Araba

Aurrekontuek gizarte-politiketan duten inbertsioa handitzearen eta hirugarren sektoreko elkarteekin lankidetza-hitzarmen guztiak mantentzearen alde egin du EH Bilduk Araban

Claudia Venceslao: "Aste hauetan bizi izan dugunaren ondoren, guk ez dugu lehengora itzuli nahi, ez dugu ezer berreraiki nahi: gizarte politikak eraldatu nahi eta behar ditugu"

| 2020-05-04 10:42:00

EH Bilduk mozio bat aurkeztu du Batzar Nagusietan Arabako Gizarte Zerbitzuen deseskalada planifikatzeko neurriak proposatuz. Zortzi puntu desberdin dituen mozio horretan, EH Bilduk plantilak indartzeko eskatu du, baliabide eta prestazio sozialak eskuratzearren eskariei azkar eta berehala erantzute aldera: "Osasuna, eta egun hauetan osasuna baino zerbait gehiago, lanean utzi duten langile guztiei laguntzeko ardura dugu", adierazi du Claudia Venceslao prokuradoreak.

Beste puntu batean, EH Bilduk egoitza-zentroen eta etxebizitza komunitario pribatuen kontrol zuzena eskatu du: "Kontrol hori hasieratik hartu behar zen; oraindik ez dakigu COVID-19k zentro pribatuetan izan duen benetako irismena, baina ezagutzen ditugun datu apurrek berez hitz egiten dute".

2020ko aurrekontuetan planteatzen diren aldaketei dagokienez, EH Bilduk gizarte politiketan inbertsioa handitzea eskatu du, baita hirugarren sektoreko elkarteekin lankidetza hitzarmen guztiak mantentzea ere. Egun batzuk lehenago iragarri bezala, "politika sozialetan murrizketa bakar bat ere ez dugu onartuko”.

"Neurri hauekin, inor atzean utziko ez duen estaldura soziala erraztu nahi dugu [...]. Alderdi politikook ikuspegi zabala izan behar dugu, ezin diogu inori hutsik egin, ezta inor atzean utzi ere. Ausartak izan behar gara eta bizitza duina defendatu gure lurraldean bizi den edonorentzat", adierazi du batzarkideak.

Sektore ahulenetan arreta jarritako deseskalada

Venceslaok prentsaurrekoan adierazi duenez, deskonfinamendu egoera baterako prestatzea "ezinbestekoa" da gizarte osoa babesteko beharrezkoak diren neurri guztiak lasaitasunez hartu ahal izateko. Hala ere, arreta sektorerik ahulenetan jarri behar dela zehaztu du.

"Kontuan izan behar dugu, gizarte zerbitzuetan antzemandako eskaerez eta beharrez gain, alarma sozio-sanitario horrek erronka eta behar berriak ekarriko dituela, eta horiei ere erantzun beharko diegula Araban".

Hortaz, EH Bildu-k alarma-egoeratik irteteko plangintza egokiaren alde egin du, Gizarte Zerbitzuen Foru Sailaren lau arloetan artatzen diren kolektiboetan babesgabetasun-egoerak eta zaurgarritasun-egoerak ez sortzeko.

"Aste hauetan bizi izan dugunaren ondoren, guk ez dugu lehengora itzuli nahi, ez dugu ezer berreraiki nahi: politika sozialak eraldatu nahi eta behar ditugu", adierazi du prokuradoreak.

Garraio kolektiboa indartzeko kudeaketa plan bat eskatu dio EH Bilduk Arabako Foru Aldundiari

Iñaki Ullibarri: “Arabako Foru Aldundiak azkar jokatu ezean, azken urteotan bidaiarien foru bus lineek lortutako zabalpen txukunean izugarrizko atzerakada eta iaz martxan jarritako eskaripeko garraioaren eredu berriaren heriotza etor daitezke”

| 2020-05-02 08:26:00

EH Bilduk mozioa erregistratu du Arabako Batzar Nagusietan Mugikortasun eta Bide Azpiegituren Sailak ekainaren 30a baino lehen kudeaketa plan bat aurkezteko. Mozioan foru garraio kolektiboan gidari zein erabiltzaileen osasun protokoloak egokiro betetzeko neurriak bermatzea eskatu du EH Bilduk. Gainera, inbertsioak galdatu ditu foru garraio kolektiboak pandemiaren aurretik zeukan erabiltzaile kopuruari eusteko eta ahal den neurrian handitzeko.

Iñaki Ullibarri batzarkideak eskatu duenez, sail honek komunikazio kanpaina zabala abiatu behar du herritarrei Foru garraio kolektiboan ezarritako osasun protokolo berriak jakinarazteko. Horretaz gain, Arabako Batzar Nagusiek mugikortasunaren arloan ere Espainiako Gobernuak ezarritako berzentralizazio politika deitoratzeko premiaa aldarrikatu du.

“Arabako Foru Aldundiak azkar jokatu ezean, azken urteotan bidaiarien foru bus lineek lortutako zabalpen txukunean izugarrizko atzerakada eta iaz martxan jarritako eskaripeko garraioaren eredu berriaren heriotza etor daitezke”, gaitzetsi du Ullibarrik. 

Gaineratu duenez, datozen aste, hilabete eta urteotan esfortzuak biderkatu egin beharko dira Arabako garraio publikoaren erabileraren beherakada hori gerta ez dadin eta gertatzekotan, ahalik eta txikiena eta motzena izateko. Izan ere, garraio publiko horren alternatiba ia bakarra ibilgailu pribatua da Araban.

Amaitze aldera, EH Bilduren ustez, lehenik eta behin osasun protokolo guztiak egokiro betetzen eta beteko direla bermatu behar du Foru Aldundiak, aldi berean konfiantza transmitituz orain arteko erabiltzaileei ez ezik, arabar guztiei. Horrekin batera, datozen hilabeteetan inbertsioak egiteko beharra azpimarratu du Ullibarrik.

ALBISTEAK

EH Bilduk osasun publikoa lehenestea eskatu du

2020-07-07 11:10:00

Mikel Otero: "Igande honetan, EH Bilduren bozkaz bete behar dira hautesontziak, Voxi esateko frankismoak ez duela lekurik herrialde honetan. Duintasun demokratikoa dugula. Uztailaren 12an, boto antifaxista, EH Bilduren botoa izango da"

EH Bildu-k Foru Aldundiari eskatu dio malgutu ditzala FOFELen murrizketaren ondorioz, diru-bilketaren beherakadak eragindako soberako kobrantzak itzultzeko toki-erakundeei ezarritako baldintzak

2020-07-07 09:16:00

Javier Argote: "Ramiro Gonzalezen gobernuak toki-erakundeei atzeratzeko eta zatikatzeko formulak ahalbidetu behar dizkie, FOFEL bidez kobratzen duten dirua itzultzeko, krisitik ateratzeko baliabideak hobeto kudeatu ahal izateko"

Mikel Otero: "Aldaketa ezkerretik etorri behar da, jasangarritasunean eta justizia sozialean oinarrituta, eta hori bermatzen duen indar bakarra EH Bildu da"

2020-07-04 12:00:00

EH Bilduk konpromisoa agertu du kalitatezko enpleguarekin, gure adinekoentzako pentsio duinaren alde, gure zerbitzu publikoak berreskuratu eta prestigiatzeko, eta larrialdi klimatikoaren erronkari erantzun bat emateko.

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"