Nafarroa

EH BILDUk pertsona guztiontzat osasungintza publikoa, doakoa eta unibertsala bermatzeko eskatzen du

| 2019-09-04 12:44:00

EH Bildu Nafarroa Talde Parlamentarioak mozioa erregistratu du Nafarroako Parlamentuak bere konpromisoa azal dezan “osasungintza publiko, doako eta unibertsalerako eskubidea bermatzeko pertsona guztiontzako, kontuan hartu gabe euren egoera administratiboa, bai eta hori burutzeko neurriak sustatzen jarraitzeko borondatea ere”.

Era berean, eta mozioak dioenez, “Nafarroako Gobernua premiatzen du beharrezko neurriak ematera osasun laguntza unibertsala modu eraginkorrean bizkortu eta bermatzera, eta egoera administratibo irregularrean edota bestelako kalteberatasun egoeran dauden pertsonei fakturak igortzeari uztera, disuasio-efektua ekiditeko”. Halaber, “Espainiako Gobernua premiatzen du osasun laguntzaren  balizko unibertsaltasuna burutzera, Estatuko Osasun Sistemarako sarbide unibertsalaren inguruan 2018/7 Errege Dekretu-legeak dituen hutsuneak zuzenduz”.

Mozioak gogora ekartzen du Nafarroako Parlamentuak onartu zuela otsailaren 25eko 2013/8 Foru Legea, zeinaren bidez Nafarroako osasun sistema publikoko doako osasun laguntzarako eskubidea aitortzen zitzaien Nafarroan bizi diren pertsonei. Aipatutako foru legeari helegitea jarri zitzaion eta bertan behera utzi zuen Auzitegi Konstituzionalak. Ondoren, PSOEren Gobernuak uztailaren 27ko 2018/7 Errege Dekretu-legea onartu zuen, Estatuko Osasun Sistemarako sarbide unibertsalaren ingurukoa, eta adierazten duena “osasunaren babeserako eta diru publikoaren konturako osasun laguntzarako eskubidearen aitortza”.

Hala ere, mozioa sinatzen duen Bakartxo Ruiz foru parlamentariak adierazi duenez, “urtebete igarota, osasun laguntzarako sarbidea bermatzeko arazoek bere horretan diraute, hainbat eragile sozial eta osasun profesionalek aditzera eman duten bezala”. Hori dela eta, Ruizen hitzetan, “premiazkoa da behingoz Nafarroan osasun laguntza unibertsala izan dadin neurri zehatzak hartzea, eta berau errazteko Errege dekretua aldatzea, gai honetan legez ahalmena duena Estatua baita “.

Ildo horretan, adierazi du “osasun laguntza nori eta nola eman behar zaion Nafarroan erabaki beharko genukeela, Estatutik askoz ere murriztaileagoak diren legeak eta erabakiak datozelako”. “Tamalez, egoera honek agerian uzten du berriz ere Nafarroan gehiengo politiko eta sozialak daukan borondatearen gainetik Estatuaren erabakiak gailentzen direla, kasu honetan egoera larrienean dauden pertsonen kalterako” adierazi du.

EH Bildu Nafarroak bi galdera erregistratu ditu ezagutzeko Nafarroako Gobernuak abian jarriko dituen neurriak Defentsa Ministerioaren Ezkaba mendiko proiektua ekiditeko

| 2019-09-03 12:55:00

EH Bildu Nafarroa Talde Parlamentarioak, Ezkaba mendiko zenbait lur-eremu ixteko Defentsa Ministerioaren ekimenari  Mendi eta Eskalada Kirolen Napar Federakundeak jarritako salaketa oinarri hartuta, hurrengo galdera erregistratu du Nafarroako Parlamentuan:

Ze akordio edota ekintza abiarazteko asmoa dauka Nafarroako Gobernuak Defentsa Ministerioak aurkeztutako proiektua buru dadin ekiditeko, zeinak zuzenean eragiten duen Udalerriaz gaindiko Eraginaren Plan Sektorialaren prebisioetan eta Ezkaba mendiko 52 hektarea pribatizatzea ekarriko lukeen?

 Federazioaren arabera, “Ministerioak mendian burutu nahi duen itxieraren ezaugarriak aztertu ondoren, nabarmentzekoa da bertako faunaren mugikortasunarekiko eragina, baina bereziki ibilgailuen zirkulazio sarea, txirrindulak eta pertsonekiko eragina. Horrela, Federazioaren idazkiak ondorioztatzen du “Defentsa Ministerioaren ekimena ez litzatekeela onartu beharko, itxieraren eragina ez delako bateragarria etorkizuneko parkean proposatutako erabilera eta ekintzekin”.

Era berean, Adolfo Araiz parlamentariak beste galdera bat erregistratu du Ezkaba Eskualde parkearen Udalerriaz gaindiko Eraginaren Plan Sektorialarekin (PSIS) lotutakoa. Araizek gogora ekarri du 2019ko apirilaren 25ean izandako saioan Nafarroako Gobernuak akordioa onartu zuela aipatutako planaren espedientearen tramitazioari hasiera ematen ziona. Horren helburua esparru naturalen babesa, kontserbazioa, katalogazioa eta hobekuntzarako beharrezko neurriak ezartzea zen. Hala ere, Adolfo Araiz parlamentariak adierazi duen bezala, “egun oraindik ez dugu eskualde parke horren sorreraren expedientearen tramitazioaren berri, ezta Nafarroako Gobernuak noiz aurreikusten duen horren behin betiko onarpena egitea ere”.

Horrenbestez, EH Bildu Nafarroak hurrengo galderak erregistratu ditu Nafarroako Gobernuari zuzenduta:

Noizko aurreikusita dauka Gobernuak Ezkaba Eskualde parkearen Udalerriaz gaindiko Eraginaren Plan Sektorialaren (PSIS) behin betiko onarpena?

Zer tramite administrativo ez dela bete deritzo Gobernuak behin betiko onarpena atzeratzeko?

Zerikusirik al du behin betiko onarpenaren atzeratzearekin Defentsa Ministerioak Berriobeitiko udalean aurkeztutako proiektuak, zeinaren bidez Ezkaba mendiko lur-eremu baten itxiera proposatzen den bertako tiro eremuaren segurtasun zonaldea handitzeko?

EH Bilduk Nafarroako Gobernua premiatzen du hezkuntza ituna betetzera

| 2019-07-19 11:00:00

Kalitatezko irakaskuntza publikoaren hobekuntzarako hezkuntza itun sindikalaren arabera, 2018-19 ikasturtetik aurrera (hori barne) automatikoki luzatuko zaie udako hilabeteetan kontratua ikasturtean zehar gutxienez bost hilabete eta erdi lan egin duten bitarteko langileei. Aitzitik, ia 800 bitarteko langile pairatzen ari dira Hezkuntza sailak ituna ez betetzearen ondorioak.

Hori dela eta, EH Bilduk Nafarroako Gobernua premiatzen du hezkuntza itunean adostutako konpromiso guztiak betetzera. Era berean, EH Bilduk berresten du lanean jarraitzeko bere konpromisoa lortutako eskubideetan atzerapausorik egon ez dadin.

EH Bildu ezinbestekoa da eskuinei atea ixteko eta aldaketaren politikei eusteko

| 2019-06-06 13:40:00

Argi dago fase berri bat irekitzen dela. 2015ean lorturiko gehiengo politikoek aukera eman zuten akordio programatikoa lortzeko eta gehiengo egonkorra izateko lau urtez, ibilbide-orri partekatua ardatz izanda. Eta orain ere, gehiengo berriak artikulatzeko elkarrizketari ekin beharko zaio, ezberdinen arteko akordioak erdiesteko eta gobernu egonkorra lortzeko helburuarekin.

Udal mailan, iragan astean hiru irizpide, hiru konpromiso aurkeztu zituen EH Bilduk datorren ekainaren 15eko udalen osaketari begira.

    1. Aldaketaren indarren arteko akordioak lehenestea aukera dagoen tokietan. Alkatetza lehen indarrak hartzen duelarik.

    2. Aldaketaren indarrek gehiengo osorik ez, baina eskuinari aurre egiteko adina dutenean, gehiengo hori artikulatzeko ahalegina egitea PSN barne hartuta.

    3. Eskuina edo alderdi sozialista aukera bakarra direnean, eskuinari atea ixtea.

Horrela, irizpide garden, koherente eta zuzenei jarraiki, helburu bikoitza dugu. Alde batetik, posible denean, eskuinari atea ixtea; eta, bestetik, Aldaketaren politikei eustea. Horretarako, inplikatutako eragile guztiekin hitz egiteko asmoa dugu.

Maiatzaren 15ean, PSNk lehenengo aukera izanen du bere ibilbide historikoa zuzentzeko, eta “EH Bilduri udalak kentzeko obsesioa” alde batera uzteko eta eskuinari ez oparitzeko.

 

Nafarroako Gobernuari dagokionez, helburuak berberak dira, Aldaketaren esparruko edukiei eustea eta eskuinari atea ixtea, alegia. Horretarako, hiru gako ikusten ditugu:

     1. Ez gara hutsetik abiatzen. Egoera ezberdina da, baina 4 urteek bideorri bat utzi dute, norabide bat ezarrita utzi dute erdietsitako akordio batzuekin eta adostutako edukiekin aurrera egiten jarraitzeko.

Bide horretan jarraitzeko konpromisoa hartzen du EH Bilduk, gainontzeko indarrek ere izatea espero duguna. 19 parlamentari du Aldaketak, 26tik  urrun, baina barne norabide horretan bultzatzeko nahiko indar duen blokea da.

     2. Hitz egin behar da. Eta EH Bilduk diposizio osoa dauka hitz egiteko. Ez da onargarria bazterkerian oinarritutako interlokuzio markoa proposatzea. Ez da ulergarria inork sinestarazi nahi izatea eskuinaren alternatiba izanen den gehiengoa osa daitekeenik, EH Bildurekin kontatu gabe. Ez da posible eskuinari aurre egitea 50.000 nafarrek bozkatutako eta 7 parlamentari dituen indar politikoarekin hitz egin gabe.

Hitz egin behar da, egoera askotan hitz egin dugun bezala, eta legegintzaldian zehar ere hitz egin dugun bezala, akordioak lortu ala ez. Kalean normala dena, instituzioetan ere egin behar da.

PSNk errealitatea ukatzen jarraitzen badu, oso ibilbide laburreko politika-fikzioan arituko da. PSNri eskatzen diogu jendeartearekiko zintzoa izateko, argi azal diezaiola benetan eskuinarekiko gehiengo alternatiboak bilatu nahi dituen eta ez soilik inbestidura batetarako, baizik eta gobernatzeko, behar den egonkortasuna lortzeko. Hala bada, nahi eta nahi ez eseri beharko du EH Bildurekin.

Ala, aitzitik, antzerkia egiten jarraituko duen, aitzakiak jartzen Madrilgo interesen eta erabakien mende jarriz eta eskuinari gobernua oparitzeko, beti egin duen bezala.

     3. Erabakiak hemen hartu behar dira, Nafarroan, ez Ferrazen, ez Madrilen, ezta Madrilgo interesei begira ere. Kulebroia ikusten ari gara Ferraz eta PSNren artean eta jendartea nazkatuta dago. Horrela, dei egiten diogu PSNri uko egin diezaion kromo trukeari eta erabakiak hemen har ditzan, bazterketarik gabe.

Bakartxo Ruiz: "Igandean hautetsontzietara joateko dei egiten dugu, EH Bilduk indar nahikoa izan dezan heldu den legegintzaldian Aldaketaren beste indarrekin batera gobernatu ahal izateko"

| 2019-05-24 17:24:00

ALBISTEAK

EH Bilduk Irunberriko ondarea defendatzeko eskatu du

2020-10-12 10:33:00

· Irunberriko bi ermita eta eliza 2000an eta 2003an immatrikulatuak izan ziren. Udalak, immatrikulazioak lehengoratzen saiatzetik urrun, 48.808,32 euroko inbertsioa egin du elizako atrioa zaharberritzeko, EH Bilduk obra ez egiteko egindako eskaerak ukatuz. · EH Bilduk mozio bat aurkeztu du gune horien udal titulartasuna berreskuratzeko izapideak hasteko, baina Agrupación Independiente de Lumbier taldearen ezezko botoek atzera bota dute.