Sopela

Talka plana Sopelarako: EH Bilduren proposamenak

Maiatzaren 8an Sopelako Udaleko talde politiko desberdinak elkartu ziren Bozeramaileen Batzordean, COVID-19ren kontrako talka planaren nondik norakoak azaltzeko. Euskal Herria Bilduk hainbat proposamenak aurkeztu zituen, bai alor sozialean zein ekonomikoan.

COVID19,Talka Plana | 2020-05-10 12:17:00

 

EKARPENAK EGITEKO KONPROMISOA

Joan den apirilaren 30eko osoko bilkuran, Gizartea Biziberritzeko eta Ekonomia Suspertzeko plana adosteko erabaki zuten udal taldeek. EH Bilduk konpromisoa hartu zuen, plan horri ekarpenak egiteko. Ez da lehen aldia krisi honetan proposamenak aurkeztu dituela ezkerreko talde subiranistak

Oraingo honetan ere, udal taldeen artean adostasun handiena lortzea du helburu EH Bilduren proposamenak. Agiri politikoa da aurkeztu dena eta beraz, udal teknikarien laguntza behar izango du bere garapen praktikorako. Esate baterako, planaren ekintzetan ez dira diru-partidak jaso. Edonola ere, talka plan honen nondik norakoak 2020ko maiatzean zehar adostea
beharrezkoa litzateke.

 

EKARPENEN ASMOA

Alos sozialean zein ekonomikoan eragitea da EH Bilduren asmoa: pertsonen beharrizanei erantzuna eman, herritarrei egoera berrira egokitzea lagunduz; bestetik, enpresa txiki eta ertainen, tokiko komertzio txikien eta profesional autonomoen beharrizanei erantzuna eman. Horretarako tresna, udal aurrekontua da, baina ez hori bakarrik. Ekintza batzuek ez baitute diru ekarpenik eskatzen. Esan beharra dago, antzeko neurriak martxan jartzen ari direla, esate baterako, Bilbon, Durangon, Errenterian edo Azpetian, besteak beste.

 

GIZARTEA BIZIBERRITZEKO NEURRIAK
1. Gizarte laguntzarako aurrekontuak handitu eta betekizunak
malgutu: pobrezia energetikoa; etxebizitzen alokairua; bereziki,
eskola materialaren erosketa.
2. Egutegi fiskal malgua.
3. Udal tasen eta zergen birkalkulua. Hobarien aplikazioa aztertu.
4. Alarma-aldian eskatutako prestaziorik gabeko kontziliaziobaimenetzat
laguntzak.
5. Larrialdietarako Gizarte Laguntzen inguruko komunikazio
kanpaina abian jartzea. Aurrekontua handitzeko eta oinarriak
malgutzeko eskaria bideratu Mankomunitatera, behar izanez
gero.
6. Janari bonoak kudeatu eta elkarlana elikadura bankuarekin
(Udalak berak janaria eta bestelako oinarrizko produktuak erosiz:
“larrialdi poltsa soziala”).
7. Udalak udalerriko elkarteekin dituen diru-laguntza izendunen
ezohiko gehikuntza edo malgutasuna, egitura finkoari eusteko.
8. Etxeko langileentzako aparteko sorospenaren osagarria.
9. ERTEetako langabezi saria konpentsatzeko mekanismoa
habilitatzea.
10. Deskonfinamenduaren faseetan zehar: on-line kultur
programazioa eta kultur agenda alternatiboa (egoera berrira
moldatuta). Adinekoei eta Euskarari arreta berezia.
11. Sopela eta Larrabasterrako jaiak atzeratu iraila edo urria
aldera, herri eta merkatal eragileekin adostuta: jai batzordea,
koadrilak, merkatarien elkartea eta abar.
12. Datorren ikasturtean Sopelako hezkuntza zentro publikoen
espazio behar osagarriak asetzeko udal eraikinen erabilera
ahalbideratu (Kurtzio, Frontoiaren eraikina eta liburutegia,
Euskaltegia, Musika Eskola).
13. Hirigintza neurriak: erdigunea oinezkoentzako gune bihurtu
egun eta ordu zehatzetan.
14. Deskonfinamendu garaian bete beherreko arauak
gizatasunez eta zentzudunez interpretatzea eta neurri horiek
modu egokian komunikatzea Udaleko webgunearen bidez
(Udaltzaingoa).
15. Egoera administratibo irregularrean dauden persona
migranteei zuzendutako neurri bereziak.
16. Uda garaia heltzean balizko segurtasun neurrien
malgutasunen aurrean, kontzientziazio komunikazio kanpainak.

 

EKONOMIA SUSPERTZEKO NEURRIAK

1. Enplegu eta ekonomi sustapenaren departamentuko.
aurrekontu partiden berrikuspena (235.000 euro).
2. Tokiko jarduera ekonomikoari laguntzeko diru-laguntzak:
mikroenpresak eta norberaren konturako langileak.
3. Mikrokredituen lerroa 0 €-ko interesarekin.
4. Merkatal lonjak alokatzeko diru-laguntzak.
5. Tokiko kontsumorako bonoak edo txekeak7. Bono horien
portzentai bat arazo ekonomiko larriak dituzten herritarrei
dohaintzan eman.
6. Herri-ekonomiari laguntzeko komunikazio-kanpaina.
7. Merkataritzaren eta kalearen dinamizazio egokitua (kultur
agenda alternatiboa).
8. Lehen sektoreko eskualde-ekoizpenaren salmenta bultzatzea
tokiko merkataritzaren bidez.
9. Langabeak kontratatzeko diru-laguntzak handitu.
10. Terrazen zabalera handitu eta terraza berriak ahalbideratu,
beti ere herritaron irisgarritasuna bermatuz.
11. Etxeko erreforma gastuak finantzatzen dituzten eta, aldi
berean, herriko gremioak mobilizatzen dituzten laguntzak.

 

 

 

 

SOPELA COVID-19REN AURKA

Sopelako Udalaren osoko bilkurak, apirilaren 30eko osoko bilkuran, gizartea biziberritzeko eta ekonomia suspertzeko udal-plan bat bultzatzea erabaki zuen, Bozeramaileen Batzordea eztabaidarako, adostasunerako eta erabakirako organo gisa hartuta, krisiak eragindako Sopelako kolektibo eta sektore guztiak barnean jasota, eta epe motzerako erantzuna finkatuta (maiatzean), baina krisi hori 2020an zehar modu adostuan kudeatzen jarraitzeko asmoarekin.

Covid-19 | 2020-05-02 11:41:00

 

Apirilaren 30eko osoko bilkura

Apirileko osoko bilkura honetan, DB-TUk mozio bat aurkeztu zuen, non proposatzen baitzuen korporazioko zinegotzi guztiek apirileko dietengatik edo arduraldi esklusiboagatik kobratu beharreko ordainsarien %50 emateko konpromisoa har zezatela publikoki, Covid-19aren krisiak kaltetutako Sopelako autonomoei eta negozio txikiei zuzeneko eta presazko laguntzak emateko.

DB-TUk aurkeztutako mozio horren aurrean, EAJk, EH Bilduk, Elkarrekin Podemosek eta PSEk osoko zuzenketa aurkeztu zuten, Gizartea Biziberritzeko eta Ekonomia Suspertzeko Udal Plana finkatzeko.

 

Sopelako egoera COVID-19ak sortutako krisi honetan

Osoko zuzenketaren arabera, Covid-19ak sortutako krisi sanitarioa ondorio ekonomiko eta sozial oso larriak izaten ari da Sopelan. 

  1. Langabeziak %1 egin du gora martxoko lehen erdira arte: une horretan 735 sopeloztar zeuden langabezia-zerrendetan, hau da, gure udalerriko %10,7.
  2. Martxoan, Uribe Kostako Mankomunitatean, Sopelako bizilagunek egindako 245 DSBE eskaerari erantzun zaie (baliabiderik ez duten edo oinarrizko beharrak asetzeko nahikoak ez dituzten pertsonentzako laguntza).
  3. Saltoki askok hilabete baino gehiago daramate itxita, gastuekin eta diru-sarrerarik gabe.
  4. Bestalde, aurreikus daiteke udalerriko kultura- eta kirol-jarduera jakin batzuk ezin izango direla gauzatu (jaiak, ikuskizunak, ospakizunak, Kosta trail..).
  5. Aurreikusi da, halaber, egin asmo ziren azpiegitura eta obra batzuek atzerapena izango dutela.

 

DBTUren mozioaren alternatiba: gizartea eta ekonomia suspertzeko udal-plana

DB-TUk aurkeztutako mozioa aztertuta, zuzenketa partziala sinatu duten taldeek uste dute mozio hori mugatua dela zenbatekoari (20.000), edukiari (Sopelako kolektibo espezifiko bat bakarrik hartzen du barnean) eta adostasun-mailari (udal-talde bakar batek proposatu
du) dagokienez.

Hori dela eta, Sopelako Udalaren osoko bilkurak erabaki zuen gobernu-taldeak Gizartea Biziberritzeko eta Ekonomia Suspertzeko Udal Plana aurkeztea maiatzeko osoko bilkurarako. Plan horretan, udalerriaren biziberritze sozial eta ekonomikorako neurriak zehaztuko dira, Covid-19ren osasun-krisiaren ondorioak gainditzeko. Plan hori diseinatzeko, udal-taldeek proposatutako neurriak hartuko ditu kontuan gobernu-taldeak.

Zehazki, aurreikusi da maiatzaren lehen astean aurrekontu-aldaketa adostu bat egingo dela talde politikoen artean, eta aldaketa hori behar bezain garrantzitsua izango dela, hasiera batean, krisi ekonomikoaren bilakaeran zehar hartu beharreko ekintzak estaltzeko. Aldaketa hori alkatetzaren dekretu baten bidez egingo da, berehala eskudirua eduki ahal izateko, une honetan geldirik dauden argitaratze-epeen zain egon gabe.

Azkenik, Bozeramaileen Batzordea benetako krisi-mahai gisa eratzea erabaki zen: batez ere maiatzean eta ekainean, eta 2020an zehar ere beharrezkoa balitz, bozeramaileen batzorde horren ezohiko deialdia egingo da, ordaindu gabe, krisiaren bilakaeraren arabera har daitezkeen ekintzak eta aurrekontu-aldaketak adosteko.

 

EH Bilduren jarrera

Ez gara sartuko eztabaida antzuetan: ea DB/TUren proposamena demagogikoa den, juridikoki bideraezina den (idazkaritzaren txostenak erakusten duen bezala) eta horren funtsa bidegabea den; izan ere, autonomoentzako eta saltoki txikientzako laguntzen finantzaketaren pisua udal-ordezkarien ordainsarietan eta dietetan jartzen du.

Proposamen horrek ez du ekarpen positiborik egiten. Are gehiago, bere espiritua udal ordezkarien aurkako erasoa da, zinegotziak krisi honen urakanaren begian jartzen baititu sopeloztarren aurrean.

Beharrezkoa da jardutea eta talka-neurriak proposatzea; uste dugu mozio hori asko hobetu daitekeela osoko zuzenketak jasotzen dituen alderdietan.

  1. Ez da bidezkoa autonomoen eta denda txikien kolektiboa azpimarratzea krisi honek eragindako bakartzat. Langabeak, ERTEko langileak, mendekotasuna duten pertsonak, migratzaileak, kontraturik gabeko etxeko langileak... Arazoa modu integralean hartu behar da kontuan, eta krisi hau gehien jasango duten kolektibo eta sektore guztiak babestu behar dira (tokiko merkataritza, baina baita kultura ere). Pertsona ahulenak babestu behar ditugu.
  2. DB/TUren proposamena oso neurri txikia da, eta ez ditu konpontzen aipatzen dituen autonomoen eta denda txikien kolektiboaren arazoak ere. Erantzunak sendoagoa izan behar du. Erantzun integrala.
  3. Egungo egoerak Sopelaren ongia bilatzen duten eta jarrera alderdikoietatik aldentzen diren posizioak eskatzen ditu. Ahalik eta adostasun zabalena bilatu behar dela uste dugu.

Krisia hasi zenetik, EH Bildun konpromisoa hartu genuen ekarpenak egiteko eta adostasunak lortzen saiatzeko bizi izan dugun krisi sozial eta ekonomiko handienetako baten aurrean, kolektibo bakar bati ez ezik, gizarte osoari ere eragiten baitio, eta, batez ere, ahultasun handiena duten pertsonei. Gure estrategia izan da neurriak proposatzea eta Bozeramaileen Batzordea benetako krisi-mahai gisa eratzea, erabakiak ahalik eta adostasun handienarekin har zitezen. Gizartea Biziberritzeko eta Ekonomia Suspertzeko Udal Planari buruz aurkeztutako osoko zuzenketa bat dator erabat EH Bilduren lanildoarekin.

Orain lan egin behar da, eta, horregatik, ekarpen batzuk egin nahi dizkiogu osoko zuzenketa honen ondoren irekitako eztabaidari.

  1. EH Bildun uste dugu gobernu-taldeak udal-aurrekontuaren egungo egoerari buruzko azterketa serio bat egin behar duela. Horrela, 2020an, gure iritziz, krisiari aurre egiteko beharrezkoak diren aurrekontu-aldaketak proposatu beharko ditu. Horretarako, egikarituko ez diren partidak, osasun-krisiaren ondorioz atzeratuko diren partidak, funtsezkoak ez diren edo lehentasunezkoak ez diren partidak edo beste edozein motatako partidak kendu litezke (udal-funtzionamenduan aldaketak egiteko aukera alde batera utzi gabe, hala nola batzordeen kopurua murriztea...) eta zenbateko horiek Gizarte Biziberritzeko eta Ekonomia Suspertzeko Udal Planaren neurri osagarriak finantzatzera bideratu (adibidez, izaera sozialeko eta bultzada ekonomikoko beste partida batzuk handituz edo sortuz: lehendik dauden diru-laguntzak handituz, sektore kalteberentzako laguntza ekonomiko berriak, etab.). Argi utzi nahi dugu austeritate politiken aurka gaudela erabat: proposatzen duguna da udal aurrekontuak birbideratzea gizarte beharrei erantzuteko.
  2. Gure iritziz, 2020ko aurrekontu-akordioaren batzorde mistoa lehenbailehen bildu behar da akordio horretan ezarritako proiektu estrategikoen egoera aztertzeko eta egungo egoerara eguneratzeko.
  3. Azkenik, EH Bilduk konpromisoa hartzen du neurri zehatzak proposatzeko eta proposamenak kontrastatzeko arlo hauetan: fiskalitatea (malgutasuna, udal-tasak eta -zergak berriro kalkulatzea), kaltebera diren pertsona eta kolektiboentzako laguntzak (gizarte-laguntzetarako partidak handitzea, tokiko jarduera ekonomikoa babesteko dirulaguntzak, malgutasuna kirol- eta kultura-erakundeentzako laguntza izendunak kudeatzean), merkataritza, kultura eta kirol sektoreak dinamizatzeko jarduerak (komunikazio kanpainak tokiko kontsumoa suspertzeko bonoak, kultura-agenda egokitua...), etab.

Hurrengo asteak giltzarriak dira. Lan egiteko, ekarpenak egiteko eta adosteko garaia da. Egin izan dugu eta egiten jarraituko dugu.

Informazio gehiago:

  1. Ikus Sopelako EH Bilduk krisian orain arte egin dituen proposamenak.
  2. Ikus EAJ/PNV, EH BILDU, PSE eta ELKARREKIN PODEMOS taldeek proposatutako Gizartea Biziberritzeko eta Ekonomia Suspertzeko Udal Plana finkatzeko oso zuzenketa.

 

ALBISTEAK

ZER BEHAR DU ARRIETARAK?

2020-07-06 08:48:00

Sopelako EH Bilduk Arrietararen egungo egoerari buruz herritarrek duten iritzia ezagutu nahi du. Zer behar dute Arrietara inguruko herritarrek (auzokideak, surflariak...)? Horretarako, on line inkesta labur eta erraz bat zabalduko du. 5 galderez oasatutako inkesta bat... ANIMATU , ERANTZUN eta ZABALDU!

Txipa duen bosgarren edukiontzia eta birziklatze-tasa Sopelan

2020-07-03 20:58:00

Eh Bilduk birziklatze tasa handitzeko norabide alternatibo bat diseinatzen laguntzeko prest agertu nahi du, eta helburu eraldatzaile baten alde lan egin nahi du, normaltasun faltsura ez itzultzeko, 2030erako. Horretarako, maiatzeko osoko bilkuran, hiru neurri zehatz proposatu genituen: gaia informazio-batzordeetan argi eta garbi eztabaidatzea, Spora txostena berrikustea eta egokitzea (2011-2015 legegintzaldian egina), egungo proiektua osatzeko, eta Hondakinak Kudeatzeko Aholku Batzordearen funtzionamendua berreskuratzea, nahi diren birziklatze-helburuak lortzeko foro baliodun gisa.

BAREÑOKO supermerkatua, gero eta gertuago

2020-07-02 18:04:00

Ekainaren 23an jarri da indarrean Bareñoko H luzatiaren xehetasun-plana. Hortik aurrera, sustatzaileek behin betiko proiektua aurkeztea eta Udalak, zehazki alkateak edo Gobernu Batzordeak, obra-baimena ematea besterik ez da geratzen. Xehetasun-planaren trafiko azterketan oinarrituz, orain badakigu zer eraiki nahi duten bertan: 1.500 m koadroko supermerkatu bat!

LGTBI: denontzako askea eta bidezkoa den Sopela baten alde!

2020-06-29 21:06:00

Ekainaren 26ko osoko bilkuran, EAJ/PNV, EH BILDU, PSE eta Elkarrekin Podemosek mozio bat adostu zuten ekainaren 28ko eguna dela eta, LGTBI pertsonen eskubideen alde. DB/TU ez zen moziora atxiki baina baiezko bozka eman zuen. EH Bilduk ekintza zehatzak gauzatu behar direla gaineratu zuen bere interbentzioan. Horretarako, uztaileko komisioan neurri zehatzak proposatuko ditu, hitzetatik ekintzetara pasatzeko.