Sopela

BIZKAIKO UDAL KIROLDEGIETAKO LANGILEEN ALDARRIKAPENAK berriz ere eztabaidagai Sopelako osoko bilkuran!

ELA-LAB-UGT eta CCOO sindikatuek mozio bat aurkezten ari dira Bizkaiko Udaletan, Udal Polikiroldegietako Sektorean hitzarmen kolektibo duin bat eskatzeko asmoarekin. Sopelako EH Bilduren bitartez erregistratu dute mozioa.

Polikiroldegia,Sindikatuak | 2019-10-25 15:02:00

 

Sopelako kiroldegietako langileak borrokan

Sopelako kiroldegiko langileak (egun Be One-Serviocio enpresako soldatapekoak) berriz ere borrokan daude sektoreko langileen lan baldintza duinak aldarrikatzeko eta herritarrentzat kalitatezko zerbitzuak eskaintzeko. Hori dela eta, urriaren 28tik azaroaren 10era bitartean etenak egingo dituzte, ekainean egin zuten bezalaxe. Bizkaia mailako lan-hitzarmen sektoriala negoziatzeko eskaria egiten dute, hitzarmen duin bat lortu nahian.

Horretarako, lan etenez gain, mozio bat aurkezten ari dira ELA, LAB, UGT eta CCOO sindikatuek Bizkaiko Udaletan. Sopelako EH Bildu arduratu da aipatutako mozioa Osoko Bilkurara aurkezten.

 

Ekaineko mobilizazioak

Bizkaiko kiroldegi eta kirol zelaien hitzarmena duintzeko borrokan daude langileak ekainaz geroztik. Administrazio publikoak bermatu behar duela zerbitzua eta bertan lan egiten dutenen lan baldintzak duinak izan daitezen aldarrikatzen dute.  Horrela, langileek lan-etenak egin zituzten ekainaren 18an, 19an eta 26an, eta ekainaren 27an, greba.

 

EH Bildu Bizkaiko kiroldegietako langileen alde

Sopelako EH Bilduk mozio bat aurkeztu zuen uztaileko plenoan, bere kabuz, CEBEK patronalari exijituz sindikatuekin lan hitzarmen duin bat negoziatzeko. Horrela, EH Bilduk sektoreko hitzarmenek duten garrantzia azpimarratu zuen, udal txiki, ertain eta handien langileen lan baldintzak berdintzeko eta hobetzeko. Mozioaren bozkaketan, EH BILDU eta ELKARREKIN PODEMOS alde agertu ziren eta Udal Gobernua, ostera, ez zen lerrokatu ekimen honekin (DB-TU eta PSE abstenitu ziren eta EAJ-ak kontra bozkatu zuen).

Urriko informazio-batzordeak Sopelako Udalean: EH Bilduren GALDERAK!

Hilabetero legez, EH Bilduk informazio batzordeetan aurkeztutako galderak aurkezten ditu.

| 2019-10-22 09:33:00

Aste honetan informazio-batzordeak egiten ari dira Sopelako Udalean. GARDENTASUNA, HERRITARRAK INFORMATZEKO BOKAZIOA eta OPOSIZIO LAN SERIOA, ZORROTZA eta ARDURATSUAren islada: hona hemen EH Bilduk modu formalean aurkeztutako galderak udal komisioetan.

 

Turismo

  • Sopelbusek jubilatuen aurreko geltokian lotzen zen, aurten geltoki hori desagertu omen da. Ezin daiteke berreskuratu? Zergatik kendu zan geltoki hori?

 

Kultura, Euskara eta Hezkuntza

EUSKALTEGIA

  • 2019- 20 ikasturteko antolamendua: matrikulazio datuak, taldeak, ratioak, irakasleak. Aurreko 3 ikasturteekin datuak konparatu izandako bilakaera alderatzeko.
  • Kontuan izan ikasturte hasita/hastear dagoela, zeintzuk izan hartutako / hartuko diren neurri pedagokikoak eta antolamenduzkoak funzionamendu egokia ahalbideratzeko (Gizagune enpresak egindako gomendioak).

 

Kirola

IGERILEKUA

  • Lizitazioa noizkoa? (apirila baino lehen esleituta izan beharko da)
  • Lizitazio aditzera eman baino lehen (lizitazioa eginda ez badago), baldintza teknikoak eta administratiboak aukera ematea aztertzeko eta posibleak izango diren ekarpenak adierazteko.

 

SANTA MARINAko ESKALADA ESKOLAN EGIN BEHARREKO LANAK

  • 2019-E-RC-5399. zenbakidun sarrera duen idazkiak zehaztutako eskariari erantzun posiblea.

 

Udal Administrazioa eta Langileria

EUSKALTEGIA

  • Lan poltsa eguneratuta /eguneratzen ari da? Nork eta zein prozedura erabili /erabiltzen ari da? Zeintzuk dira datuak?.

 

RPT

  • Proposamena aurkezten diegu udal taldeei, gaia baloratzeko. Honakoa litzateke proposamena: administrazio publikoan kudeaketa lanetan aditua den aholkularitza enpresa bat kontratatu gaurko udal egitura aztertu eta proposamena egiteko.

 

Herritarren segurtasuna

GABEKO TURNOA

  • Udaltzaingoaren gabeko turnoa beharrezkoa ote den baloratzeko, honakoa eskatzen dugu, irailean eskatu genuen bezala: 2018an eta 2019an gabez izandako inzidentzien inguruko txostena.

 

MUNARRI TABERNA

  • Munarri Tabernari ireki ahal zaio zaratengatik espediente berririk edo kexa berririk jaso al da taberna horren jardueraren inguruan, irailetik hona?. Auzokideen kexa berri bat jaso dugu: 2019/10/11, 22:20etatik aurrera musika igoz.

 

035 UDALTZAINA

  • 2019-E-RC-6958. sarrera zenbakidun idazkian agertzen zen kexaren inguruko azalpena (035 udaltzainaren inguruan).

 

Hirigintza, Etxebizitza, Ingurumena eta Obrak eta Zerbitzuak

ABAROKO PLAN PARTZIALA

  • Aurkeztutakoa, jabegoaren babesa zenbatekoa da (%)?
  • Zein kronograma proposatzen da plana garatzeko?
  • Dokumentazioa erregistratua izan baino lehen jaso (hau da, behin behineko prozesua hasi baino lehen)

 

SAN ANDRES-eko LANDAK

  • Aurreko batzordean bertan egindako galderak erantzunik gabekoak dira.
  • Kalifikazio aldaketa Sopelako Arau Subsidiarioen barruan (D-2019/0132; data:23/01/20109). AH&Asociados Arquitectos Grupo Norte.
  • Hasiera batean onartzeko dokumentazioa eta ingurumen-jasangarritasunaren dokumentazioa (hilabete bat)
  • Alegazio txostena (10 egun baliodun)
  • Behin betiko onartzeko behar den dokumentazioa (5 aste alegazio txostena entregatu eta hurrengo egunetik zenbatuta)

 

ATXABIRIBIL aldean:

  • 7.1. sektorea: Sopelmarrera sartzeko sarreran bertan obra batzuk egiten ari dira: azalpenak

 

ALBISTEAK

ZERGA IGOERA SOPELAN?

2020-09-11 11:39:00

Sopelako Udal Gobernua zergen eta tasen ordenantzak berrikusten ari da. Udal teknikarien laguntzaz, hainbat zergen eta tasen egunerakoa proposatu ditu. EH Bilduren jarrera argia da: bizi dugun krisi garaian ezin zaie herritarrei eskatu beraien gain har dezaten Udalaren finantzazioa. Horregatik, egungo testuinguruan, ondasun higiezinen eta ibilgailuen gaineko zergen igoeraren kontra gaude. Plusbalioaren gaineko zergaren igoeraren kasuan, zerga hori berraztertzea egokitzat jotzen dugu (etxebizitzen salmentetatik eratorritako irabazia zergapetzen duena, alegia). Argi daukagu: “herritarrok ezin dugu krisiaren ondorioak gure gain hartu”.

KARPAK ZIPIRIÑEN

2020-09-10 13:02:00

Guillermo Vío (Willy) EHBilduko zinegotzi ohiaren iritzi artikulua, Zipiriñen Udalak jarritako karpen inguruan.

EH BILDUren erantzuna Barrikako egoitzari: "Gure zinegotziek ez dute komunikabideek baino garrantzi gutxiago"

2020-09-07 15:02:00

Abuztuaren amaieran hainbat komunikabidetan agertutako berriez arduratuta (Barrikako zahar-egoitzan erabiltzaileen erdia positibo COVID19an), EH Bilduk bilera eskatu zuen egoitzako zuzendaritzarekin. Erantzuna: "Egoitzako Zuzendaritzak informazioa ematen die Patronatuari, senideei eta langileei, baita komunikabideei ere. Ez dio bestelako pertsona fisiko edo juridikori informazioa ematen". Gure zinegotziek komunikabideek baino garrantzi gutxiago ez dutela argudiatuz, erantzuna luzatu diogu zuzendaritzari. Informazio guztia hemen duzue!

ZER BEHAR DU ARRIETARAK? ERANTZUN INTEGRAL BAT!

2020-09-04 12:06:00

Sopelako EH Bilduk Arrietara auzoaren inguruan duen jarrera aipatu nahi du jakinarazpen honen bitartez: Prest gaude aurrekontu moldaketa bat babesteko gaur egun Arrietaran dagoen jolas-parkea berrizteko, baldin eta proiektu hori Arrietarentzako berritze integral sakonago batean kokatzen bada. Horrela, jolas-parkea berritzeaz gain, Udal Gobernuak La Salvajeko goiko aldeko aparkalekua oinezkoentzako gune bihurtzea eskatzen dugu, horrela auzokideen eskariari erantzunez, eremu hori aisialdi gune naturala izan dadin. Arrietarak erantzun integral bat behar du eta 2020an bertan gauzatuko diren udal ekimen guztiek proiektu zabalago baten barnean kokatuak egon behar dute, eremu horren hobekuntza eta eraldaketari begira. Horretarako konpromisoa eskatzen dugu.