Iruñea

Eh Bilduk Erdigunea Atsegin Egiteko Planaren bigarren fasea martxan jartzea eskatu du Taconera kalean, Hiru Erregeetako biribilgunearen eta San Lorentzoko bidegurutzearen artean

Koalizioak Jose Mari Aierdi Etxebizitza sailburuaren agerraldia eskatu du, Na+ek Azpilagañako etxebizitza babestuen proiektuaren atzerapenei buruz egindako salaketei erantzuteko

| 2020-05-12 12:58:00

Iruñeko Udaleko EH Bilduren taldeak eskuineko hirukoari eskatu dio aurreikusita zegoen Erdigunea Atsegin Egiteko Planaren bigarren faseari ekiteko, zeinak Hiru Erregeen aurreko biribilgunea eta San Lorentzoko bidegurutzea (Taconera kalean) lotuko dituen. Eskaera hau koalizio soberanistak bihar Hirigintza Batzordean aurkeztu duen adierazpen proposamenean jasota dago.

Bigarren puntu batean, behin betiko urbanizazio proiektua idazten den bitartean Mugikortasun Batzordeak Bosquecillo kalean aurreikusitako "Hirigintza taktikoaren" proiektua berreskuratzea eskatu du EH Bilduk. Bi proposamen horiek honako bi argudiotan oinarritzen dira: batetik, Erdigunea Atsegin Egiteko Planaren lehen faseko obrak amaitzear daudela, eta, bestetik, behin behinean egindako lanak behin betiko bihurtu behar direla. "Erdigunea Atsegin egiteko Planaren lehen fase hone behin betiko egoerara igarotzeko unean gaude, eta horrek, jasangarritasuna eta hiri-espazioaren erabilera hobetzeaz gain, hobekuntza oso nabarmena dakar hiri-paisaian, hiriko eremu garrantzitsu baten itxura nabarmenki edertzen baitu", mantentzen du izendapenak. Adierazpenak obretara bisita bat egitea ere eskatzen du, osasunerako segurtasun neurriak bermatuz.

Eskuineko hirukoaren jarrera “okerra”

Bestalde, EH Bilduk Azpilagañako proiektuan (Alzania ibaia kalean) jasotzen diren tutoretzapeko etxebizitza, erretirodunen gune eta lokal komunitarioari buruzko informazio guztia eskatuko du. Eskaera hau joan den astean eztabaidatu zen adierazpenaren ondorioz egin du EH Bilduk. Izan ere,  eztabaida horretan, "Hirigintzako zinegotziak nahita ezkutatu zuen informazioa, eta modu okerrean eta engainagarrian jokatu zuen Azpilagañako proiektuaren egoerari buruz eta Udalak arlo horretan izan zuen jardunari buruz". Jarrera "bihurri" horren ondorioz, eskuineko hirukoak ez zuen bere esku zegoen informazio guztia eman, eta frogarik gabe Nafarroako Gobernuari egotzi zion proiektuaren atzerapenaren errua (Nafarroako Gobernuari 75 urterako orubea laga zion, tutoretzapeko 32 etxebizitzako eraikin bat, erretirodunen gune bat eta lokal komunitario bat 4 milioi euroren truke eraikitzeko). "Oso jokamolde larria da; izan ere, proiektu honen etorkizunari eta auzo bakoitzak behar dituen ekipamenduei buruzko desadostasuna egon arren, erabat arbuiagarria da espediente baten martxari buruzko informazio osoa eta egiazkoa emateari uko egitea", dio adierazpenak.

Hori dela eta, zalantzak argitze aldera, EH Bilduk Jose Mari Aierdi Nafarroako Gobernuko Etxebizitza kontseilariaren agerraldia eskatu du Hirigintza Batzordean. Halaber, bihar eztabaidatuko den adierazpen proposamenak proiektuaren interes sozial handia babestea eskatzen du

"Arrakala digitalaren" aurka jarduteko plan bat eskatu du EH Bilduk, Iruñeko ikastetxeetan gizarte-kalteberatasun egoeran dauden ikasleen beharrei modu integralean erantzuteko

Udal langileek, hala nahi izanez gero, telelanaren formula egungo osasun krisialditik haratago zabaltzearen alde gin du koalizioak

| 2020-05-08 16:54:00

Eh Bilduk, bere Udal Taldearen bitartez, hoankoa eskatuko du datorren astearteko Herritarren Aferen Batzordean: Udala neurri zehatzekin inplika dadila hiriko ikastetxeetan "arrakala digitala" (ikasleek, familiaren errentaren arabera, teknologia berriak eskuratzeko duten aukera ezberdintasuna) gainditzeko. Horren harira, koalizio soberanistak adierazpen proposamen bat aurkeztu du, eta, bertan, gobernu-taldeari eskatu dio "estrategia koordinatu bat abiaraz dezala, ikastetxeek familiei materiala banatzeko dituzten oztopoak lehenbailehen konpontzeko eta gizarte-kalteberatasun egoeran dauden ikasleek Hezkuntza Sailak ezarritako baliabide teknikoak erabili dezaketela  bermatzeko".

Bigarrenik, testu honek berak eskatzen du Udalak indartu dezala Iruñeko Hornidura Zaileko Ikastetxeentzako arreta soziala, horretarako "Ikasle behartsuenei eta haien familiei arreta emateko sare bat sortuz, zeinak ikastetxe horietako ordezkariak eta irakasleak, Gizarte Langintzako profesionalak, Gizarte Hezkuntzako profesionalak eta Prebentzio Zerbitzu Komunitarioko (HLSZ) ordezkariak eta irakasleak bilduko dituen". Ekimen honen bitartez "beharra duten ikasleei eskola-laguntza emateko tresnak, bai eta gizarte-kalteberatasun egoeran dauden gurasoei hezkuntza-laguntza emateko tresnak” bermatuko dira.

Adierazpenak azaltzen duenez, COVID-19ren pandemiak aurrez aurreko hezkuntza eten du "eta agerian utzi du ikasleen zati handi batek arrakala digitala, eta hartara arrakala ekonomiko eta soziala pairatzen ditutela". "Hezkuntza-politikako ildoak garatu behar dira,  kalteberatasun egoeran dauden biztanleek duten hezkuntzarako-sarbidean, eskolatze-baldintzatan eta eskolatze-emaitzatan e eragin ahal izateko”, gaineratu du koalizio soberanistak.

Adierazpenak eskatzen du Nafarroako Gobernuarekin batera lan egitea "konpentsazio-politikak ezarriz, baina baita egiturazkoak ere, toki-erakundearen hezkuntzak eta ekintza instituzionalak gizarte-sektore behartsuenen baldintzak hobetzea ahalbidetuko dutenak": guraso eskolak, helduentzako alfabetatze-ikastaroak, gizarte-langileen presentzia hornitzen zailak diren eskoletan, familia-hezkuntzako profesionalen kopurua handitzea, eskola indartzeko eta aisialdirako jarduerak kanpoan Hainbat eragilek (EAIA, auzo-unitateak, pediatria, haur eta gazteak, eskola) eskola-ordutegiari edo sareko bilerei buruz proposatu ditu, besteak beste, EH Bilduk.

Telelana, krisiaren ondoren ere bai, borondatezkoa bada

Bestalde, EH Bilduk proposatu du udal langileriak, beren lanpostuko ezaugarriek ahalbidetzen dutenean eta hala bahi badute, "beren lana telematikoki egin ahal izatea, bai egungo larrialdi-egoerak irauten duen bitartean, bai ondoren". Halaber, konfinamendu-egoeraren hasieran sortu zen Telelanaren Plana eguneratzea eskatuko du, egungo krisia gainditu ondoren aukera horri jarraipena emateko.

"Presak eta beharrak ezarritako neurri hau eraginkorra dela frogatu da kasu gehienetan. Gainera, beste helburu batzuk ere lortzen dira, hala nola lantokietarako lekualdaketak murriztea, ingurumen-inpaktua eta in itinere istripu-arrisku posibleak gutxitzea. Telelanak familia kontziliazioa ere errazten du, betiere bateragarria eta borondatezkoa bada ", gaineratu du eh Bilduk.

Eh Bilduk Iruñea Covid-19aren krisiak ezarritako desplazamendu seguruen beharretara egokitzeko neurri sorta aurkeztuko du bihar Mugikortasun Batzarrarean

Katalogo honetako proposamenetako batzuk dira, besteak beste, hiriko ardatz nagusiak lotzen dituzten behin-behineko bizikleta-erreiak, zebrabideak zabaltzea edo semaforoetako itxaronaldiak murriztea

| 2020-05-07 13:59:00

Zebrabideak handitzea eta semaforoetako itxarote-denborak murriztea; kaleak eta espazio publikoak birdimentsionatzea oinezkoentzako edo bizikletentzako erreiak jarriz, eta auzo bakoitzean oinezkoentzako korridoreak sortzea dira, besteak beste, EH Bilduk bihar Iruñeko Udaleko Mugikortasun Batzordean defendatuko dituen proposamen "oso behin-behinekoak" eta berehala gauzatzekoak. Horrekin batera, koalizio subiranistak beste “behin-behineko” proposamen sorta bat planteatuko du. Proposamen horietako batzuk hauexek: Labriteko korridoretik Txantreako sarreraraino bizikletentzako errei bat jartzea, Pio XII Barañainekin konektatzea ospitaleen eremua zeharkatuz  (konplexu honetara doazen ibilgailuentzat bakarrik geratuko litzateke) eta Pio XII Yanguas eta Mirandarekin lotu, Armada etorbidean dagoen bidegorriaren bidez, hiriaren hegoalderantz zabalduz.

Proposamen horien guztien ezaugarri komuna da kostu ekonomiko txikia dutela eta bat-batean jarri daitezkela martxan; izan ere, jada aurreikusitako proiektuetan oinarritzen dira "baina behin betiko neurriak hartu baino lehenagoko fase batean egiten dira, azpiegiturak ahalik eta azkarren erabilgarriak izateko, bizikletari dagokionez batez ere". Neurri horiek, EH Bilduren iritziz, "oraintxe bertan jarri behar dira martxan, deseskalada aldi honetan pertsonen segurtasuna bermatzeko (osasun segurtasuna pertsonen arteko distantzia fisiko berriak direla eta, edo bideko segurtasuna, aurreikusi daitezkeen galtzadaren okupazio berriengatik)".

Baina neurri "oso behin-behineko" eta "behin-behinekoen sorta hau ez da koalizio abertzaleak Mugikortasun Batzordean defendatuko duen ekimen bakarra. Metodologiari dagokionez, EH Bilduk erabakiak "prozesu ireki eta parte-hartzaile" bidez hartzea proposatuko du. Horretarako, koalizioak Mugikortasun Batzordearen ondoren Herritarren Foroa deitzea proposatuko du, aipatutako ekimenak, hauen egutegia eta etorkizunean izan dezaketen proiekzioa azaldu eta aztertzeko.

Mugikortasun eredu jasangarri berri baterantz igarotzeko plana

Bestalde, eta epe ertainean, Udalak mugikortasun eredu jasangarri baterako trantsizio lerroak lantzen jarraitzea defendatuko du Eh Bilduk Mugikortasun Batzordean, izan ere, "osasun krisi hau egon ez balitz berdin berdin egin beharko lirateke".

Ildo horien artean, honako hauek aipatzen dira: Hiri erdigunea atsegin egiteko planaren bigarren fasea garatzea; Sanduzelaiko eta Txantreako mugikortasun-proiektuak egitea; Ziklabilitate Plana gida ofizial izendatzea; Mugikortasun Ordenantza aplikatzeko kanpaina on bat egitea (bizikletak galtzadatik ibil daitezen batetik,  eta bide-segurtasuna bermatzeko zebrabideak eraldatzen jarraitzeko bestetik); eremu urdina berreskuratzea, errotazio-baldintzak hobetzea baloratuz; udaltzaingoare polibizi taldea berreskuratzea eta Aita Moret eta Pio-ren eremu amabilizatuak berreskuratzea.

"Beste hiri batzuk aspaldi hasi dira lanean eta dagoeneko badituzte ekimen planak eta jarduera zehatzak, baina eskuineko hirukoaren gobernu hau, beste gai batzuetan bezala ( merkataritza esaterako), oso atzeratuta dabil. Izan ere, asteburu honetan milaka pertsona atera dira paseatzera eta korrika egitera, inolako segurtasun-neurririk hartu gabe edo Ziudadelarena bezalako ohiko igarobide publikoko parkeak ireki gabe ", azaldu du Koalizioak. "Nolanahi ere, mugikortasun jasangarriaren arloan proposamenak egitea da gure asmoa, gure hiriarentzat etorkizuneko apustua dela uste dugulako, are gehiago osasun-krisi honekin ikusten ari garena aintzat hartuta. Osasun-krisiak sortutako egoera hori aprobetxatzea da gakoa. Hau da, oinez eta bizikletaz mugitzea bultzatzea eta ibilgailu pribatuaren erabilera nabarmen murriztea, epe luzera mantenduko den espazio publikoa berrantolatzeko estrategia bat osatuz".

EH Bilduk eskuineko hirukoari exijitu dio Azpilagañan erretiroteka eta gune-amankomuna duten adinekoentzako 32 apartamentu egiteko hitzarmena desblokeatzea

Koalizioak, joan den astean onartutako Covid-19-aren osteko Berreraikuntzarako Mahaiaren esparruan, ostalaritzaren egoera aztertzeko txosten espezifiko bat egitea proposatu du.

| 2020-05-04 13:17:00

EH Bilduren udal taldeak, asteazkenean Hirigintza Batzordean eztabaidatuko den adierazpen proposamen baten bidez, Nafarroako Gobernuarekin sinatutako hitzarmena desblokeatzeko eskatu dio eskuineko hirukoari, Azpilagañan 65 urtetik gorakoentzako babespeko apartamentuen eraikin bat eraikitzeko, erretiroteka eta auzorako espazio komunitarioa (500 m2), bi administrazioek aurreko legegintzaldian adostu bezala. "Eskuineko hirukoak Aldaketaren Gobernuak egindako guztia lehengoratzeko duen obsesioak ez du justifikatzen Azpilagañako adinekoei eta apartamentu babestuak behar dituzten pertsonei dagoeneko eraikitzen ari diren azpiegitura batetik alde egitea", gaineratu du koalizioak.

Aurreko legealdian Joseba Asironen gobernu taldearen eta Foru Gobernuaren artean lortutako akordioaren arabera, Udalak Nafarroako Gobernuari orube bat lagako zion Alzania Ibaiaren 18. zenbakian 75 urterako, eta haren jabetzari eutsiko zion. Horren truke, Exekutiboak konpromisoa hartu zuen bertan 32 tutoretzapeko apartamentu, jubiloteka bat eta espazio komunitario bat izango zituen eraikin bat eraikitzeko. Aurreikusitako inbertsioa 4 milioi eurokoa da, eta ez du kosturik izango udal-kutxentzat. "Ezin dugu ulertu, eskuineko hirukoaren obsesio eta paralisiagatik izan ezik, hitzarmen hau sinatzean atzerapenak egon direla, eta, edozein tokitatik begiratuta ere, Iruñeko herritarren interesentzat oso onuragarria dela", argudiatu du EH Bilduk.

"Gainera, energetikoki pasiboa den eraikina da, egurrezko egitura eta eraikuntza metodo berritzailea duena. 65 urtetik gorako pertsonei zuzenduta dago, euren inguru hurbilean egon daitezen eta modu osasungarrian egin dezaten", azaldu dute adierazpenaren testuan. Zuzkidura hori "zahartze aktiboaren eta errotzearen formula abangoardista" gisa defendatzen du. Halaber, gogorarazi du hitzarmenak aurreikusten duela Udalak Nasuvinsako teknikariekin batera lan egingo duela 32 etxebizitza horiek esleitzeko. "Gizarte Ekintza arloak gizarte-irizpidea emango du apartamentuen funtzionamenduari dagokionez, eta etxebizitzak esleitzeko irizpideen gaian aholkatuko du", gogorarazten du testuak, eta eransten du "Azpilagaña hiriko hirugarren auzo zahartuena" dela, eta, beraz, mota horretako azpiegitura berritzaileen premia berezia duen eremua dela.

Terrazak hobetzeko neurriak

Bestalde, EH Bilduk batzorde honetan eztabaidatzeko bigarren proposamen bat egin du, eta, bertan, Udalak ponentzia bat deitzeko eskatu du, "Berreraikuntzarako mahaiaren esparruan eta udal taldeen eta gizarte ordezkarien parte-hartzearekin, Iruñeko ostalaritzaren egoera aztertzeko eta ezohiko osasun baldintzak dauden bitartean hartu beharreko behin-behineko neurriak aztertzeko".

Koalizio soberanistak bere adierazpen-proposamenean bereziki azpimarratzen du terrazen azaleren erregulazioari heldu behar zaiola; izan ere, eskumen hori Hirigintza, Merkataritza edo Herritarren Segurtasuna bezalako arloen artean banatutako eskumena da. "Zehazki, terrazez hitz egitean, espazio publikoaz ere hitz egiten dugu, eta, ziur asko, denbora horretan behin-behineko berrantolaketaz", esan du EH Bilduk; izan ere, "Espazio publikoaren antolamenduan hobekuntza-neurri batzuk sartzeko aukera ematen duen leiho bat ireki daiteke, eta, gainera, zalantza ugari sortzen dira errealitate horri hainbat eta hainbat kasuistikari aurre egitean".

 

EH Bilduk kalez kaleko salmenta berpizteko plan bat eskatu du eta, arriskuak murrizteko, Landabengo azoka hiru lekutan sakabanatzea proposatu du: Landaben, Runa parkea eta Lezkairu

Koalizioak "ahalik eta lasterren" eskatu du deseskaladaren faseetara egokitutako programazio kulturalaren egutegi bat, sektoreari laguntzeko eta zuzeneko kultura herritarrei hurbiltzeko

| 2020-04-30 14:21:00

EH Bilduren Udal Taldeak adierazpen proposamen bat aurkeztuko du asteartean Iruñeko Udaleko Presidentetza Batzordean eztabaidatzeko, Gobernu Estrategikoaren eta Herritarren Segurtasunaren alorrei premiaz egin dezaten eta Iruñean kaleko salmenta berraktibatzeko plan bat aurkez dezaten eskatzeko. Plan horrek proposamen bat beharko luke, honako hauek jasoko dituena: kokapena, postu-motak eta -kopurua; langileen antolaketa; perimetroaren, sarbideen eta irteeren seinaleztapena; salmenta-postuak artatzen dituzten pertsonentzako segurtasun-neurriak; azokaren barne-funtzionamendua; edukiera; salmenta-postuen datak, ordutegia eta tamaina.

"Herri eta hirietako azoka txikiek ere funtzio soziala betetzen dute, bai ekoizleentzat, bai erabiltzaile edo saltzaileentzat. Merkatu ibiltariak merkataritzarako bide garrantzitsuak dira nekazarientzat, eta gehienak tokiko ekoizleak eta hurbilekoak dira", argudiatu du EH Bilduren testuak, Zizur, Altsasu, Aoiz eta Atarrabia bezalako herriek azoka txikiak ireki dituztela gogorarazi ostean. Koalizio soberanistak, Landabengo azoka txikiari dagokionez, hiriko hiru lekutan banatzea proposatu du, jende-pilaketen aurrean arriskuak murrizteko. EH Bilduk, txosten tekniko baten zain, Landabengo bera proposatu du hiriaren mendebaldean, Lezkairu hego-ekialdean eta Runako parkea, Rotxapean, iparraldean.

Koalizioak, lan-proposamen gisa, proposatu du lanpostuak, beste udalerri batzuetan bezala, elikadurara eta salmenta baimenduta duten funtsezko gaietara mugatzea, eta hori instalatu nahi dutenak ez etortzea urrutiko eremuetatik, "Kutsaduragatik une honetan komeni ez diren eta mugikortasun-araudietan oraindik jasota ez dauden joan-etorriak saihesteko". Azkenik, "beste familia batzuk edo nekazaritzako enpresa txiki batzuk merkatu horietan sartu ahal izateko" epea irekitzea ere proposatu du eh Bilduk.

Bete nahi diren helburuak, "betiere osasun-protokoloak zorrotz kontuan hartuta", honako hauek dira: "ekoizle txikia hurbiltasunetik babestea; ekonomia bidezkoagoa eta hurbilagokoa sustatzen jarraitzea; gure ingurumena zaintzea; erosketetan osasun-bermeak eskaintzea; eta salmenta-espazioen kudeaketa publikoa mantentzea".

Kultura-programazioaren egutegia

Bestalde, eta eztabaidarako, kasu honetan Herritar Gaien arloan, EH Bilduk adierazpen bat aurkeztu du eskuineko hirukoari eskatuz "ahalik eta lasterren" eraman dezala kultur arloko krisi-mahai sektorialera "programazio-egutegiaren proposamen bat, fase bakoitzean kultura eta arte sarea kontuan hartuta, eta horrekin batera, deseskalada aldi bakoitzera egokitutako osasun-protokoloak egitea".

"EH Bilduk, eztabaida irekitzean aldagai eta ideia berriak gehitzeari kalterik egin gabe, uste dugu aire zabaleko dinamikak, formatu dinamikoetan edo mugimenduan, eta tokiko kultur sarearen proposamenak kontuan hartuta, abian jar daitezkeen aukerak direla, eta, aldi berean, espazio kultural itxiak (antzokiak, erakusketa-aretoak eta bestelako azpiegitura kulturalak) irekitzeko modua azter daitekeela". Koalizio subiranistaren esanetan, Iruñeko Udalak, gai honetan, helburu bikoitza bilatu behar du: "Hiriko kultur sektoreari laguntzea, ikusgai egin eta balioa eman diezaion, eta zuzeneko kultura herritarrengana hurbiltzea".