AKTUALITATEA

Arabako egoitzetan birusaren hedapena kontrolatzeko inbertsioak eta zerbitzuak indartzeko eskatu dio EH Bilduk Aldundiari

| 2021-09-01 09:38:00

EH Bilduk Gizarte Politiketako Diputatuari zuzendutako galderak erregistratu ditu, birusaren hedapena geldiarazteko Arabako egoitzetan egiten ari diren protokoloei buruzko xehetasun gehiago ezagutzeko. Batzarkideak adierazi duenez, zalantza asko ditu Eusko Jaurlaritzak abuztuaren 23an esparru soziosanitarioko egoitzetan argitaratutako protokoloari buruz. Izan ere, bertan egiaztatu dutenez, "informazio falta izugarria dago, eta horrek larritasuna eragiten die egoiliarrei, senideei eta langileei".

Horregatik, EH Bilduk jakin nahi du noiz egingo diren iragarritako PCRak, non egingo diren edo Gizarte Politiketako Departamentua zer mekanismo erabiltzen ari den proba horiek eraginkortasunez betetzen direla kontrolatzeko eta jarraipena egiteko. Hala eta guztiz ere, Claudia Venceslao batzarkideak adierazi du ez duela ulertzen birusa egoitza-zentroetan ez sartzea kontrolatzeko hartzen den neurri bakarra PCRak egitea denik: "Neurri hori gutxietsi gabe, uste dugu badirela beste neurri garrantzitsu batzuk, hain zuzen ere, lehenbailehen ezarri beharrekoak".

Neurrien artean, honako hauek aipatu ditu EH Bilduk: erizain laguntzaileen eta erizainen plantillak indartzea –profesional talde burbuilak lortzeko–, zentroen azpiegituran inbertsioak egitea –banakako gelak, bizikidetza-moduluak eta zentroen sektorizazio –, egoitza-zentroen lan-egoera handiarekin amaitzea eta ikuskapenak areagotzea, segurtasun-protokolo guztiak behar bezala betetzen direla bermatzeko.

“Beste behin ere, adinekoak modu eraginkor eta egokian babesteko eta zaintzeko tresnak dituen arren, Aldundiak zauri izugarri handi eta sakon bati adabakiak baino ez dizkio jartzen”, adierazi du Venceslaok.