AKTUALITATEA

Azazetako sarraskiaren 86. urteurrenean ekitaldi politiko bat egingo dugu

| 2023-03-24 08:05:00

Aurten ere egia, justizia eta erreparazioa eskatuko dugu errepresio frankistaren biktima guztientzako. Datorren apirilaren 1ean izango da, Azazetako sarraskiaren 86. urteurrenean egingo duten ekitaldi politiko batean. Oroimen ekitaldia eguerdiko 12:30etan Santa Barbara plazan. Hain zuzen ere, duela 86 urte, 16 preso aske utzi zituzten Bakearen kartzelan. Ondoren, Azazetako portura eramateko zain zeuden bi kamioetan eraman zituzten. Han hil eta lurperatu zituzten.

1937ko martxoaren 31n, Italiako armadaren hainbat hagazkin Gasteizko aerodromotik atera ziren Durango bonbardatzera. Geroago Gernikako bonbardaketa iritsi zen.

Exekuzio sumarioak Mola jeneralak antolatu zituen, izua sortu nahian. Euskal Herrian 1936tik 1939ra bitartean gertatutako esanahi politiko handieneko hilketa izan zen hura. Horien artean zegoen Teodoro González de Zarate, Gasteizko alkatea, “Izquierda Republika”n afiliatua, hauteskundeak bigarren itzulian irabazi zituena. Beraz, herriaren borondatearen aurkako erasoa izan zen.

Orain, 86 urte geroago, oraindik ere irauten duen inpunitatea salatu nahi dugu, eta, aldi berean, egia, justizia eta erreparazioa eskatzen dute biktima guztientzako. Baina, gainera, eskatzen dugu Arabako erakundeek frankismoaren aurkako kereila jar dezatela epaitegietan gizateriaren aurkako krimenengatik, inpunitatearekin amaitzeko eta gerraren eta diktaduraren krimenak epaitzeko mekanismoak bidera daitezela, artxiboak argitara daitezela eta estamentu judizial eta politikoek irekita dauden bide judizialekin lankidetzan jardun dezatela, hala nola Argentina kereilarekin.