeko neurriak martxan jarriko ditugu. Zahartuta dugun etxebizitza parkea birgaitzeko apustu publiko irmoa egingo dugu. Arabari dagokionez, landa eremurako alokairua proposatzen du EH Bilduk, baita birgaitzeko politikak berezituak ere”, azaldu du Arabako zerrendaburua Mikel Oterok.

Egoera zaila, eta are zailagoa gazteentzako haiek pairatzen dutelako lehen pertsonan prekarietatea. “Horregatik, egoera zaila bada, Uztailaren 12an, euskal herritarrek bi aukeraren artean aukeratu beharko dute: prekarietatera kondenatzen gaituena eta herritar gehienei segurtasuna eta ziurtasunak ematen dizkiena. Merezi dugun herria eraikiko duen gobernua osatzeko konrpomisoa hartzen dugu”, gaineratu du.

Horretarako honako neurriak aurkeztu ditu: 33.000 lanpostu berri sortzeko eta arriskuan dauden 100.000 lanpostuei eusteko konpromisoa, 1.200 euroko gutxieneko soldata ezartzeko konpromisoa, lan-erreforma ez aplikatzeko konpromisoa, 35 orduko lan-astea enplegua banatzeko….

“Ideiak ditugu, plan bat dugu. Borondate politikoa dugu prekarietatearekin amaitzeko, etxebizitza eta euskal herritarren eskubideak bermatzeko”, laburbildu du Oterok

EH Bildu-k toki-erakundeentzako diru-iturri berri bat sortzea proposatu du, elektrizitatea eta gasa garraiatzeko sareen gaineko tasa baten bidez

Arabako herriek 8,25 milioi euro eta 36 milioi euro artean jaso ditzakete tasa horri esker.

| 2020-06-19 10:31:00

EH Bildu-k tasa berri bat sortzea proposatu du, Arabako toki-erakundeek diru-iturri berri bat izan dezaten eta elektrizitatea, gasa eta hidrokarburoak garraiatzeko sareetatik kobratu dezaten. Tasa berri horri esker, Arabako toki-erakundeek 8,25 eta 36 milioi euro artean jaso ditzakete. Gaur egun, udalerriek elektrizitate- eta gas-konpainia horien fakturazioaren %1,5a kobratzen dute. Baina Toki Ogasunak arautzen dituen 2004ko Legeak aurreikusten du elektrizitate, gas, ur eta hidrokarburoen enpresek tasa bat ordainduko dutela udalerriak zeharkatzeagatik. Txelo Auzmendi Asparrenako alkateak eta Javier Argote Arabako Batzar Nagusietako prokuradoreak aurkeztu dute ekimen hau.

"Ezinbestekoa da tokiko ogasunek diru-iturri berriak bilatzea, aurtengo eta hurrengo urterako espero den diru-bilketaren beherakada arintzeko. Era berean, garrantzitsua da modu bidezkoan egitea, eta uste dugu gas- eta elektrizitate-konpainia handiek ekarpena egin dezaketela eta egin behar dutela ,azken finean, gurea den lurzorua okupatzeagatik. Duela gutxira arte, enpresek ez dute ordaindu, tasa bera onartzen ez zutelako edo neurriz kanpokoa zela uste zutelako, eta, sistematikoki, auzitara jo dute. Hala ere, Auzitegi Gorenak tasa hori kobratzea bermatu du", azaldu du Txelo Auzmendi Asparrenako alkateak.

Tasa hori ezartzeko, lurzoruaren balioa hartzen da kontutan, tipologiaren, merkatuan duen balioaren eta metro lineal bakoitzari dagokion metro koadroko okupazioaren arabera. Ordaindu beharreko kuota 3.000 euro eta kilometro linealeko 12.000 euro artekoa dela kalkulatzen da, tentsio baxu, ertain edo altukoa den kontutan hartuta kasuaren arabera. Gasari dagokionez, 500 eta 4.000 euro artekoa da kopurua. EH Bildu-k jakitera eman duenez, Arabako sare kilometroak ezagutzea ez da erraza eta datuak enpresa pribatu baten esku daude. Hala ere, Araban eskura izan ditugun azterlan batzuen arabera, badira 1.500 kilometro lineal gasa garraiatzeko eta 2.500 kilometro lineal goi-tentsioko eta erdi-tentsioko energia elektrikoa garraiatzeko.

Datu horien arabera, Araban 7,5 eta 30 milioi euro artean sar daitezke elektrizitate eroanbideengatik eta 750.000 euro eta 6 milioi euro artean gas eroanbideengatik.

Segurtasun juridikoa eta laguntza teknikoa

Arabaren kasuan, toki-erakundeei dagokie tasa hori kudeatzea. Javier Argote EH Bildu-ko batzarkideak azaldu duenez, "informazio hori eskuratzea oso zaila da, eta multinazional handi horiek euren makineria juridikoa martxan jarri ohi dute tasa hori ez ordaintzeko". Hori dela eta, Eh Bildu-k Arabako Foru Aldundiari eskatu dio aholkularitza eta laguntza eman diezaiela toki-erakundeei ordenantza horiek egiterako orduan. Horretarako, EH Bildu-k mozio bat erregistratu du Batzar Nagusietan, azterlan juridiko, ekonomiko eta tekniko bat egiteko eta ordenantza hau onartzeko interesa duten toki-erakundeekin elkarlanean aritzeko eskatuz.

Legeak baimentzen duen arren, Arabaren kasuan ur hodiak alde batera geratuko lirateke, gaur egun publikoak baitira. Hala ere, etorkizunean, zuntz optikoa tasa horretan sartzea azter liteke. Gasteizko hiriburuaren kasuan, eh Bilduren ekarpenari esker, tasa hori datorren ekitaldiari begira ezartzea aztertzen ari da Udal Gobernua.

EH Bildu-k tokiko erakundeen geldikinen erabilera baimentzeko eskatuko die Batzar Nagusiei, udalek behar diren inbertsio sozialak egin ditzaten COVID-19ren ondorioei aurre egiteko

Javier Argote: "Ekarpen Legea berritu gabe dagoenez eta Toki Erakundeen Legean aurreikusitako finantzaketa-sistema berria garatu gabe dagoenez, ezohiko neurriak hartu behar dira toki-erakundeei finantzaketa egokia bermatzeko"

| 2020-06-16 09:39:00

Arabako Batzar Nagusietako osoko bilkurak EH Bildu-ren mozio bat eztabaidatuko du asteazken honetan, eta bertan, Foru Aldundiari eskatu dio toki-erakundeek dituzten soberakinak erabiltzeko baimena eman dezala, udalek behar diren inbertsio sozialak egin ditzaten COVID-19ren ondorioei aurre egiteko.

Horrez gain, Javier Argote prokuradoreak defendatuko duen mozioan, 2020ko aurrekontuetan toki-erakundeei zuzendutako finantzaketa-lerro guztiak zabaltzeko eta indartzeko ere eskatuko zaio Aldundiari.

Azkenik, EH Bildu-k beharrezkotzat jo du Aldundiak, diru-bilketaren murrizketaren ondorioz Arabako toki entitateek FOFELen diru-sarreretan izango duten jaitsiera handia arintzeko asmoz, Foru Aldundiaren eta toki entitateen artean egon daitezkeen irtenbideak adosteko bitartekoak martxan jartzea.

"Ekarpen Legea berritu gabe dagoenez eta Toki Erakundeen Legean aurreikusitako finantzaketa-sistema berria garatu gabe dagoenez, ezohiko neurriak hartu behar dira toki-erakundeei finantzaketa egokia bermatzeko", ondorioztatu du Argotek.

EH Bilduk Aldundiari eskatu dio Adingabearen eta Familiaren Arloak Guraso Alienazioaren Sindromea ez erabiltzeko

Claudia Venceslao: "Sindrome faltsu hau aplikatzeak arriskua eragiten die haurrei. Gainera, inboluzio bat eragiten ari die adingabeen eta haien amen giza eskubideei"

| 2020-06-09 09:33:00

EH Bilduk mozio bat erregistratu du Arabako Batzar Nagusietan, Adingabearen eta Familiaren Arloak Guraso Alienazioaren Sindromea erabili ez dezan.

Guraso Alienazioaren Sindromea tresna sasizientifiko bat da, mundu mailako psikiatria edo psikologia elkarte bakar batek ere abalatzen ez duena. Hau da, adingabeen arrisku larriko egoera bat dagoela ebazten du, baita babesgabetasun egoera bat ere, amak aitarekiko duen manipulazio, instrumentalizazio edo eragin negatibo baten ondorioz datorrena.

Hala ere, EH Bilduren arabera, praktika hori isilduta egon da Araban, nahiz eta amei eta haurrei zuzenean eragin: ama diren emakumeenganako indarkeria instituzionalaz ari gara.

Claudia Venceslao: "Sindrome faltsu hau aplikatzeak arriskua eragiten die haurrei. Gainera,  inboluzio bat eragiten ari zaie adingabeen eta haien amen giza eskubideei", salatu du Venceslaok.

Venceslaoren esanetan, emakumeenganako indarkeria gure bizitzako alderdi guztietan dago, baina kasu zehatz honetan seme-alabak tratu txarrak eta abusuak jasanarazten dizkieten aitekin joaten utzi behar dieten amez ari gara: "Seme-alaben zaintza kentzen zaien amez ari gara, argi eta garbi esateagatik haurrek indarkeria eta abusua jasaten dituztela".

Asparrenak eta Zuiak 13,4 milioiko aparteko gizarte funtsa udalen esku jartzea eskatu diote Artolazabal Sailburuari

Martxoaren 18an onartu zuen Madrilgo Gobernuak eta beste autonomi erkidegoetan dagoeneko banatuta dago

| 2020-06-04 10:09:00

Asparrena eta Zuiako Udalek Madrilgo Gobernuak martxoaren 18an onartu zuen Aparteko Gizarte Funtsa udalen esku jartzea eskatu diote Enplegu eta Gizarte Politiketarako Sailburuari. Horrela jakinarazi diote Beatriz Artolazali zuzendutako gutun batean. Izan ere, apirilaren 29an jaso zuen Eusko Jaurlaritzak 13,4 milioi euroko funtsa eta, beste autonomi erkidegotan ez bezala, EAEn ez da udalen esku utzi.

 

Txelo Auzmendi eta Unai Gutierrezek azaldu duten bezala, funtsa horren helburua gizarte zerbitzuak indartzea zen. Zehazki, jasotzen da etxez etxeko laguntza, teleasistentzia, etxerik gabeko pertsonei arreta, langileen kopurua indartzea egoitzetan zein bestelako zentroetan edota segurtasunerako ekipoen hornidura. Horrekin batera, larrialdietarako diru-laguntzak edo zaintzaileei arnasa emateko programak.

 

“Osasun krisian ikusi dugu gabezia ugari izan ditugula eta instituzioei asko kostatu zitzaiela erantzun egokia eta azkarra ematea. Horren adibidea da etxez etxeko laguntza zerbitzuan babes ekiporik gabe ari zirelako langileak eta elkartasunari esker, udaletik kit batzuk egiten lortu genituen. Hori adibide bat baino ez da, baina argi da gertutasunetik askoz errazagoa dela erantzun azkar bat ematea. Eta hori dena askotan baliabide ekonomikorik gabe egiten dugu”, nabarmendu dute.

 

Orain, ez ohiko funtsa udal eskumenekoak diren zerbitzuak finantzatzeko sortua zen baina udalek ez dute ezer jaso. Hori dela eta, ordainketa egiteko atzerapenaren arrazioaren inguruan galdetu dute Zuiak eta Asparrenak. Are gehiago, udalen parte hartzea ezinbestekoa dela kontuan hartuz, Gizarte Zerbitzuen Erakunde Arteko Batzordearen ez ohiko bilera bat deitzea proposatu dute.

 

ALBISTEAK

EH Bildu-k erresilientzia programa bat proposatu du foru egoitzetako bizipenak pandemian bildu eta gizarteratzeko

2021-03-30 08:57:00

Claudia Venceslao: “Egoitza-zentroetan hilabete hauetan guztietan izandako esperientziez hitz egiten laguntzeko programak proposatzen ditugu. Testigantzak biltzeaz eta zentzuduna partekatzeaz ari gara”

Asparrenak, Donemiliagak eta Barrundiak berriro eskatuko dute Batzar Nagusietan Axpuruko eguneko arretarako landa zentroa martxan jartzeko

2021-03-26 11:12:00

Foru Gobernuak diru-laguntza bat ukatu dio berriro Donemiliagako Udalari, basozainaren etxea egokitzeko.

Mendekotasuna dutenen zaintzaileentzako banakako laguntza psikologikoa "berehala" berreskuratzeko eskatu du EH Bildu-k

2021-03-25 13:00:00

Luis Maria Salgado: “Osasun mentalari dagokionez, egunez egun pandemia garesti kostatzen ari zaigula ikusten ari da. Bitartean, Aldundiak zerbitzua ezabatu eta pandemiaren beraren eta gastu-igoeraren bidez justifikatzen du”

Arkamo eta Iturrietako zentral eolikoak geldiarazteko helburuarekin alegazioak egiteko deia egin die EH Bilduk zuzenean eragiten dieten udal gobernuei

2021-03-25 10:54:00

Aguraingo, Arraia-Maeztuko, Iruraiz-Gaunako eta Erriberagoitiako udaletan erregistratu du eskaera.