AKTUALITATEA

| 2025-07-15 15:27:00

Koalizioak uste du, bere mozioa atzera bota bada ere, bere helburua bete dela «gure konpromisoa pertsonekin delako».

Iruña Oka. 2025-07-15 | Iruña Okako EH Bildu udal taldea pozik agertu da Langraizko geltokian egingo diren egokitzapen eta irisgarritasun lanak iragarri ostean. Gainera, uste du obren iragarpena ez dela kasualitatea, izan ere, atzo bertan EH Bilduren mozio bat eztabaidatu zen, Renferi eta Adifi erreforma horiek egiteko eskatzen ziena. Mozioa atzera bota bazuten ere, EH Bilduk uste du bere ekimenak obren hasiera azkartuko duela.

EH Bilduk aurkeztutako mozioak Arabako Lautadako aldiriko trenen zerbitzu berriaren irisgarritasun falta larria salatzen zuen, bereziki Langraizko geltokian. Mozio horrek mugikortasun murriztua duen auzotar baten kexa legitimoa jasotzen zuen, garraio publikoa baldintza berdinetan erabiltzeko oinarrizko eskubidetik kanpo geratzen dena, beste hainbati gertatzen zaion bezalaxe.

EAJren, PSEren eta PPren kontrako botoari dagokionez, Davide Di Paola EH Bilduren Iruña Okako bozeramaileak adierazi duenez, «irisgarritasunaren arloan indarrean dagoen legediak babestutako salaketa seriotasunez aztertu beharrean, EAJk, PSOEk eta PPk beste aldera begiratzea erabaki dute, oinarrizko eskubideak urratzen dituen arazo bat minimizatuz edo ukatuz, eta EH Bilduri leporatuz mozioa "makillatzea" politikoki erasotzeko, baina errealitatea ez da hori inola ere: egin genuena izan zen ebidentzia bat mahai gainean jartzea, grafikoki dokumentatua eta kaltetutako pertsonek berretsi dutena».

«EH Bildun argi dugu gure konpromisoa pertsonekin dagoela, ez besaulkiekin. Mozio hau aurkeztu genuen zuzena zelako eta gure auzokideen eskubideak defendatzen jarraituko dugulako. Beraz, pozik gaude gure helburua lortu dugula ikusita», amaitu du Di Paolak.