AKTUALITATEA

| 2025-01-24 09:19:00

Turismo jasangarrian, berdintasun eta zaintza politiketan, trantsizio energetikoan eta etxebizitzaren promozioan aurrera egiteko 15 neurri aurkeztu ditu EH Bildu Bernedok. Aurrekontu-eztabaidaren atarian egin du, neurri horiek 2025eko ekitaldirako kontuen proiektuan sar daitezen.

Hala, zaintzen arloan, Bernedoko adinekoen egoitzan zentratzen dira proposamenak. Horrela, Udalak enpresa pribatu batekin duen kontratua berrikustea, enpresak araudiak eta hitzarmen kolektiboak betetzen dituela bermatzea, egoitzaren egungo eraikina egokitzeko premien azterketa bat egitea eta egoitzaren publikotasunari buruzko gogoeta-prozesu bat irekitzea planteatzen da. Gainera, egoitza eta Bernedo herrigunea lotzen dituen espaloi-zatia hobetzea proposatu da.

Zaintzen arloan ere, EH Bildu Bernedok mendekotasuna duten pertsonentzako komunikazio eta geolokalizazio sistemak eskuratzea planteatu du, Administrazio Batzarrekin elkarlanean, larrialdi kasuetan despopulazioak eta herrien sakabanaketak dakartzan ondorioak ahal den neurrian arintzeko.

Bestalde, EH Bilduren proposamenak hiru neurri jasotzen ditu energiaren alorrean. Energia-jarduketako plan bat egitea, udal-inbentario energetiko bat sortzea eta tokiko energia-ekoizpena eta parte-hartze komunitarioa sustatzea da helburua.

Etxebizitza eskuratzea errazteko helburuarekin, merkatutako etxebizitza ateratzea ahalbidetuko duten neurri fiskalak hartzea planteatzen da, alokairuko etxebizitza publikoen sustapena hutsik dauden eraikinak erosiz eta birgaituz eta alokairuaren eskatzaileen zerrenda bat egitea.

Turismo jasangarria da EH Bilduk ezarri duen beste lehentasunetako bat, eta, horretarako, udal-aterpetxearen bideragarritasun-azterketa bat egitea eta osagarriak izan daitezkeen espazioak hobetzea planteatzen da, hala nola aldagelak, aterpea edo haurreskolako aretoak.

Azkenik, EH Bilduk berdintasun batzorde bat sortzea proposatu du. Batzorde horrek aurrekontuaren % 1,5 izan behar du bere ekimenak garatzeko. Horrekin batera, hirigintza araudia aldatu behar da eraikinak birgaitzea errazteko eta Markinezko PERI berritu behar du. 1999ko plana da, eta ez da egokitzen egungo hirigintza-legeriara.