Legebiltzarra

Alokairuen prezioa mugatzeari ezezkoa emanda, Lakuak ontzat jo du espekulazioa etxebizitza merkatuan

Espekulatzaileei mugak jarri beharrean, Jaurlaritza alokairuen prezioa mugatzeko EH Bilduren lege proposamena tramitatzearen aurka agertu da gaur. Euskal Zuzenbide Zibilaren garapenaren bidez etxebizitzen alokairuaren gaia arautzeari uko egin dio.

| 2019-12-26 16:00:00

Etxebizitzen alokairuen prezioak azken urteotan izandako igoera etengabeak kezkatuta, EH Bilduk prezioak mugatzeko lege proposamena aurkeztu zuen duela hilabete bat. Zehazki, egoera bereziki larria den zonaldeetan gehienezko prezio bat ezartzea proposatu du eta prezio horien gainetiko kontratu berriak ez lirateke legalak izango. Bada, gehiegizko prezioei muga jartzea xede duen lege proposamen hori Legebiltzarrean tramitatzearen aurka agertu da Jaurlaritza.
Urkulluren Gobernuak arlo horretan duen ardura beregain hartzeari uko egin dio EH Bilduren lege proposamenari emandako erantzunarekin. Gainera, gaur goizean bertan Etxebizitza Sailburuordeak aitortu du Alokairurako Etxebizitza Parke Publikoa (22.000 etxebizitza) oso motz geratzen dela Etxebiden jasotako eskariak (55.000) asetzeko. Hau da, Jaurlaritza ez da alokairuaren arazoa arlo publikotik konpontzeko gai eta, gainera, arlo pribatuan prezioak mugatuz esku hartzeari uko egiten dio. Finean, ontzat ematen du etxebizitza merkatuak espekulaziorako esparrua izaten jarraitzea, horrek dakartzan ondorio guztiekin: kaleratzeak, zaurgarritasun egoerak, segregazio arazoak, gazteen emantzipazioa ia ezinezkoa izatea…
Jaurlaritzak bere posizioa justifikatzeko erabiltzen dituen argudioak hutsalak dira: batetik, hutsik dauden etxebizitzak merkaturatzeko egiten duen apustua bateragarria da guztiz alokairuen prezioak mugatzearekin; bestetik, hemen arazoa ez dela Bartzelonan eta Madrilen bezain larria argudiatzea errealitatea bera ukatzea da, hemengo zonalde batzuk Estatuko garestienen artean daudelako, eta neurriak jada hartu behar dira, beranduegi izan aurretik.
Halaber, EH Bilduren lege proposamenari ezezkoa emanda, Lakuako Gobernuak ezezkoa ematen dio, baita ere, Euskal Zuzenbide Zibila garatzeari eta horrek zabalik uzten dituen aukerak baliatzeari. Auzitegi Konstituzionalak berak ere berezko izaera duen kode zibila garatzeko aukerak onartu berri ditu Katalunian; ondorioz, are eta ulergaitzagoa da Jaurlaritzaren ebazpena.
 

Haurreskolak Partzuergoan doakotasuna 24.000 eurotik beherako errentetara hedatzea proposatu du EH Bilduk

EH Bilduk eskatu bezala, Haurreskolak doakoak dira egun 18.000 eurotik beherako errenta duten familientzat, baina orain beste aurrerapauso bat eman behar dugu norabide horretan, erabateko doakotasuna helburu.

| 2019-12-26 11:16:00

EH Bilduk legez besteko proposamena aurkeztu du Legebiltzarrean Haurreskolak Partzuergoan doakotasunaren bidean beste aurrerapauso bat emateko. Jaurlaritzak EH Bilduk berak behin baino gehiagotan egindako eskaria iaz onartu zuen azkenean eta, hala, haurreskolak doakoak dira 2019ko urtarrilaz geroztik 18.000 eurotik beherako errenta duten familientzat, baina orain, Rebeka Uberaren iritziz, “beste urrats bat eman behar dugu, doakotasuna 24.000 eurotik beherako errentetara hedaturik”. Zehazki, koalizioak proposatu du 2020-2021 ikasturtetik aurrera haurreskolak doakoak izatea 24.000 eurotik beherako errenta duten familientzat, “betiere ahaztu gabe azken helburua erabateko doakotasuna dela”, Uberak zehaztu duenez.
EH Bilduko legebiltzarkidearen esanetan, “hezkuntzan 0-3 urteko zikloa funtsezkoa da eta bertan doakotasuna hedatzeak kontziliazio politiketan, aukera berdintasunean eta kohesio sozialean sakontzea ekarriko du”.
 

ALBISTEAK

EAJk eta PSEk enplegu erregulazio espedienteen laguntza osagarriak hobetzeari uko egin diote

2020-10-22 13:33:00

EH Bilduk laguntzak handitzea eta pandemiak eragindako espediente guztietara hedatzea proposatu du. Martxoaz geroztik lan erregulazioan sartu diren langileen %4k bakarrik jasoko lukete Jaurlaritzaren laguntza.

EH Bilduk Ostalaritzaren Erreskate Plana aurkeztu du, berehalako neurriak hartu ezean, sektorea hondamendira doalako

2020-10-20 13:44:00

Iker Casanovak zehaztu duenez, autonomo guztiek jaso ahalko lituzkete laguntzak: 600 eta 1.200 euro artekoak jarduera eteten dutenentzat, 400 eta 800 euro artekoak %25etik gorako galerak dituztenentzat.

EH Bilduk ostalaritzaren egoera kritikoaz ohartarazi eta babes neurriak premiaz hartzeko eskatu dio Lakuari

2020-10-16 15:51:00

Iker Casanovaren iritziz, Jaurlaritzak alternatiba bat eskaini behar dio sektoreari. Pandemiak eragindako “osasun murrizketekin ostalaritzak ez du bizirauteko gaitasunik, negozio aukerak guztiz mugaturik dituelako”.

EH Bilduren bi lege proposamen eztabaidatzeari uko eginda, Lakuak elkarlanean aritzeko borondate falta agerian utzi du berriz ere

2020-10-13 15:16:00

Jaurlaritza ustelkeriaren aurkako bulegoa sortzeari eta euskara doan ikasteko eskubideari buruzko legeak tramitatzearen aurka azaldu da. EH Bilduren iritziz, “atzerapausoa nabaria, larria eta adierazgarria da, pasa den legealdiak bi proposamenak tramitera onartu zirelako”.