Araba

EH Bilduk Europako eta Ipar Euskal Herriko esperientziak aztertuko ditu Araban lehen sektorea bultzatzeko

Araban bakarrik, 13 urtean 1.400 nekazaritza ustiategi eta 370 abeltzaintza ustiategi desagertu dira. Nekazaritza-politika berrien ondorioz, lehen sektoreak trantsizio agroekologikoak bultzatu beharko ditu. José Bovek eta Mixel Berhokoirigoinek sektorearekin dituzten esperientziak elkarbanatuko dituzte datozen egunetan Gasteizen.

| 2020-02-17 10:51:00

Arabako lurraldearen %32a nekazaritzara bideratuta dago  eta, ordea, landa-eremua krisi egoeran da, sektorearen batez besteko adina 55 urtekoa izanik. Urtetik urtera, nekazaritzako eta abeltzaintzako ustiategiak, baserriak eta upeltegiak desagertzen ari dira, eta lurra gero eta esku gutxiagoren menpe dago. Hori dela eta, EH Bildu-k sektorearen etorkizunari buruzko eztabaida sakona bultzatu nahi du, eta, horretarako, Europako eta Ipar Euskal Herriko beste esperientzia batzuei begiratzea erabaki du. Izan ere, leku horietan uzteak bertan behera gelditzea lortu dute, eta, aldi berean, duintasuna itzuli diote sektoreari.

"Funtsezkoa da administrazioak inplikatzea, baina gizarteak ere kontzientzia hartu behar du ohiturak aldatzearen, tokian tokikoaren alde egitearen eta larrialdi klimatikoari eta eredu industrialari aurre egitearen garrantziaz", nabarmendu dute Kike Fdez de Pinedok eta Eva Lopez de Arroyabek. Are gehiago, EUATAT-en datuen arabera, Araban bakarrik, 13 urtean 1.400 nekazaritza ustiategi eta 370 abeltzaintza ustiategi desagertu dira. Bide horretan, proiektu ekonomiko, sozial eta ekologiko zabalago baten eskutik joan behar duen nekazaritza iraunkorra martxan jartzeko beharra nabarmendu dute.

Hain zuzen ere, Ipar Euskal Herrian Euskal Herriko Laborantza Ganbara abian jartzea lortu dute, non nekazaritza, ekonomia eta gizarte arloko eragileak batu dituzten, tokian tokiko eta elikadura politika ezberdin bat sortu eta elkarrekin garatzeko. Bitartean, Europako Parlamentuan Nekazaritza Politika Bateratu berria eztabaidatzen ari dira, eta murrizketak aurreikusten dituzte orain sektorera bideratzen diren laguntzei dagokienez. Hori dela eta, EH Bilduren ustez, beharrezkoa da lehen sektoreko eta landa-inguruneko pertsonekin egoeraz hausnartzea, baita ideia eta proposamen berriak mahaiaren gainean jartzea eragile sozial eta politikoen premiak eta mehatxuak aztertuz.

Helburu horrekin, Jose Bovek eta Mixel Berhokoirigoinek lan jardunaldiak egingo dituzte datozen egunetan Gasteizen. Lehena europarlamentaria eta nekazaritza sindikalista da, eta lehen eskutik ezagutzen du Europako nekazaritza politika. Bigarrena Euskal Herriko Laborarien Batasunaren eta Euskal Herriko Laborantza Ganbararen bultzatzaileetako bat da.

EH Bildu-k eta Elkarrekin Araba-k Pobeseko adinekoen egoitzari buruzko azalpenak eskatu dizkiote AFA-ri

| 2020-02-14 08:56:00

Erriberagoitiko Udalaren eta enpresa esleipendunaren artean Pobeseko adinekoentzako egoitza-zentroa eraikitzeko, ekipatzeko eta martxan jartzeko kontratua eten dela jakin ondoren, EH Bildu eta Elkarrekin Araba taldeek Gizarte Politiketako Foru Diputatua den Emilio Solaren eta herri honetako alkate Jesus Berlinen agerraldia eskatu dute.

Proiektu horrek 396.000 euroko finantzaketa izan du, 2012, 2013 eta 2014. urteetan banatuta. Hori dela eta, Erriberagoitia adinekoen egoitzarik eta eguneko zentrorik gabe uzten duen etete horren xehetasunak eta arrazoiak ezagutu nahi dituzte EH Bildu-k eta Elkarrekin Arabak.

Arabako Foru Aldundiak proiektu honetan egingo duen inbertsioa 400.000 euro ingurukoa izango dela kontutan hartuta, bi batzarkide taldeek Emilio Sola Gizarte Gaietarako Departamentuko arduradun nagusiari eta Jesús BERLA Erriberagoitiko alkateari eraikin honen etorkizunaz eta, hala badagokio, eraikin horretarako kontutaan hartzen diren erabilera-aukerez galdetuko diete.

Zentzu honetan, eta betiere foru-inbertsio horri erreparatuz, zentroaren titulartasuna Erriberagoitiari badagokio ere, EH Bildu-k eta Elkarrekin Arabak jakin nahi dute zer eginkizun izango duen AFA-k gatazka hau konpontzeko eta etorkizunean hura erabiltzeko hartuko den erabakian.

ALBISTEAK

Barrundiako Udalak iron man frogak sortzen dituen eragozpenei erantzuteko alternatibak adostu ditu antolakuntzarekin

2020-04-08 15:36:00

Gordoatik Ozaetara errepidea zabalik egongo da norabide horretan

EH Bildu-k eztabaidatzeko eta kontrolatzeko mekanismoak eskatu ditu Batzar Nagusietan, krisi honetan erakundeari prestigioa itzultzeko eta gizarteari egindako ekarpenak ahalbidetzeko

2020-04-08 11:58:00

Kike Fdz de Pinedo: "Hasieratik argi izan dugu gure lehentasuna elkarlanean aritzea eta proposamenak ekartzea izan behar duela. Duela hilabete bat Batzar Nagusien jarduera ia erabat eten zenean bezala, eskua luzatuta izaten jarraitzen dugu"

EH Bildu "atsekabetuta" agertu da EAJ-k eta PSE-k oposizioaren parte-hartzea eta kontrola ahalbidetzeko onartutako neurri eskasengatik

2020-04-07 11:59:00

Kike Fdz de Pinedo: "Pandemiaren kudeaketan partekatzeko eta laguntzeko Krisi Mahai bat sortzea proposatu genien, eta uko egin zioten. Orain, astero Batzorde Iraunkorra gaitzea proposatu diegu, Ramiro Gonzalezen gobernuari galdetu eta ekarpen zuzenak egin ahal izateko, eta uko egin diote epeak eta funtzionamendua zehazteari"