AKTUALITATEA
| 2023-10-28
Kontseiluak deituta azaroaren 4ean egingo den manifestazioarekin bat egiten du EH Bilduk, eta Bilboko kaleetan izango da ezker subiranistaren ordezkaritza bat. Euskararen aurkako oldarraldi judizial eta politikoari aurre egiteko beharra ikusten du, eta horri erantzun egin behar zaiola azpimarratu du.
Oldarraldi hau testuinguru jakin batean gertatzen ari dela azpimarratu beharra dagoela uste du EH Bilduk. Europan euskara eta Espainiako Estatuko beste hizkuntzak ofizial izateko ahalegina gertatzen ari da, Espainian ere gaztelera ez den beste hizkuntzak aintzat hartzeko saiakera izaten ari da, Euskal Autonomia Erkidegoan Hezkuntza Legearen eztabaida gertatzen ari da euskara ardatz gisa hartuta, Balearretan ere antzeko terminoetan egiten ari dira beren hezkuntza legearen eztabaida… Hori guztia gertatzen ari den unean etorri da izaera judiziala eta politikoa duen oldarraldia, nabarmendu nahi izan du EH Bilduk.
Horren guztiaren aurrean, kalera atera behar dela uste du ezker subiranistak, euskararen aurkako oldarraldiari herri erantzun bat emateko. Aldi berean, euskararen alorrean jauzi bat emateko unea dela azpimarratu du, era honetako erasoak zailtzeko eta horiei baldintza egokiagotan erantzun ahal izateko.
AZKEN ALBISTEAK
Arnaldo Otegi: «Aurrekontuen negoziazioan dagoen arazoa da ez dagoela politika publikoen orientaziorik»
Aurrekontuak | 2024-12-03
EH Bildu eta EH Bairen agiri bateratua Euskaren Egunean: «Orain da unea»
Euskara | 2024-12-03
