Elikadura burujabetzarantz hurbiltzeko estrategia aurkeztu egin dugu

Helburua da tokiko elikagai osasuntsu edota ekologikoak ekoiztea arabar biztanleria horiekin elikatzek;, izan ere, eguneroko dietaren elikagaien %75 Araban ekoiztu daitezke

araba,estrategia agroalimentaria,burujabetza | 2019-05-10 11:51:00

EH Bilduk gaur aurkeztu du elikadura burujabetzarantz hurbiltzeko estrategia. Helburua da tokiko elikagai osasuntsu edota ekologikoak ekoiztea arabar biztanleria horiekin elikatzeko. “2040rako eguneroko dietaren elikagaien %75 Araban ekoiztu daitezke, eta horretarako planteatzen dugu estrategia hau hiru fasetan ezartzea. Euskal Herrian dagoeneko oso esperientzia interesgarriak badaude, eta Frantses Estatuan hainbat udal eta eskualde holako estrategiak garatzen ari dira euren burua tokiko elikagaiez hornitzeko”, azaldu du Kike Fdez de Pinedo EH Bilduren Arabako Ahaldun Nagusigaiak.

 

Adierazi duenaren arabera, estrategia agroalimentarioak sei helburu jasotzen ditu bere baitan: krisi iraunkorrean murgilduta dagoen lehen sektoreari bultzada eman eta aukera berriak eskaini, biztanleria elikagai osasuntsuez hornitzea eta ohitura osasungarriak sustatu, aztarna ekologikoa murriztu garraioaren energia kontsumoa gutxituz, elikagaien gizarte trazabilitatea eta merkataritza harreman justuagoak sustatu, toki garapena bultzatu eta lurralde desoreka arindu, horren ondorioz landa guneak biziberritu ahal izateko.

 

Lehen fasean (2019-2023), EH Bilduk uste du estrategia agroalimentariorako zerbitzua sortu behar dela, estrategia bera abiaraztearren. Zerbitzu horren barruan estrategia hori eztabaidatu, gizarteratu eta sektorearekin partekatu egin behar da. Epe motzean hartu beharreko neurrien artean foru egoitza publikoetarako erosten diren elikagaien esleipenen baldintza-pleguetan tokiko edota denboraldiko elikagai osasuntsu edota ekologikoen erosketaren sustapena dago. Horrekin batera, honakook ere egin behar dira: beste jantoki publiko zein pribatuen jabeak bultzatu lehen sektorearekin elkarlanean aritzeko, transformazio agroalimentariorako zentroak sustatu eta Arabako gizartea sentsibilizatu eta kontzientziatu elikagai osasuntsu edota ekologikoen kontsumoa sustatzeko premiaz.

 

Jundiz inguruan Badaia-Arrato eta Gasteizko Mendiak lotuko dituen parke periurbano bat egitea proposatu dugu

Ingelesmendi izango du izena eta 1.000 hektarea izango ditu

gasteiz,araba,jundiz,ingurumena | 2019-05-08 11:43:00

Gasteizko Mendebaldean bigarren eraztun bat egitea planteatu du gaur EH Bilduk. Ingelesmendi izenekoak 1.000 hektarea izango ditu eta Jundiz inguruan Badaia-Arrato eta Gasteizko Mendiak lotuko dituen parke periurbanoa da. “Gasteizko mendebaldean zenbait erronka eta arazoak pilatzen dira eta soluzio orokor bat ematen saiatu gara proposamen honekin”, azaldu du Kike Fdez de Pinedok, Arabako Batzar Nagusietako EH Bilduko bozeramaileak eta Ahaldun Nagusia izateko hautagaiak.

 

Parke periurbanoaren nukleoan Iruña-Veleia erromatar aztarnategia, Santa Katalina lorategi botanikoa eta Eskibelgo dorrea daude. Hori dena, Jundizmendin eta Ingelesmendin, hau da, Gasteizko Bataila burutu zen eremuan. Horrez gain, parke periurbanoak beste 5000 hektareako eremua izango luke, GR 225 eta Zaia ibaiak mugatzen dutena. Bertan, planteatzen da bide berde bat egitea, Zadorra ibaiaren bazterrean Gasteiz eta Langraitz artean, ondo lotuz Gasteizko Eraztun berdearekin.

 

Babestutako bigarren eremu horretan Almoreta eta Baiaguengo dorreak daude, Mendoza eta Martiodako dorreak, Langraizko kartzela zaharra eta Astegieta. Langraizko kartzela zaharraren inguruan eraispena planteatzen da ingurua berreskuratzeko. Astegietan, aldiz, Eroski zaharra eraitsi ondoren, Zadorra ibaiko interpretazio zentroa egitea proposatu du EH Bilduk.

 

Proposamen honi esker, eremu horretan dauden hainbat arrisku geldiarazi daitezke. Horien artean aipatu behar dira Subilla Gasteizko gas-putzua, Zaia ibaiko dikea, Iruña Okako Subillabide industrialdearen handipena eta Iruña Okako harrobiaren handipen posiblea, eta aurre ikusten diren beste azpiegitura batzuk “hortaz, parke periurbanoak hainbat funtzio beteko lituzke ikuspegi ezberdinetatik, iraunkortasunaren lau hankak jorratuz, hau da, anbientala, soziala, ekonomikoa eta kulturala”, laburbildu du Kike Fdez de Pinedok.

 

Proposamen honekin helburu hauek lortuko lirateke: Badaia-Arrato mendilerroa eta Gasteizko Mendien artean garrantzia berezia duen korredore ekologikoa ziurtatuko litzateke; arnasa emango litzaieke inguruko 4 herriei; Billoda, Tresponde, Ariñez eta Margarita; ondare historiko-kulturala babestuko litzateke : Iruña-Veleia, Santa Katalina, Inglesmendiko muinoa, Ezkibelgo dorrea, Done Jakue bidea; KBE den Zadorra ibaia; eta baita inguruko nekazaritza lurrak eta paisaia .ere

 

EH Bilduren ekimenez, Legebiltzarrak Aiaraldea suspertzeko neurriak aztertuko ditu ponentzia batean

EH Bilduren ekimenez, Legebiltzarrak Aiaraldea suspertzeko neurriak aztertuko ditu ponentzia batean

| 2019-05-02 15:59:00

EH Bilduk proposatuta, Legebiltzarrak ponentzia bat sortuko du Aiaraldean suspertze sozioekonomikoa bultzatzeko, eskualde horrek bereziki pairatu zituelako, lehenago, industria-birmoldaketaren ondorioak eta, gero, azken krisi ekonomikoarenak. Osoko Bilkurak hala onartu du gaur aho batez, Eba Blancoren ekimenari jarraituz. Legebiltzarkide independentistak gogorarazi du azken urteotan enpresa asko desagertu direla Aiaraldean eta horrek ekarri duela bertako langabezia tasa EAEko altuenetariko bat izatea, batez ere emakume eta gazteen artean, lan prekarietatea eta despopulazioa, ahaztu gabe enpresen deslokalizazioaren mehatxua etengabea dela. Aiaraldea honako udalerri hauek osatzen dute: Laudio, Amurrio, Aiara, Artziniega eta Okondok, Araban, eta Urduña, Orozko, Arakaldo eta Arrankudiagak, Bizkaian.

Blanco Aiaraldeko EH Bilduko koordinatzailea da eta nabarmendu du eskualdearen egoera sozioekonomiko larriak neurriak hartzea eskatzen duela ezinbestean; hori dela eta, premiazkotzat jo du ponentzia parlamentarioa sortzea Aiaraldeko eragile sozial, sindikal, ekonomiko, politiko eta instituzionalekin batera, elkarlanean, bertako egoera aztertzeko eta konponbideak planteatzeko, gainbehera sozioekonomikoa iraultzeko. “Derrigorrezkoa da pobreziari, langabeziari, inbertsio faltari, enpresen itxiera eta deslokalizazioari aurre egitea. Aiaraldean berehalako neurriak hartzea ahalbidetuko duen talka plan bat behar dugu lehenik eta behin eta, luzera begira, plan estrategikoa ere behar dugu garai berrietara egokitutako eredu industrial eta ekonomiko baten aldeko apustua egiteko, betiere kontuan hartuta lehenengo eta hirugarren sektoreak”.

Blancok gogora ekarri du “Parlamentuak beste ponentzia bat eratu zuela pasa den legealdian –hori ere EH Bilduk proposatu zuen– Ezkerraldea, Meatzaldea eta Oarsoaldea eskualdeen egoera sozioekonomikoa aztertzeko eta suspertze neurriak proposatzeko, eta emaitzak onak izan ziren”. Bada, “orain Aiaraldeak ere arreta berezia merezi eta behar du Legebiltzar eta Jaurlaritzaren aldetik, bere egoera sozioekonomikoa bereziki larria delako, adierazle ekonomiko nagusiek hala erakusten baitute”.

EH Bildu pozik Forondako aireportuak H24 berreskuratu duelako

Kike Fernandez de Pinedo: “Hurrengo helburua izan behar da euskal aireportuak hemendik bertatik kudeatzeko eskumena lortzea”

| 2019-04-25 08:48:00

EH Bilduk poza adierazi du Forondako aireportuak H24, hots, 24 orduz jarduteko ahalmena, berreskuratu duelako. Gogoratu beharra dago Mariano Raxoiren Gobernuak kendu zizkiola Mugako Ikuskatze Puntua (PIF gaztelaniaz) eta H24 ahalmena gure aireportuari 2012an, krisi ekonomikoaren ondorioz Espainiako Gobernuak hainbat aireportutan egin beharreko murrizpenen aitzakipean, Alderdi Popularraren benetako arrazoiak arrazoi elektoralista hutsak baziren ere: Zaragozako karga aireportua sustatzea Forondaren kaltetan.

                                                                                                                            

Ordudanik, arabar gizartearen eskaera argia izan da bai PIF, bai H24 berreskuratzea, eta lan horretan buru-belarri jardun dute EH Bilduko hautetsiek instituzio guztietan: Kike Fernandez de Pinedok eta bere taldeak Batzar Nagusietan, Miren Larrionek eta udal taldeak Gasteizko udaletxean eta lehenago Iker Urbinak eta gerora Marian Beitialarrangoitiak Diputatuen Kongresuan. Azkenean, inoiz gertatu behar ez zen bidegabekeria hori, urteotan Forondako aireportuaren karga zein bidaiari garraioaren garapena guztiz baldintzatu eta oztopatu egin duena, amaitu da.

 

“Pozik gaude H24 berreskuratuta gure aireportuaren jarduera guztiz garatzeko aukerak biderkatu egiten direlako” adierazi du Kike Fernandez de Pinedo EH Bilduko Diputatu Nagusigaiak. “Baina ezin da berriro gertatu Madrilen gobernatzen duenaren apeta politikoengatik edota kalkulu elektoral ziztrinengatik Arabarako zein Euskal Herri osorako estrategikoa den azpiegitura baten garapena horren modu larrian kaltetzea”, jarraitu du bozeramaile soberanistak. “Beraz, horren aurrean konponbide bakarra da behingoz euskal aireportuak kudeatzeko eskumena euskal instituzioen esku egotea, “aireportu bat, hainbat terminal” printzipioaren arabera euskal aireportuen sarea hemendik bertatik kudeatzeko. Eta arlo honi dagokionez hori izango da datorren legealdian EH Bilduko hautetsi guztion lehentasuna bai Arabako instituzioetan, bai Madrilgo Kongresuan: euskal aireportuak kudeatzeko eskumena ahalik eta azkarren lortzea. Afera honetan ere erabakigarriak izango gara.” amaitu du Fernandez de Pinedok.

Altsasun eta Amurrion bezala gazteria espetxeratzen duen Estatuaren injustizien aurrean ahotsa altxatuko du EH Bilduk Madrilen

Garazi Dorronsoro: Euskal herritarrek ete bereziki euskal gazteriak pairatzen dituzten erasoen aurrean EH Bilduren ordezkaritza Madrilen ezinbestekoa da

| 2019-04-24 13:34:00

EH Bilduk gaur Amurrion nabarmendu du “ezinbestekoa” dela inork “ahotsa altxatzea” Altsasuk eta Amurriok pairatu dituzten injustizien aurrean. Arabako EH Bilduren Senaturako zerrendaburua Garazi Dorronsorok esan du gaur goizean egindako agerraldian. “Ezinbestekoa ahotsa altxatzea, baita Kongresuan eta Senatuan ere, gazteria espetxeratzen duen Estatuaren injustizien aurrean; Altsasun taberna batean liskar baten ondorioz, Amurrion Udaletxeko balkoira kartoizko panpin bat ateratzeagatik edo Amurrion bertan errotulatzaile batekin margo bat egiteagatik. Hori guztia etxean armategi izan eta bere bizilagunak tirokatzen dituen polizia ohi baten aurka inolako neurririk hartzen ez duen bitartean. Hori dela eta, ezinbestekoa ahotsa altxatzea eta EH Bilduk ez badu egiten, ez du inork egingo”, esan du Dorronsorok.

 

Ildo horretan, EH Bilduko hautagaiak azpimarratu du “EH Bilduren ordezkaritza ezinbestekoa dela Madrilen euskal herritarrak eta, bereziki, gazteria defendatzeko Euskal Herrian zein Katalunian disidentziatzat hartzen duen guztiaren aurka Estatu espainiarraren eraso bihozgabekoen aurrean”.

 

Bestalde, Dorronsorok gogoratu du laugarren diputatua jokoan dagoela Espainiako eskuina eta EH Bilduren aurrean. “Ez dugu zalantzarik arabar gizarteak badakiela nork ordezkatuko duen hobeto Madrilen. Horregatik, EH Bildurako botoa eskatzen dugu, euskal eta arabar jendartea defendatu eta babestuko duelako”, gaineratu du.

 

ALBISTEAK

EH Bilduk Gizarte Zerbitzuetako foru diputatuari eskatu dio Axpurun Eguneko Arretarako Landa Zentroa irekitzen laguntzeko.

2021-07-13 11:45:00

Bihar Emilio Sola zentroan izango da, Saileko beste ordezkariekin batera.

Egia, memoria, justizia eta erreparazioa frankismoaren biktimentzako aldarrikatuko dugu, Estatu-kolpearen 85. urteurrenean

2021-07-13 10:00:00

Ahal Dugu-Podemos, Ezker Anitza-IU eta Equo-Berdeak alderdiekin batera, Kontzentrazioa deitu dugu igandean, uztailaren 18an, 12:00etan, Gasteizko Katedral Berriaren aurrean

EH Bilduk Foru Gobernuari eskatzen dio kontuan har ditzala oposizioko taldeak Aiaraldeko berraktibazio sozioekonomikorako inbertitu behar dituen 24 milioi euroen banaketan

2021-07-09 10:36:00

EH Bilduk Ernaberri Aiaraldea erregistratu du, eskualdea birmoldatzeko zazpi proiektu traktore biltzen dituen plana.

Udalerriko hamabost kontzejuetan obrak eta inbertsioak finantzatzeko 600.000 euroko deialdia egin du Donemiliagako Udalak

2021-07-07 13:50:00

Kontzejuen ekipamendu kolektiboak eraiki, zaharberritu edo hobetzeko dira.