AKTUALITATEA

Nerea Kortajarena: «PP ez da ezertan bereizten Voxekin, bloke beraren parte dira. EAJren eta PSEren distantziakidetasunak kezkatzen gaitu»
| 2025-12-01

Nerea Kortajarena EH Bilduko Programa idazkari eta legebiltzarkideak Alderdi Popularrak Madrilen antolatutako mobilizazioan Ayusok esandakoak izan ditu hizpide Herri Irratian. «Atzo argi ikusi genuen PP ez dela ezertan bereizten Voxekin; bloke beraren parte dira. EAJren eta PSEren arteko distantziakidetasunak kezkatzen gaitu. Ayuso ezereza da Euskal Herrian. Euskal herritarrek erabat garrantzirik gabea eta hutsala izatea erabaki zuten», esan du.

Aurrekontuen negoziazioei dagokienez, Kortajarenak azaldu duenez, «negoziaziorik izan ez denean, ezin da danbatekoa eman. Etxebizitza publikoak sustatzeko 1.000 milioiko funtsa sortzea proposatu dugu. Kontraproposamena da aurrekontua ez dela mugituko eta etxebizitzaren legearen kontrareforma babestu behar dela».

Halaber, bozeramaileak zalantzan jarri du Ertzaintzak bere atxilotuen jatorria argitaratzeari buruz egindako irizpide-aldaketa. «Oso gaizki iruditzen zait; datu horiek estigmatizatu egiten dute, kriminalizatu, eta gorroto-diskurtsoak errazten dituzte migrazioaren gaiaren inguruan. Hori zen orain arteko adostasun soziala, eta zer aldatu den jakin nahi dugu».