Sopela

Albisteak

SOPELOZTARRENTZAT LAGUNTZAK? BAI


Gaur, maiatzak 27, Bozeramaileen Batzordea bildu da, Sopelako Udalak COVID19-ari aurre egiteko gauzatu behar duen talka planaz hitz egiteko. EH Bilduk orain arte egindako urratsak baloratu eta egin beharrezkoaz minzatu da.

| 2020-05-27 13:58:00

 

LEHEN URRATSA

Positiboki baloratzen dugu Udalbatzak plan integral bat abian jarri behar dela erabaki izana apirilean, Covid19ak  sortutako erronkei aurre egin ahal izateko.

Uste dugu gobernu-taldeak orain arte diseinatutako neurriak (Kontsumorako bonuak tokiko merkataritzan) Sopela biziberritzeko/berraktibatzeko plan integral horretan lehen urrats bat direla. Bestetik, plan horretan lehendik dauden zenbait partida aipatzea (Mankomunitateko gizarte-zerbitzuak, Udalak dagoeneko dituen gizarte-laguntzak), partida horiek herritarrek efektiboki erabiltzea dakarrela (beharrezkotzat jotzen dugu Mankomunitatearen Gizarte Larrialdietarako Laguntzen inguruko komunikazio kanpaina egokia egitea). Horrez gain, beharrezkoa izanez gero, dagoeneko existitzen diren partida horiek handitzea eskatuko dugu.

 

PLANA OSATZEA ESKATZEN DUGU

Gure jarrera argia da: Sopelako Udalak premiaz osatu behar du biziberritzeko eta suspertzeko plana. Orain arte adostutako neurriak proposamen berriekin osatu behar dira halabeharrez.

Neurri berri horiek izan daitezke jarduketa berriak aurrekontu-partida berriekin, edo egungo udal-aurrekontuan dauden partidak berbideratzea.

Jadanik EH Bildu zenbait neurri proposatu ditu gobernu taldeak eta udal teknikariek azter ditzaten. Horrela, beste udalerri batzuetan egindako proposamenetan oinarritutako neurriak aurkeztu ditugu. Beste udalerri batzuek onartutako planetan inspiratu gara, hala nola Bilbo, Durangoko zein Azpeitia.

 

SOPELOZTARRENTZAT LAGUNTZAK? BAI

Udalak Covid19-ren ondorioen aurrean zuzeneko laguntzen deialdi bat egin behar duen galdetuta, gure erantzuna baietz da.

Beharrezkoa ikusten dugu zuzeneko laguntza horiek gizarte-esparruan (Mankomunitatearen gizarte-larrialdietarako laguntzak jaso ezin dituzten kasuak) nahiz ekonomikoan (dendak, autonomoak eta enpresa txiki eta ertainak) aplikatzea. Adibide bat: zuzeneko laguntza horiek Azpeitiko Udalak (besteak beste, zaintzarako eta familia kontziliaziorako laguntzak: oso gai garrantzitsua, Udalak ezin baititu udalekuak/udalekuak eskaini) eta Errenteriako Udalak (besteak beste, dendetarako laguntzak) atera ditu.

Gure iritziz, zuzeneko laguntza horiek bateragarriak izan behar dira udalaz gaindiko laguntzekin (Lanbide, Eusko Jaurlaritza...): azken horiek osatu egin beharko ditugu. Edonola ere, beharrezkoa ikusten dugu Sopelako merkataritza- eta ostalaritza-sektorearen premiazko azterlan objektibo bat egitea, haren egoera benetan ezagutzeko. Jadanik Sopelako Udala bera garatzen ari da azterketa hori: emaitzak eskura izatea erabat beharrezkoa da herriko diagnosi bat egiteko.

 

GURE JARRERA

Eh Bilduk gure jarrera berretsi du: berehala hartu behar dira neurriak. Esparru politikoan, neurri horiek premiazkoak direla azpimarratu behar dugu, eta haien diseinua eta aplikazioa eskatu. Horren harira, udal-teknikariei dagokie haien garapen teknikoari ekitea. Uste dugu badaudela horretarako adibideak eta ereduak. Hori bai, gure udalari, bere dimentsioari eta bere finantza eta giza gaitasunei egokituak.

 

DOKUMENTAZIO OSOA IRAKURRI: Sopelako EH Bilduk Udal Gobernuaren esku utzitako proposamenak.