Aurreko artikuluan, Sopelako Udalak abian jarritako AURREKONTU "PARTEHARTZAILEEZ" aritu ginen. Orain LARRABASTERRAZ arituko gara, besteak beste.
EH BILDU udal-taldeak POSITIBOTZAT jo du Sopelan 2011-2015 legegintzalditik berriro ere abian jarri izana partaidetza-prozesuak. Hala ere, gauzak EZ DIRA BEHAR BEZALA EGIN. Izan ere, Sopelako Udalean orain arte egindako partaidetza-prozesuek ez dute betetzen GARDENTASUN-PRINTZIPIOA, EH Bilduren ustez. Alde batetik, ez da lizitazio-prozesurik edo elkarlan-hitzarmenik egin partaidetza-prozesuak garatzeko (EAJ enpresa bera azpikontratatzen ari da behin eta berriz). Eta, bestalde, EAJk prozesu horiek alde bakarrez egin ditu, metodologiak eta edukiak gainontzeko udal-taldeekin kontuan hartu gabe eta prozesuen emaitzak jakinarazi gabe. Horregatik guztiagatik, EH BILDUk uste du HERRITARREN PARTE HARTZEAN gauzak hobeto egin daitezkeela. Izan ere, GOBERNU-TALDEA PROZESU HORIEK ERABILTZEN ARI DA BERE PROIEKTUAK JUSTIFIKATZEKO.