Araba

EH Bildu-k kezka agertu du Indesa-ren egoeragatik eta Foru Gobernuari galdetu dio zer neurri hartu dituen langileen babesa bermatzeko

Claudia Venceslao: "Ezin dugu onartu, borondate politiko faltagatik, hilabete hauetan nomina murriztua duten familiak egotea. Behar diren neurri guztiak hartu behar dira inork diru-sarrerarik ez izateagatik zaurgarritasun-egoerarik izan ez dezan”

| 2020-04-21 09:02:00

EH Bildu-k galdera sorta bat erregistratu du Arabako Batzar Nagusietako mahaian, Indesako langileen egoera ezagutzeko.

Claudia Venceslaok Indesa-ko langileek erabiltzen dituzten babes-ekipamenduei buruzko informazioa ere eskatu du: "Onartezina da alarma-asteak igaro ondoren oraindik ere langile batzuek maskarak eskatu behar izatea: ez zaizkie ematen. Badakigu egoitza-zentroetan lan egiten duten Indesa-ko langileek ez dituztela Gizarte Ongizaterako Foru Erakundeko langileen babes-ekipamendu berberak", salatu du batzarkideak.

Horri guztiari, jakina denez, EH Bildu-k gogorarazi du foru egoitza batean lan egiten duten Indesa-ko langileek asteak itxaron behar izan dituztela COVID-19ko diagnostiko proba egin arte.

 

Bestalde, Indesa-ko enpresa batzordea osatzen duten sindikatuak haserre daudela adierazi diote EH Bildu-ri, martxoko nomina ez delako %100ean osatu, eta familia asko 500 euroko soldatarekin utzi dituztelako.

 

Hori dela eta, EH Bilduk galdetu du zeintzuk izango diren Ongizate Sailak hartuko dituen neurriak pertsona horiek nominaren %100 kobratuko dutela bermatzeko.

 

"Ezin dugu onartu, borondate politiko faltagatik, hilabete hauetan nomina murriztua duten familiak egotea. Behar diren neurri guztiak hartu behar dira inork diru-sarrerarik ez izateagatik zaurgarritasun-egoerarik izan ez dezan”, ondorioztatu du Venceslaok.

 

EH Bildu-k Arabako pandemiaren ondorioei aurre egiteko akordio politiko eta sozial handi baterako duen borondateaz galdetu dio Ahaldun Nagusiari

Era berean, Gizarte Ongizateko Foru Diputatuari ere egingo dio interpelazioa, Foru Aldundiak Gizarte Zerbitzuen egungo egoerari buruzko benetako diagnostiko bat egiteko eta egungoaren gabeziak gaindituko dituen eredu berri bat egiteko bideak irekitzeko asmoa duen jakiteko.

| 2020-04-20 10:06:00

EH Bildu-k interpelazio bat erregistratu du Arabako Batzar Nagusietako mahaian. Bertan, Ramiro Gonzalez Ahaldun Nagusiari galdetu dio ea foro, mahai edo antzekorik ezartzeko asmorik duen, alderdi politiko guztietako, sindikatuetako eta enpresetako ordezkarien eta beste eragile sozial batzuen parte-hartzea barnebilduko duena.

Helburua neurri orokorrak eta sektorialak eztabaidatzea eta adostea litzateke, Covid-19aren krisi sozio-sanitarioak eragingo dituen mota guztietako ondorio larriei aurre egiteko: sozialak, ekonomikoak, kulturalak…

Horretaz gain, indarrean dagoen foru aurrekontuko diru-sarreren eta gastuen atalean oposizioko indar politikoekin egin beharreko aldaketak negoziatzeko eta adosteko asmorik duen galdetu dio EH Bildu-k Diputatu Nagusiari.

Ildo horretan, eta krisiaren lehen minututik egin duen bezala, EH Bildu-k eskua luzatu du berriro ere krisi honen kudeaketan laguntzeko eta Arabaren erronka handiei erantzuteko: "Erantzukizunetik eta leialtasunetik, baina kritika politikoari eta beste gizarte eta herri eredu baten eraikuntzari uko egin gabe. Erabakiak guztion artean hartzeko garaia da", adierazi du Kike Fernandez de Pinedok.

Zerbitzu Sozialen inguruko diagnostiko bat

Bestalde, apirilaren 20an, Claudia Venceslao EH Bildu-ko batzarkideak beste interpelazio bat erregistratu du Gizarte Ongizateko Foru Diputatuari zuzenduta. Bertan, jakiteko ea Aldundiak Arabako Gizarte Zerbitzuen egungo egoerari buruzko benetako diagnostiko bat egiteko bideak irekitzeko asmoa duen galdetu du. Zentzu honetan, Arabako gizartearen egungo eta etorkizuneko beharrei eta erronkei berme nahikoekin erantzuteko gai izango den Gizarte Zerbitzuen eredu berri bati buruzko hausnarketa egitearen alde agertu da EH Bildu. Venceslaoren arabera, hori guztia eragile politiko, sozial eta sindikalen parte-hartzearekin egin beharko litzateke.

EH Bildu-k gogorarazi duenez, otsailean Gizarte Ongizaterako Batzordean eztabaidatu zen Arabako gizarte zerbitzuen egungo egoera eta etorkizun hurbila izeneko batzorde txostengilearen sorrera, baina proposamen hori atzera bota zuten Foru Gobernua osatzen duten batzarkideen botoek.

Hala ere, pandemiak agerian utzi ditu egungo gizarte-zerbitzuen ereduaren muga larriak, batez ere zaintza-politikei dagokienez. Ildo horretan, EH Bildu-k azpimarratu du egungo krisi sozio-sanitarioak argi eta garbi agerian utzi duela birus horri aurre egin behar izan diotela baliabide pribatuek baliabide publikoen aurrean.

"Ez dugu eztabaida horretarako formula zehatzik planteatzen, baina Foru Gobernu honek eztabaida estrategiko horri ikuspegi zabalarekin heltzeko duen borondate politikoa gaitzetsi nahi dugu, oposizioko indar politikoei ez ezik, Hirugarren Sektoreko erakundeei, sindikatuei eta enpresei ere lekua eginez", adierazi du Venceslaok.

ALBISTEAK

EH Bilduk osasun publikoa lehenestea eskatu du

2020-07-07 11:10:00

Mikel Otero: "Igande honetan, EH Bilduren bozkaz bete behar dira hautesontziak, Voxi esateko frankismoak ez duela lekurik herrialde honetan. Duintasun demokratikoa dugula. Uztailaren 12an, boto antifaxista, EH Bilduren botoa izango da"

EH Bildu-k Foru Aldundiari eskatu dio malgutu ditzala FOFELen murrizketaren ondorioz, diru-bilketaren beherakadak eragindako soberako kobrantzak itzultzeko toki-erakundeei ezarritako baldintzak

2020-07-07 09:16:00

Javier Argote: "Ramiro Gonzalezen gobernuak toki-erakundeei atzeratzeko eta zatikatzeko formulak ahalbidetu behar dizkie, FOFEL bidez kobratzen duten dirua itzultzeko, krisitik ateratzeko baliabideak hobeto kudeatu ahal izateko"

Mikel Otero: "Aldaketa ezkerretik etorri behar da, jasangarritasunean eta justizia sozialean oinarrituta, eta hori bermatzen duen indar bakarra EH Bildu da"

2020-07-04 12:00:00

EH Bilduk konpromisoa agertu du kalitatezko enpleguarekin, gure adinekoentzako pentsio duinaren alde, gure zerbitzu publikoak berreskuratu eta prestigiatzeko, eta larrialdi klimatikoaren erronkari erantzun bat emateko.

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"