AKTUALITATEA

ALBISTEAK

LARRABASTERRA: EH BILDUren PROPOSAMENAK

| 2022-03-24

EH Bilduk Larrabasterra biziberritzearen aldeko apustu irmoa egin du. Hasieratik, gure proposamena izan da auzokideen iritziak jaso behar zirela, prozesu partehartzaile baten bitartez. Udalak Larrabasterra hobetzeko prozesu partehartzea martxan jarriko du martxoaren 26tik apirilaren 2ra bitartean. Nahiz eta EAJ/PSEren udal gobernuak ez gaituen prozesu honi buruz informatu eta bertan agertzen diren zenbait proiektu EAJ-ak ez dituen gurekin adostu, auzokideak bere iritzia ematera animatzen ditugu. Ezin dugu galdu Larrabasterra hobetzeko aukera hau. Hemen dituzue EH Bilduren proposamenak Larrabasterrarentzat!


BADA GARAIA OSOKO BILKURAK AURREZ AURREKOAK IZATEKO!

| 2022-03-11

EH Bilduk osoko bilkurak eta informazio-batzordeak aurrez aurrekoak izatea eskatu dio formalki Sopelako Udalaren alkateari, “edozein infekzio mota prebenitzeko higiene-neurri egokiak betetzen direla kontuan hartuta”. Horrez gain, Udalbatza 18:30ean hastea eskatu du, “herritarren presentzia errazteko”.


EH Bilduk bere elkartasun osoa adierazten die Alconza Berangoko langileei

| 2022-03-11

Irizar Groupek, Alconza Berango enpresaren jabeak, enplegu-erregulazioko espedientea planteatu du eta 38 langile kaleratu ditu. Sopelako EH Bilduk bihar, martxoak 12 larunbata, 18: 00etan Berangoko Udaletxean deitu den mobilizazioa babestu du. Gure elkartasun osoa langileei eta sopeloztarrak deitzen ditugu biharko manifestazioan parte hartzera!


ABAROKO PLAN PARTZIALA UZTAILERA ATZERATU DA

| 2022-03-08

Joan den ostiralean, martxoaren 4an, Abaroko jabeen, gobernu-taldearen, udal teknikarien (idazkaria eta arkitektoa) eta oposizioko udal-taldeen arteko bilera bat egin zen. Bertan, Josu Landaluze alkateak jakinarazi zigun Abaroko Plan Partziala ez dela, gutxienez, uztailera arte osoko bilkurara aurkeztuko. Izan ere, ingurumen-izapideak egitea falta da. Bestalde, badirudi EH Bilduk aurkeztutako alegazioak Plan Partzialaren azken idazketan sar daitezkeela. Horrek erraztuko luke gure udal-taldeak Sopelaren etorkizunerako hain garrantzitsua den eta 2011-2015 legegintzalditik eskatzen ari garen proiektu honi babesa ematea.