[BIDEOA] Asiron: "Erregimena garaitzeko borroka erraldoia gauzatu dugu udaletatik, emakume eta gizon ausartekin eta zintzoekin"
| 2019-05-18 21:10:00
Asiron: "Erreferentziazko hiria sortzen ari gara sormen eta ekimen kulturalean"
Bi Civivox berri, Zabalgunean eta Arrosadian, Pablo Sarasateren museoa eta Pilotaren museoa, dira EH Bilduren proposamenak datorren legegintzaldirako kulturaren arloan
| 2019-05-17 20:55:00
Kultura alorreko proposamenak Iruñeko Udal gobernuaren lanaren ardatz eta ezaugarri izango dira datorren legegintzaldian ere EH Bilduk alkatetzan errepikatuz gero. Bi Civivox berri irekiko dira, II. Zabalgunean eta Arrosadia-Azpilagainan, Pablo Sarasateri buruzko museo-etxea eta Arrosadiarako liburutegi bat dira programan jasotzen dituzten hiru proiektu eta gaur Joseba Asiron alkate eta hautagaiak aurkeztu dituenak. “Erreferentziazko hiria sortzen ari gara sormen eta ekimen kulturalean, auzoetan azpiegiturak ahalbidetuz, sormena sustatzeko laguntzak irekiz eta Iruñea kulturaren zirkuitoetan kokatuz, bai estatu mailan eta baita nazioartean ere”, laburbildu du Joseba Asironek.
Proiektuei dagokionez, Arrosadia eta Zabalguneko azpiegiturak, Paderborn-Victor Pradera eskolan kokatuko dira eta Maristaseko eraikinean garatuko den proiektu urbanistiko berriaren barruan. Hauez gain, Salesianasen, Txantreako auzoan, beste espazio bat irekiko da, gune eszeniko zabal baten eraberritzearekin eta plan honen bigarren faseari ekingo zaio, eraikin horretako gainontzeko espazioak auzokideen erabilerarako egokituz.
Hiriartea proiektuaren Plan Zuzendaria garatzeko, urtero 300.000 euro bideratuko dira espazio honetara, Zitadela, “Iruñeak behar duen arte garaikideko espazio erreferentzial gisa sendotzeko”. Horrela nabarmendu du Joseba Asironek, eta datorren legegintzaldirako kultura neurri garrantzitsuenen artean, bi museo proiekturen promozioa aipatu du: batetik Pablo Sarasateren Museo Etxea, zeinetan jada Kondestable Jauregian jarrita dagoen kolekzioari indarra emango zaion eta gainera udal biltokietan dagoen ondare aberatsa ezarriko den. Bestetik, Nazioarteko Pilotaren Museoa, Aralar kaleko suhiltzaileen egoitza zenaren lursailean. Bertan kirol honen nazioarteko erreferentzia gune bat garatu nahi da, Labrit Frontoiaren alboan eta San Bartolomeko Gotorlekuan kokatutako Harresien Interpretaziorako Gunearekin konexioa bultzatuz.
Bukatzeko, EH Bilduren programan Agustinaseko konbentua zenaren eraberritzea aurreikusten da, Arantzadiko meandroan, ikus-entzunezko produkzio eta postprodukzio espazio bat sortzeko, Montxo Armendarizen fundazioaren funtsarekin eta zuzendari nafarraren lanekin Nafarroako ikus-entzuneko industrian erreferentziazko gunea izan daitekeena.
Hauteskunde hitzordu historikoa, “etorkizuna dugulako jokoan”
“Maiatzak 26ko hitzordua plebiszitu bat izango dela esaten dugunean, kulturaren arloari buruz ari gara baita ere, hiri honetako aniztasunarekiko ere errespetuaz eta aniztasuna indartzeaz eta ildo horrek kultur politiketan isla izan dezala, baita espazioetara sarbidean eta udalak martxan jartzen dituen sormen-laguntzetan. Behin eta berriz errepikatuko dut: une historiko baten aurrean gaude, orain lau urte baino historikoagoa dena, etorkizuna daukagulako jokoan. Inor ezin da etxean geratu, dieten arteko Iruñearen, diru xahuketaren, eta bazterkeriaren Iruñearen artean eta integrazioaren, aniztasunaren, zintzotasunaren Iruñearen artean”, adierazi du Asironek bukatzeko.
Maider Beloki: "Etorkizunaren protagonista izango diren pertsonengan inbertitzen duen Iruñea nahi dugu"
Lezkairun hezkuntza zentro integral bat eraikitzea, haur eskoletan errenta baxuenen doakotasuna bermatzea eta urteko 600.000€ inbertituz eskola publikoen hobekuntza lanei jarraipena ematea dira EH Bilduren proposamenak
| 2019-05-16 14:11:00
Iruñeko haur eskola sarearen egokitze eta hobetze plana betetzeko konpromisoari eutsiko dio EH Bilduk, eskolak egungo araudiari egokitzeko, Lezkairu auzoan eraikiko den 0-3 hezkuntza zentro integral batekin; egun osoko zerbitzua, egun erdikoa eta familia espazioak eskainiko dituen haur eskola. Horiek dira EH Bildu hezkuntza arloan aurkeztu dituen neurri nagusiak. Hezkuntza eta kultura zinegotziak eta EH Bilduk Iruñerako aurkezten duen zerrendako bigarrena den Maider Belokik, poztasuna adierazi du proposamen hori, gobernu taldeak egindako proposamena, alderdi guztien hauteskunde programetan txertatu delako. “Positiboa da alderdi guztiek bat elite Lezkairun haur eskola bat eraikitzearen alde egitea, baina era berean, positiboa litzateke, bereziki eskuineko indarrek, bat egingo balute kalitatezko hezkuntza sare bat izatearen alde, egungo araudietara egokitzen dena eta eskaria eta eskaintza hiri honetako bi hizkuntza propietaria egokituko dituena”.
Arrotxapeako haur eskola zena Familia eskola zerbitzu bilakatuko dugu, sare publikoaren barruan, eta gainera diru laguntzak zabalduko ditugu 0-3 hezkuntza zikloan errentarik baxuenak dituzten familien artean doakotasuna bultzatzeko. “Etorkizuna planifikatzen den Iruñean sinisten dugu, eta etorkizun horren protagonista izango diren pertsonengan inbertitu nahi dugu”, nabarmentzen zuen Maider Belokik.
Eskola publiko sareari dagokionez, EH Bilduk datorren legegintzaldiari begira urtero 600.000 euroko aurrekontua bideratuko du eskoletan mantentze eta hobetze lanak egiteko, eta horretaz gain, eskola bakoitzeko 6.000 ahalbidetuko dira obra txikietarako. Bukatzeko Apymei bideratutako diru laguntzak %20an handitzea proposatzen da, zentroen kudeaketan partehartzea indartu eta bultzatzeko.
"Herritarren kontsulta zuzenak bultzatuko ditugu eta Txantreako Salesianas espazioaren bigarren faseari ekitea eta Antzara eta Plazararen ereduak beste auzoetara zabaltzea"
Joseba Asiron: “Erakundeetatik ere auzoetako sare sozial bizia bultzatuko den Iruñean sinesten dugu”
| 2019-05-15 18:10:00
Txantreako Saleasinaseko bigarren faseari bultzada ematea da EH Bilduren proposamenetako bat partehartzeari dagokionean datorren legegintzaldiari begira, auzoko bizitza sozialaren erreferentzia gune modura, Mendillorriko Antzararen eta Alde Zaharreko Plazararen ereduak jarraituz. Behin espazioaren lagatzea burututa eta auzo unitatea Salesianaseko eskola zenean kokatuta, hurrengo ideia eraikinaren eraberritze integrala gauzatzea da, Txantreako pertsona eta eragileentzat topagune izan dadin eta kudeaketa ereduan zuzenean parte hartu dezaten. Ildo berean, beste auzo batzuetarako horrelako ereduak bultzatuko dira, bereziki, halako azpiegiturarik ez duten auzoetan, Donibane eta Azpilagaina besteak beste.
Partehartze araudiari dagokionean, EH Bildutik Auzoetako Batzordeak bultzatzearen alde egitean da, udalaren eta auzoen arteko elkarrizketa zuzena eta etengabea bideratzeko tresna modura. Horrez gain, elkarrizketa horretatik eratorritako proiektuak garatzeko Auzoko Planen barruan urteko 1,4 eta 1,8 milioi artean bideratuko dira. “Auzoetatik eraikitzen den Iruñean sinisten dugu, non bertako auzokideak protagonista diren eta non erakundeetatik auzoetako sare sozial bizia indartzen den”, adierazi du Joseba Asiron, EH Bilduren hautagaiak Iruñeko alkatetza berresteko.
Joseba Asironek Mendillorriko Antzara eraikinaren alboan egindako agerraldian beste bi konpromiso nabarmendu ditu partehartze arloan: herri bozketa bidez udal mailan erabakiak hartzeko aukerak bultzatzen jarraitzea (memoria historikoan Erorien Eraikinarekin edota Sanferminetako barrakekin), eta baita ere partehartzerako ekimen kolektiboak sustatzea, bai etxebizitza arloan (coliving edo coworking formulak ahalbidetuz) eta bai auzoetako azpiegituretan (Antzara eta Plazararen ereduarekin).
Bestalde, EH Bildu nabarmendu du datorren legegintzaldirako konpromiso bat auzo guztietan erabilera publikorako Wifi eremuak zabaltzea dela, zerbitzu publiko kopuru handiena biltzen den lekuetan.
Alkatetza berresteko hautagaiak ziurtatu du “politika ulertzeko modu bakarra dago niretzat eta eredu horretan iruindarrek erabakitzen dute Iruñea norantz eraman nahi duten. Horrela egin dugu azken lau urteotan, herritarren parte hartzeari bultzada garrantzitsua emanez, dela auzo foroetan, dela espazio autogestionatuetan, txupinazoaren jaurtiketan, emakumeen etzean…Herritarrei hitza eman diegu eta herritarrak entzun ditugu, aldiz, eskuinak iruindarroi bizkarra emanez gobernatu zuen urte luzez. Horregatik deigarria da benetan orain hiru buruko eskuinari esaten entzutea herritar guztiekin batera gobernatuko dutela, eta jarraian, parte hartze arloa kenduko dutela aitortzea.
Herritarrek errespetua merezi dute eta inork ez gezurrik esatea. Guk benetan uste dugu politikari onenak gizartetik eraikitzen direnak direla, auzoetatik eta pertsonetatik sortuak.
Santo Domingoko polikiroldegia eta aparkalekua, Manuel de Falla ardatz jasangarria eta Sadar kaleko jardin botanikoa dira EH Bilduren proposamenak
'30 Hiria’ estrategiaren garapena eta Pobrezia Energetikoaren aurkako Plan Integrala dira EH Bilduk aurkeztutako beste konpromisoetako batzuk
| 2019-05-14 18:10:00
Joxe Abaurreak, Iruñeko Alkatetza berresteko EH Bilduren zerrendako kideak, adierazi du gaur beharrezkoa dela mugikortasun jasangarriaren alde eta ingurugiroa babestearen alde legegintzaldi hasitako bidean sakontzea, belaunaldi berriek etorkizuneko hiri bat izatea bermatzeko. Abaurreak hiru lan ildoren arteko batuketaren alde egin du: batetik, oinezkoentzat espazio publikoa irabazi, garraio publikoaren eta garraio jasangarrien alde egin ardatz berde berriak bultzatuz eta ’30 Hiria’ estrategian sakondu; bigarrenik, autonomia energetikoaren aldeko apustua gauzatu udal komertzializadorearekin eta Pobrezia Energetikoaren kontrako Plan Integral batekin; eta hirugarrenik, hirigintza planifikazio jasangarriaren alde egin, azpiegiturak lehenesteaz gain, hirian oinezkoen mugimendua bultzatuko duena. Ildo horretan doa EH Bilduren proposamen nagusietako bat, datorren legegintzaldiari begira: Santo Domingoko baratzetan polikiroldegi bat eta bizilagunentzako aparkaleku bat eraikitzea, plaza publiko bikoitza irekiko duena eremu horretan, baita Parmako bastioiaren konponketa eta irisgarritasun arazoak konpontzeko bi igogailuren kokapena ere.
Ildo horretan berean, eta erdiguneko amabilizazio estrategian sakontzeko helburuarekin, Joxe Abaurreak Bosquecillo kalean burutu duen agerraldi batean, eremu hori bulebar bate bilakatzearen aldeko apustua egin du, Alde Zaharraren eta ekialdeko auzoen arteko komunikazio hobetzeko eta Takonera parkearen barruan integratzeko, hiritarrek erdigunean hiri parte baterako bat berreskuratu dezaten. EH Bilduren programa, halaber, bigarren ekintza bat aurreikusten da erdigunea eta mendebaldea oinezkoen bideen bitartez komunikatzeko: Labriteko eremuko pasarela berria, harresien ibilbideari jarraipena emango diona eta UPNk jarritako” pasarela ustelaren desastreari” konponbidea emango diona.
Azpiegitura berdeen arloan, EH Bilduren hautagaiak, unibertsitate eremuan, Sadar kalearen inguruan, Jardin Botaniko bat egitearen alde agertu da, Nafarroako Unibertsitate Publikoarekin elkarlanean, erabilera akademikoa eta aisialdikoa izan ditzan. Era berean, Arrosadian Manuel de Falla ardatz jasangarria garatzea proposatu du, iparretik hegora doan ardatz jasangarria osatzeko. “Sinisten dugu Iruñean pertsonak lehenesten dituen hiria da, ingurugiroa zaintzen duena, jasangarria dena eta non oinezkoak, garraio publikoa eta garraio jasangarriak ibilgailu pribatuaren aurretik egongo diren”, azaldu du Abaurreak.
Bukatzeko, hautagaiak adierazi duenez, “hiriek aurrean duten erronkari garrantzitsu eta premiazkoena jasangarritasunarena da, eta hiri jasangarriagoak lortzeko oinarria funtsezko bat mugikortasunarena da. Urte luzez Iruñea motordun trafikoari begira eraiki da, kotxeari begira, eta orain hiri garbiago bat lortzeko lan egitea tokatzen zaigu, osasuntsuagoa, oinezkoentzako kalitatezko espazio publikoarekin. Ez soilik guregatik, baizik eta etorkizuneko belaunaldiengatik. Gazteek lekukoa hartu dute eta neurriak hartzeko eskatzen digute, ingurugiroarekiko errespetua izango duten gizarteak eraikitzeko. Etorkizuneko Iruñeak, gure sema-alaben Iruñeak, trafiko gutxiago izanen du erdigunean, energia berrerabilgarriak erabiliko ditu, subirautza energetikoa izango du. Gure hiriari zor diogu, eta bereziki, etorkizuneko belaunaldiei zor diegu”.
