AKTUALITATEA

| 2025-11-07 16:06:00

Joan den ekainaren 12an, Aixeindar sozietateak, Iberdrolak eta Energiaren Euskal Erakundeak osatutako sozietateak, Labrazako zentral eolikoa eraikitzeko obra-lizentzia eskatu zion Oiongo Udalari. Eskabidearen gabeziak ikusita, Udalak lizentzia hori emateko behar zen dokumentazioa zuzentzeko eta aurkezteko eskatu zuen.

Uztailaren 24an, Trantsizio Ekologikorako eta Erronka Demografikorako Ministerioak Labrazako zentralaren onura publikoaren deklarazioa argitaratu zuen. Hori dela eta, eraikitzeko behar diren lurrak nahitaez desjabetu daitezke.

Urriaren 14an, Labrazako Administrazio Batzarrak eta Errioxa JDKk, batera, administrazioarekiko auzi-errekurtsoa aurkeztu zuten, otsailaren 12ko osoko bilkuran zentral eolikoaren Plan Berezia behin betiko onartu zenean. Urriaren 23an izapidetzeko onartutako errekurtsoa.

Urriaren 14an, halaber, Aixeindarrek Udal honek eskatutako dokumentazioa aurkeztu zuen, eta, horren aurrean, Udal Gobernuak txosten bana eskatu zien udal-arkitektoari, idazkari kontu-hartzaileari eta Udalaren aholkularitza juridikoari.

Txosten horiek aztertu ondoren, Udalak Aixeindarrek Labrazako zentral eolikoa eraikitzeko eskatutako obra-lizentzia izapidetzea beste aukerarik ez duela ondorioztatu da. Izan ere, ondorioztatzen dute kautelazko eteteak egoitza judizialean baino ez duela lekurik. Are gehiago, kasu honetan, Labrazako Administrazio Batzarrak eta Errioxako JDKk jarritako errekurtsoak ez du oraingoz barne hartu kautelazko neurri horren eskaera.

Hala ere, prozesu horretan zehar, Oiongo Udalak antzeman du Aixeindar enpresak jarduera-lizentzia bat behar duela, ez duena eta tramitazioa hilabete batzuk atzeratuko dena. Egoera horren aurrean, Aixeindarrek parke eolikoaren instalazioak egokitzeko prestaketa-lanetarako lizentzia eskatu du (zero kota). Xede horretarako eskatutako txostenak aztertu ondoren, eta ikusirik guztiek ondorioztatu dutela prestatze-lanetarako lizentzia hori eman behar dela, Oiongo Udalak 2025eko azaroaren 7an eman du aipatutako lizentzia.

Une honetatik aurrera, Udal Gobernuaren helburu nagusia proiektuaren sustatzaileekin, Eusko Jaurlaritzarekin eta Iberdrolarekin, udalerriarentzat eta biztanleentzat onuragarrienak diren eredua eta baldintzak negoziatzen saiatzea izango da. Helburua, ahal den neurrian, energiaren sorkuntza eta kontsumoaren demokratizazioan aurrera egitea izango da, Udal Gobernuaren borondatea izanik alderdi hauei buruzko azken hitza Oiongo herritarren esku geratzea.

Ildo horretan, eta kontuan hartuta Labrazako zentral eolikoa azken 20 urteetan Euskal Autonomia Erkidegoan martxan jarri den lehen zentrala izango dela, Oiongo Gobernuak Eusko Jaurlaritza eta Iberdrola negoziazio batera deitu ditu, etorkizuneko proiektuetarako erreferentzialak izan daitezkeen eredu eta baldintza batzuk definitzeko eta klima-aldaketaren, trantsizio ekosozialaren eta gure herriaren deskarbonizazioaren aurkako borrokan laguntzeko.