Iruñea

Eh Bilduk "lardaskeriekin" ez jarraitzeko eskatu dio eskuineko hirukoari, eta Labriteko Pasabide berri bat eskatu du, herritarrentzako segurtasun berme guztiak bilduko dituena

| 2020-05-20 16:01:00

"Onartuko al genuke zapata zahar batzuk konpontzea kostatu zitzaigunaren% 60eko kostuarekin, zapata berri batzuk erosteko eskubidea dugunean, udal teknikariek adierazi zuten bezala?"

Egitura berri batek 800.000 euroko kostua izango luke eta proiektugileek beraiek ordaindu beharko lukete. Aldiz, egungoan adabaki bate egiteak 500.000 euroko kostua du, eta egiturazko akatsak ditu, hiru txostenek konfirmatu bezala

 

"Arduragabekeria litzateke eskuineko hirukoaren partetik Labriteko egungo pasabideari adabaki bat egitea onartzea, Iruñeko herritarrek eskubidea baitute pasabide berri bat izateko". Hori da EH Bilduk Labriteko pasabidea ebaluatzen duen Nafarroako Ingeniarien Elkargoaren txostenari buruz egin duen balorazio orokorra. Koalizioak nabarmendu duenez, "Bat egiten du aurreko azterketen ondorioekin, hau da, egiturak  oinarrizko arazo larriak ditu, eta horrek zimenduei, eraikuntzari eta gauzatzeari eragiten die, eta bere portaeran islatzen da".

EH Bilduk hiru arlori erreparatu die: lehenik eta behin, herritarren segurtasunari; "ez da bidezkoa iruindarrak gabezia larriak dituen egitura bat erabiltzera behartzea, akatsdun egitura hori erosi zutenen interes politikoak salbatzeko"; bigarrenik, arlo ekonomikoari; "merkantzia akastuna eman ziotenen erantzukizunak estaltzeko". "Onartuko al genuke zapata zahar batzuk konpontzea kostatu zitzaigunaren% 60eko kostuarekin, zapata berri batzuk erosteko eskubidea dugunean, udal teknikariek adierazi zuten bezala?". Hirugarrenik, koalizioak ohartarazi du legezko erantzukizunak izan ditzakeela azken txostenean iradokitako "adabakiei" onarpena ematea; izan ere, "emaitza ez litzateke izango agindutako pasabidea, baizik eta beste bat, eta Udalak besteren interesen alde egiteko eskubidea duen kalte-ordainari erabat edo partzialki uko egitea ekarriko luke, eta horrek ere lege-ondorio oso larriak izan ditzake erakunde honentzat".

Inauguratu aurretik egindako karga-proba batek agerian utziko zituen arazoak

Koalizio subiranistaren ustez Nafarroako Ingeniarien Elkargoko ordezkariek gaur Hirigintza Batzordean egin duten agerraldiak agerian utzi duen gairik larrienetako bat hauxe da: "Pasabidea, bere garaian (2010eko abenduan), zegokion karga-proba egin gabe martxan jarri zela onartu dute, eta froga horrek, aitortu dutenez, garaiz agerian utziko zituen egitura horrek dituen egiturazko arazoak, eta erremedioa jartzea ahalbidetuko zuen.

Afera honetan EH Bilduk honako galdera egiten du: nola izan zen posible pasabidea proba hori egin gabe zabaltzea? Koalizioaren ustez "UPNko orduko alkate eta Gobernuko presidentegaiaren interes elektoralek bultzatu zuten pasabidea hauteskunde aurretik zabaltzea". Horren harira, koalizio abertzaleak gogorarazi du erabaki horrek egungo alkatearen bermea izan zuela, orduan Yolanda Barcinaren oinordekoa izateaz gain, Iruñeko Udaleko Hirigintza zuzendaria baitzen.

"Argi dago Iruñeari eman zitzaion pasabideak ez zuela araudia betetzen, ez exekuzioari dagokionez, ezta diseinuari dagokionez ere, eta interes partidistek bultzatuta, gerora agertu diren arazoak garaiz detektatzea ahalbidetuko zuten probak egitea saihestu zela", laburbildu du koalizioak. "Hori guztia, eskuineko hirukoak ezkutatu nahi badu ere, bere garaian argitu beharreko erantzukizunak dira", gaineratu du.

500.000 eurotik gorako kostua izango lukeen "adabakia"

"Zapata zahar eta akastun horiek" konpontzeko kostuei dagokienez, EH Bilduk bi eskaera egin dizkie eskuineko hirukoari: "Argi hitz egin dezala, lehenik eta behin, pasabidea konpontzeko zenbatekoari buruz. Kostu hori, ziur aski, milioi erdi eurotik gorakoa izango litzateke, karga-proba eta BEZa barne. Bigarrenik, gaur aurkeztu den txostenean zehazten ez den gastu hori nork hartuko lukeen bere gain". Horren harira, koalizio abertzaleak gogorarazi du aurreko legegintzaldian itxitako erantzukizunak argitzeko espedienteak ondorioztatzen zuela pasabideko proiektugileek 800.000 euro baino gehiagoko kalte-ordaina eman behar ziotela Udalari. "Duela 10 hilabete ordaindu behar zen partida hori, baina ez da betearazpen-bidetik eskatu. Diru kopuru hori nahikoa izango litzateke egitura berri bat segurtasun-berme guztiekin altxatzeko".

Nolanahi ere, EH Bilduk bi gai azpimarratu ditu: "Alde batetik, ezinbestekoa da , 2010ean UPNk beharrezko ikusi ez zuen karga proba egitea. Bestetik, eskuinak lau haizeetara iragarri zituen irtenbide estranbotikoen azterketak, 50.000 euro balio zuten zutabeak kasu, barregarri geratu dira".

"Azken urte eta erdian erantzukizunak saihestu eta aurpegia garbitzeko eskuinaren halabeharrezko operazio baten lekuko izan gara, herritar guztioi inposatu ziguten pasabide akastun eta arriskutsu batekin. Horri buruz egiten den hirugarren txostenak berretsi egiten ditu zimenduetatik abiatzen diren egiturazko akats horiek, eta, beraz, berretsi egiten du Navarra Sumak bere garaian gaizki egin zuen guztia. Orain, erakunde gisa, herritarren interesak defendatuko dituen erabaki zuzen bat hartzeko erantzukizuna dugu, eta ez alderdi politiko edo arkitekto-enpresa jakin batenak. Hartara, zapata zahar batzuk konpontzea kostatu zitzaigunaren % 60eko kostuarekin, edo zapata berri batzuk izateko hautua egin behar dugu", esan du EH Bilduk.

EH Bilduk tokiko merkataritza defendatzea eskatu du, azalera handiko lursailak eta altuerako merkataritzarako lursailak mugatuz

| 2020-05-19 11:49:00

Sanduzelai, Txantrea, Milagrosa eta Errotxapeako kale estuak oinezkoentzat egitea eskatu du koalizioak

EH Bilduk adierazpen proposamen bat aurkeztuko du bihar Iruñeko Udaleko Hirigintza Batzordean, tokiko merkataritza babesteko benetako sistema bat eskatuz. Horretarako, Udal Hirigintza Planaren (UHP) aldaketa baten bidez, merkatal guneak altueran ezartzeko debekua eta Iruñean azalera handiak ezartzeko lursailak mugatzea eskatuko du.

Adierazpenaren arabera, era honetako ekimenak beharrezkoak dira "hiriarentzat estrategikoa den eta ekonomiaren funtsezko zati den tokiko merkataritzaren desagerpenari aurre egiteko". Koalizio soberanistak gogorarazi duenez, egungo araudian jasotzen da "azalera handiak edo ertainak ezartzeko aukera, altuerako merkataritza onartzen duten lursailen bidez", baina “hiriko merkatariek praktika hori gaitzesten dute aho batez".

EH Bilduk Hirigintza Gerentziari eskatu dio ahalik eta lasterren presta ditzala merkataritza-azalerak ezartzeko egokiak diren lurzatiei buruzko txostenak eta UHPa aldatzeko proposamena, altueran merkataritza guneak ezartzea eragozteko. Gainera, dokumentu horiek merkataritza-mahaian aurkeztea eskatu du.

Bestalde, koalizio abertzaleak Hirigintza Batzordeari bigarren adierazpen bat aurkeztu dio, honakoa eskatuz: berehala aplikatu dezala behin-behineko neurri gisa, "Espaloiak oinezkoen segurtasun distantzia mantentzea oztopatzen duten kale estuak oinezkoentzat jartzea, egungo alarma-egoerak eskatzen duen urruntasuna eta deseskalada mantendu ahal izateko". San Jorge-Sanduzelai, Txantrea, Milagrosa eta Errotxapea auzoetatik hastea planteatzen da. "Segurtasuna bermatu behar zaie kale eta auzo horietan bizi diren pertsonei. Espazio publiko gehiago eskaini behar da galtzadak horretarako egokituz eta oinezkoentzako edo bizikletentzako erreiak jarri behar dira ", gaineratu du EH Bilduk.

Eh Bilduk aparkaleku kontrolatuetako sisteman aldaketak egitea proposatu du, hiri-mugikortasun politika berriak indartzeko

| 2020-05-18 13:32:00

Lan Arriskuen Prebentziorako Zerbitzua indartzea ere eskatu du koalizioak, osasun krisiaren ondorioz lan karga handitu delako

 

EH Bilduk honako proposamena aurkeztuko du biharko Prersidentzia Batzordean: Mugikortasun Batzordean hiriko aparkalekuen egoerari buruzko azterketa sakon bat egitea, eremu urdinaren sistema barne, hiriko mugikortasun politika berrietan sakontzea ahalbidetuko duten formula berriak bilatu ahal izateko. "Aldaketa horiek hiri-mugikortasuna  errotik aldatu behar dutela uste dugu, eta hain kutsagarria ez den eredu jasangarri, eskuragarri, atsegin eta  seguruago bat ezarri behar dela", dio koalizioak.

"Gaixotasunen kutsatzea sahiesteko distantziak ezarri beharrak oinezkoentzako eta bizikletentzako espazio eta korridore berriak prestatzea ekarri du, baita  espazio horiei lehentasuna ematea beste garraiobide batzuen aurretik", argudiatu du EH Bilduk, eta "hiriko erdigunean pertsonei lekua irabazteko" estrategian sakontzearen alde agertu da. Horretarako, "orain arte ibilgailuak okupatutako edo zeharkatutako espazio publikoak berriz diseinatzea" proposatu du" zonalde urdinak araututakoak barne.

Bestalde, koalizioak honakoa ere planteatuko du Presidenzia batzordean : Giza Baliabideen Arloari eskatzea bete gabe dauden Lan Arriskuen Prebentziorako Zerbitzuko plaza guztiak berehala bete ditzala, eta txosten bat aurkez dezala, aurreikusten diren langile-beharrak zehaztuz. Izan ere, zerbitzu hau langile gutxi zituen jada osasun-krisi hau hasi aurretik eta bere zereginak nabarmen ugaritu dira Covid 19aren ondorioz. "Orain ezinbestekoa da behar bezala dimentsionatutako Prebentzio Zerbitzu bat edukitzea , dio EH Bilduk.

Azkenik, Herritaren Aferetako Batzordean honako bi adierazpenak aurkeztuko ditu koalizioak: Pi eta Fernandino arte bildumaren lagapen-kontratua berritzeko bata, eta Toki Administrazioaren barruan zaintza-lanak duintzearen alde lan egiteko bestea.

Etxebizitza soziala, tokiko merkataritzarako bonuak, kulturarako laguntzak, zerbitzu publikoak indartzea eta 1.5 milioi euro gehiago bideratzea, EH Bilduren proposamenak Na+en Covid-19 Plana zuzendu eta Gizarte Berreraikuntzarako Plana bihurtzeko

| 2020-05-15 20:33:00

Na+en "aldebakarreko" proposamenari dagokionez, koalizioak kalteberagarritasun egoeran dauden familientzako alokairu laguntzak indartzea eta gizarte zerbitzuetan langileen kontratazioa bultzatzea proposatu du, batez ere adinekoen arloan

 

"Inor atzean gera ez dadila bermatzea" da EH Bilduk duen helburu nagusia Covid 19aren pandemiak sortutako krisi ekonomikoari aurre egiteko Udalak hartuko dituen neurriei buruzko eztabaidan. Helburu nagusi hori lortzeko, koalizio abertzaleak proposamen bat aurkeztuko du datorren astelehenean ospatuko den alderdien arteko bileran. Proposamen horrek nabarmen aldatuko du, bai ekonomikoki, bai kontzeptualki, Navarra Sumak iragarritako proposamena. Koalizio abertzaleak Iruñaren Berreraikuntza Sozial eta Ekonomikorako I. Plana deitu du proposamen hau. Ikuspuntu kuantitatibotik, eskuineko hirukoak proposatutako partida (5,1 milioi) 6,6 milioira arte handitzea defendatuko du EH Bilduk, 1,5 milioi horiek Arrosadiako lursail bat Nafar Gobernuari saltzetik aterako lirateke, Alokairu Sozialerako Etxebizitza Planerako erabil dezan. Ikuspuntu kualitatibotik, EH Bilduk Na+ek argitaratutakoa zuzenduko du lau ildo nagusitan: etxebizitza soziala, horretarako 1.000.000 euro aurreikusten direlarik; tokiko merkataritzari laguntzeko bonuak (750.000 euroraino); kultura sustatzeko eta laguntzeko sistema (250.000 euro) eta zerbitzu publikoak indartzea (100.000 euro).

Eh Bilduren proposamenak sei zutabe ditu: gizarte-zerbitzuak, etxebizitza soziala, enplegua eta tokiko merkataritza, kultura, mugikortasuna eta lan arriskuen prebentzioa. Eskuineko hirukoaren proposamenean baino bi gehiago arlo gehiago daude  (kultura eta etxebizitza gehitu dira), eta 1,5 milioi euroko inbertsioa suposatzen dute. Gizarte zerbitzuei dagokienez, koalizio soberanistak 100.000 euro gehituko dizkio Mayaren taldeak aurreikusitako partidari. Diru hori adinekoen autonomia, laguntzen tramitazioa eta EAIA/haurtzaroa programetarako langileak kontratatzeko erabiliko litzateke. Era berean, proposatzen da ekonomikoki ahulenak direnei lehentasuna ematea kirol-erakundeentzako laguntzen atalean.

Etxebizitza sozialaren atalean (1.000.000 euro), 85.000 euro bideratzea proposatu dute, gizarte-bazterketa egoeran dauden familiei alokairuak ordaintzeko, gizarte-zerbitzuen programa zabaltzeko, eta 15.000 euro alokairuko etxebizitzen egoerari buruzko azterlan bat egiteko. Azken partida hori aukerazkoa da, eta beste partidak handitzea beharrezko balitz desagertu egingo litzateke. Esleipen horiek etxebizitzak birgaitzeko 800.000 eurorekin osatuko lirateke.

Kontsumo-bonuak eta kultur laguntzak

EH Bilduk tokiko enplegu eta merkataritza alorretan proposatzen ditu aldaketarik garrantzitsuenak; izan ere, eskuineko hirukoak 2,5 milioi euroko aurrekontua proposatu du, eta 2.6 milioi eurokoa proposatuko de EH Bilduk. Berritasun nagusia 750.000 euroko partida bat gehitzean datza, tokiko merkataritzan kontsumoa sustatzeko diruz lagundutako bonu-programa bat sortzeko. Partida horretatik, 150.000 euro tokiko nekazaritza eta abeltzaintza produktuetarako bonu-sistema propio batera bideratuko lirateke. Partida berri gisa, 150.000 euro aurreikusi dira komun autogarbigarriak bultzatzeko. Holtzak edo babes-ekipoak erosteko zuzeneko laguntzak 1,65 milioi eurokoak izango lirateke.

Beste berrikuntza nagusia kultur-sektorean diruz laguntzeko apustua da. Atal honetan, EH Bilduk 250.000 euroko partida bat prestatzea proposatu du, 100.000 euro kulturari lotutako ekonomiaren esparruan kontsumorako bonu-sistema batera bideratuz; 100.000 euro kultur-erakundeei diru-laguntzak emateko, eta 50.000 euro tokiko liburu-denda eta saltokiek bibliografia erosteko.

Azkenik, mugikortasunaren arloan, Mugikortasun Batzordean adosten ez diren neurriak ez dira finantzatuko. Proiektuei dagokienez, EH Bilduk lehentasuna eman die Nafarroako Gorteen Kalean, Labrit eta Yanguas eta Miranda korridoreetan eta Milagrosako oinezkoen ardatzean egindako lanei.

Na+en proposamena: aldebakarrekoa, zehaztasunik eta espedienterik gabe eta epe laburrari soilik zuzendua

Eskuineko hirukoaren proposamenari dagokionez, EH Bilduk kritikatu egin du aldebakartasunez aritzea eta Udalbatza osoak onartutako plan bat balitz bezala aurkeztu izana, "Gehiengoa ez duen alderdi politiko baten proposamena denean". Gainera, bere ustez, "Kezkagarriena da oso epe motzeko neurri batzuetara mugatzen dela eta epe ertaina eta luzea prestatzeaz arduratzen ez dela. Hau da, badirudi ez dugula krisi oso garrantzitsurik pairatuko datozen bizpahiru urteetan". Ikuspuntu formaletik, koalizio soberanistak uste du proposamenak funtsezko arazoak dituela, hala nola espedienterik gabe eta diru-sarrerak nondik lortu eta zertara bideratu behar diren azaldu gabe aurkeztu baita. "Oraingo honetan zehaztasun politikoa oso altua da, baina espediente mailan oso ahula. Eta ez dugu oso argi ikusten jarraitu beharreko prozedura. Hori dela eta, dagozkion Batzordeetan landu behar ez bada, Berreraikuntza Sozial eta Ekonomikorako Mahaia osatu beharko litzateke, adierazpen batean onartu zen bezala ".

Edukiari dagokionez, EH Bilduk uste du ezinbestekoa dela tokiko ekonomia dinamizatuko duten funts publikoak bideratzea (kontsumorako bonuak), baita egungo krisiaren ondorio ekonomikoengatik inork bere etxebizitza galduko ez duela bermatzea ere. Laguntza sozialak blindatzea eta zerbitzu publikoak indartzea dira Na+en proposamena osatzen duten beste bi lehentasunak. Horren harira, koalizio soberanistak eskua luzatu dio egungo gobernu taldeari, "Herritarren mesedetan diskurtso alderdikoiak alde batera utzi eta bazterketarik gabeko adostasun zabala lortzeko".

Eh Bilduk Maya eta bere hirukoaren "eraginkortasunik eza" salatu du, aurreko legegintzaldiko proiektuak abiatu dituztelako orain iaz onartutako 3,5 milioiko aurrekontuarekin

"Ezin da jendea manipulatu eta Covidaren ondorioz sortutako krisiaren aurrean inbertsio hau ekonomia dinamizatzeko plan berri baten parte dela esan, duela hilabete batzuk gauzatuta egon behar zuenean"

| 2020-05-14 13:37:00

Juaristi doktorearen korridore iraunkorra (Sanduzelai), Txantrean Poliki (orain María Auxiliadora korridore izendatua), San Pedroko etxebizitza-larrialdietarako udal-pisuak (Rotxapea), edo Emakumeen Etxearen bigarren fasea Joseba Asiron buru zuen Aldaketaren Gobernuaren Inbertsio Iraunkorren Planaren (IFS) parte ziren. Txantrea auzoko bost kale berrurbanizatzeko obrak esaterako, Nafarroako Gobernuaren finantzaketa dute, eta haren aurrekontu-esleipenak Aldaketaren Gobernuaren oniritzia jaso zuen 2019ko martxoan, duela 14 hilabete. Horiek guztiak, 2019ko GFIetan sartutako inbertsio txikiagoekin batera, 3,5 milioi euroko zenbatekoarekin iragarri dituzte orain, Covid-19 osteko krisiaren aurrean Iruñeko ekonomia sustatzeko ustezko plan gisa. "Oso adierazgarria da Enrique Mayak eta bere eskuineko hirukoak Covid-19aren pandemiak eragindako osasun-krisia erabiltzea  duela urtebete baino gehiago onartutako proiektu batzuk kudeatzeko duten eraginkortasunik eza eta paralisia ezkutzatzeko; proiektu horiek amaituta edo gauzatze-fasean egon beharko lukete gutxienez duela bost hilabetetik", salatu du EH Bilduk.

Koalizio subiranistaren ustez, "Martxoan ezarri zen alarma-egoerak eragindako epe administratiboen atzerapena aitzakia gisa erabiltzea otsailean amaituta beharko luketen proiektuen atzerapena justifikatzeko, agerian uzten du alkatearen eta eskuineko hirukoaren gardentasun-eza". "Ezin da jendea engainatu pandemia honek sortutako krisia aprobetxatuz. Ezin da iritzi publikoa manipulatu inbertsio hori Covid osteko krisi ekonomikoaren aurrean hiriko ekonomia dinamizatzeko plan baten zati bat dela iragarriz. Egungo larrialdi egoeraz baliatu dira erantzukizun politikoak zuritzeko, kudeaketa negargarria eta herritarrei azpiegitura eta inbertsio batzuk kendu dizkietela ezkutatzeko", adierazi du eh Bilduk.

Koalizio soberanistaren ustez eskuineko hirukoaren estrategia honek, inbertsio horiek Covid 19-aren krisia gainditzeko aurkeztu duten Planaren baitan sartzea alegia, "Gobernu talde honen sinesgarritasun eskasaren adierazgarri dira. Akordioetara iristea ezinbesteko den garai hauetan, Udal Gobernuaren proposamen falta eta neurriak adosteko gaitasun eza agerian geratu dira”.

Azkenik,  EH Bildu beldur da oportunismo politiko horrek "eskuineko hirukoak aldaketaren gobernutik jaso zituen "Udalean 6,6 milioiko eta Hirigintzako Gerentzian 0,6 milioiko" inbertsio finantzario iraunkorren betearazpen maila baxua” ezkutatu nahi ez ote duen. "Oso esanguratsua da informazio hori (betearazpen maila) oraindik eman ez izana", gaineratu du koalizioak.

"Denak ez du balio Udal Gobernuaren eraginkortasu eza, paralisia, aldebakartasuna eta erabaki gehienen autoritarismoa ezkutatzeko. Denak ez du balio krisiaren kudeaketan oso berandu dabiltzala estaldu ahal izateko " amaitu du EH Bilduk ".