Iruñea

"M26ko hauteskundeak iraganeko eta etorkizuneko Iruñearen arteko plebiszitua izango dira" [BIDEOA]

Joseba Asironek apirilak 28ko emaitzak aztertu ditu eta nabarmendu du datorren udal eta foru hauteskundeek izango duten garrantzia, Iruñean aldaketaren jarraikortasuna dagolako jokoan.

| 2019-05-01 21:41:00

Asiron: "EH Bildu da aldaketaren erdiko karrila" [BIDEOA]

Joseba Asiron Iruñeko alkateari elkarrizketa egin diote Euskalerria Irratian. Bere esanetan, "hasieratik konpromisoz lan egin da eta askotan tokatu zaigu eskuzabaltasunez erdibideak bilatzea aldaketaren indar ezberdinen artean"

| 2019-04-11 19:08:00

​Eskuin mediatikoak eta politikoak diotenaren aurka, Joseba Asiron alkateak Iruñeko jendartea lasai dakusa, Euskalerria Irratiari bere bulegoan eskaini dion elkarrizketan azaldu duenez: "Iruindarrek hasieratik normaltasunez eta lasaitasunez hartu dute aldaketa, UPNk eta PSNk kaosa iragarri bazuten ere. Legealdiko irakaspen nagusia hori da, gauzak beste modu zintzo eta jator batean egin daitezkeela". Asiron kontent azaldu da azken lau urteotan egindako lanarekin: "Legealdiaren balorazioa oso ona da. Zorra murriztu dugu eta gastu soziala %40 handitu. Parte hartzean, euskararen alorrean aurrerapauso handiak eman ditugu. Berdintasunean eta memorian aitzindariak gara Estatuan".

Halaber, Asironek argi dauka, aldaketak aurrera eginen badu, lau indarron adostasunarekin izanen da: "Guztiok ikasi behar dugu egindako akatsetatik, aldaketarekin segitzeko. Datozen hauteskundeetan IEren eta Aranzadiren esparru soziopolitikoa oso garrantzitsua izanen da aldaketarako". Nolanahi ere, Asironen irudikoz, maiatzeko hauteskundeetan aldaketa beste behin ere gaildenduko da: "Konbentzituta nago duela lau urte aldaketaren alde egin zuen jendeak berriro eginen duela. Erakundeetako aldaketa aldaketa soziologiko sakon baten ondorioa izan da".

Era berean, oposizioa noraezean dakusa. PSN, behin eta berriz UPNrekin lerraturik. Eta UPNk bultzaturiko koalizioa, kontraesanez josia: "Navarra Suman elkartu direnek ez dute proiektu politiko komunik. Boterea berreskuratzeko nahiak, horrek soilik batzen ditu".

 

Talderik onena dugu, hiririk onenarentzat! [BIDEOA]

| 2019-04-01 19:03:00

 

EH Bildu auzolana da, elkarlana, taldea. Zu eta gu bezalako jendea gara EH Bildu. Pertsonak dira gure marka eta pertsonek mugitzen gaituzte. Eta horregatik, jende bikaina dugu berriz ere gurekin, Iruñearen eraldaketa aurrera eramateko prest daudenak. Talde jatorra eta zintzoa, aldaketaren konpromisoa berrestera datorrena eta egunero, kalean eta erakundeetan, eraikitzen ari garen hiri eredu berri horretan irmoki sinisten dutenak. Talde anitza, talde prestatua, erreferentziazko pertsonez osatua. Jardun ezberdinetako eta auzo ezberdinetako pertsonek osatzen duten taldea, kolektibo eta mugimendu sozialetakoak, gazteak, pentsionistak... experientzia eta bizipen desberdinak izan dituztenak. Enpatia duten pertsonak eta entzuten dakitenak, izan ere aniztasunaren eta berdintasunaren balioak ditu oinarri EH Bilduren talde honek. Baina guztiaren gainetik, ilusionatuta dagoen taldea da. Etorkizuneko talde bat, etorkizuneko Iruñea eraiki nahi duena, amesten duena, sortzen duena. Menpeko Iruñea nahi dutenen aurrean Iruñea errebeldea eraikitzen ari gara eta jarraituko dugu. Gizarte ireki, justu, berde eta feminista bat bultzatuko duen hiria. Iruñea maite dugulako, ez dugu atzera pausorik emango. Guk guztiok, atzo, gaurko Iruñea eraikitzea posible zela amestu genuen, eta gaur, biharko Iruñea dugu amets! 

Asiron: "Iruindarron bultzadarekin Iruñeak aldatzen jarraituko du"

Iruñea aldatzen jarraitzeko talde berria aurkeztu dugu Zentral Antzokian.

| 2019-03-31 19:22:00

Asiron: "Datozen hauteskundeak eskuinaren eta ezker progresistaren arteko plebiszitua dira"

EH Bildu Iruñeko udalerako zerrenda aurkeztu du, "biharko Iruñea eraikitzen jarraitzeko ilusioarekin".

| 2019-03-28 19:31:00

Iruñeko Udaleko Alkatetza berresteko hautagaia den Joseba Asironek, zerrendaren aurkezpen ekitaldian baieztatu zuenez, "datozen hauteskundeak eskuinaren eta ezker progresistaren arteko plebiszitua izanen dira". Asironek "konplexutzat" definitu zuen egungo Nafarroako egoera politikoa, non "eskuin atzerakoienak zentzugabekeria batean bat egin duen, Navarra Suma deitu dutena, menpeko Nafarroa alegia", zein bere ustetan "aldaketaren aurkako fronte bat besterik ez den". 

Ekitaldian 200 pertonatik gora bildu ziren eta haien aurrean nabarmendu nahi izan zuen azken urteotan Iruñeko Udaletik egin den lana. "Gaur, lau urteko lanari esker, esan dezakegu Iruñea sozial eta solidarioagoa dela, berde eta jasangarriagoa, justuagoa, partehartzaileagoa, feministagoa eta ekonomikoki osasuntsu eta kulturalki bizirik dagoena". 

Diskurtsoari amaiera emateko, alkateak adierazi zuen hauteskundeetan "hodei beltz bat ageria da ortzimugan, Iruñeak bizi duen udaberriari mehatxuka. Hiru buruko eskuina da, ustelkeriarena, autogobernuarekin bukatu nahi duena eta frankismoa zuritu nahi duena". "Menpeko Iruñea bat nahi dutenen aurrean, Nafarroako autogobernua baztertu dutenen aurrean, Iruñea errebelde bat eraikiko dugu, injustiziari, matxismoari, ultraeskuinari eta gure izaeraren aurkako erasoei aurre egiteko".