Asiron: "EH Bildu da eskuina itzultzea galaraziko duen botoa. EH Bildu da adostasuneko gobernu anitza bermatuko duen botoa"
| 2019-05-24 10:20:00
Asiron: “Aldaketaren batuketa ez bada 14 zinegotzira iristen, lehen indarrak lortuko du Gobernua, horregatik boto bakoitza erabakigarria izango da, eta boto hori zurea izan daiteke”
Gazteriarekin eginiko ekitaldian, alkatetza berresteko hautagaiak, adierazi du “EH Bilduren botoa dela ezkerreko alkatetza bat lortzeko bermea”.
| 2019-05-23 12:46:00
Asiron: “Aldaketaren batuketa ez bada 14 zinegotzira iristen, lehen indarrak lortuko du Gobernua, horregatik boto bakoitza erabakigarria izango da, eta boto hori zurea izan daiteke”
Gazteriarekin eginiko ekitaldian, alkatetza berresteko hautagaiak, adierazi du “EH Bilduren botoa dela ezkerreko alkatetza bat lortzeko bermea”.
| 2019-05-23 12:46:00
“Aldaketaren batuketa ez bada 14 zinegotzira iristen, lehen indarrak lortuko du Gobernua. Boto bakoitza erabakigarria izango da eta boto hori zurea izan daiteke”. Mezu horrekin bildu du Joseba Asironek, Iruñeko alkatetza berresteko EH Bilduren hautagaiak, igande honetan hautestontziak bozkak betetzearen garrantzia, alkatetza lortzeko definituta dagoen banaketa formularen aurrean, aldaketa mantendu ahal izateko. Izan ere, egungo araudiaren arabera, indar batek ez baldin badu inbestidura bozketan gehiengo absolutua lortzen, zerrenda bozkatuenak lortzen du automatikoki gobernua, nahiz eta babes gutxiago izan. Horregatik, gazteriari zuzenduriko ekitaldian eta Zaldi Zurian gazteekin batera egin duen agerraldian, alkatea zuzena izan da: “igandean bozka bakoitza erabakigarria izango da”.
“Horregatik garrantzitsua da baita ere aldaketaren botoaren sakabanaketa ekiditea, sakabanaketa eskuinari bidea irekitzen diolako”, adierazi du alkatetza berresteko hautagaiak. Halaber, Joseba Asironek parte hartzera deia egin du eta hautestontziak koalizioaren aldeko bozkekin betetzera, “gaur Iruñean ezkerreko alkatetza bat izateko berme bakarra EH Bildu bozkatzea delako”.
Ekipo prebentibo berriak, gazteentzako lokalak eta emantzipaziorako bulegoa
Koalizioak gazteriaren eremuan datorren legegintzaldirako dituen proposamenei dagokionez, Joseba Asironek lau nabarmendu ditu: batetik haur eta gazte sarea indartzeko konpromisoa, ekipo prebentiboak Zabalgunera, Donibanera, Ermitagainara, Iturramara eta Lezkairura zabalduz; bigarrenik, Gazteriaren Mahai Sektorialak bultzatu, aisialdirako gazteek behar dituzten espazio alternatiboetan indarra eginez; hirugarrenik, autogestionatutako edo kogestionatutako gazte lokalen sare bat sustatu auzo guztietan; eta bukatzeko, Gazteriaren Emantzipaziorako Bulegoa ireki, enpleguari, formakuntzari eta etxebizitzari loturik; eta zentzu horretan, ‘Gazteria’ programa sustatu, auzoetan gazteen errotze eta emantzipaziorako 150 etxebizitza komunitarioren promozioa aurreikusten duena, promozio publikoaren edo kudeaketa kooperatiboaren bidez.
Asiron: “Iruñeak berdintasun politiketan eta eraso sexisten aurkako borrokan erreferente bilakatu da, eta EH Bildu da bermerik onena konpromiso horrek aurrera egiteko”
Udal aurrekontuetatik berdintasun politiketara bideratzen den aurrekontua %1era igotzea eta ahalduntze eskola garatzea dira eginiko proposamen batzuk.
| 2019-05-22 15:04:00
“Iruñea legegintzaldi honetan erreferente bilakatu da bai eraso sexisten aurkako borrokan eta bai emakume eta gizonen arteko benetako berdintasuna lortzeko oinarriak ezartzearen aldeko konpromisoan. Iruñean inork ez du lan honen garrantzia zalantzan jartzen, nahi eta indar batzuek berdintasunaren alde egitea bera kolokan jartzen duten”, horrela laburbildu du Joseba Asironek, Iruñeko alkatetza berresteko EH Bilduren hautagaiak, berdintasun alorrean legegintzaldi honetan egindako lana. Bere iritziz, Iruñean jazotako lorpena zergatia “elkar hartuta lan egitearen ondorioa da, aski dela esaten jakin dugulako, erakundeak mugimendu feministaren alboan egoten jakin dutelako eta argi dugulako eraso sexistak bezalako gertakizunak ezkutatzea, erasotzaileei inpunitatea ematea dela”. Nafarroako Artxibo Orokorraren alboan egindako agerraldian, EH Bilduren hautagaiak adieraz du “Iruñeak harro sentitu behar du berdintasun politiketan eta eraso sexisten aurkako borrokan erreferentzia izateaz eta EH Bildu da bermerik onena konpromiso horrek aurrera egiteko”.
“EH Bilduk berdintasunaren alde egiten duen apustua argia da: datorren legegintzaldian aitzindariak izango gara berdintasun politikak aurrekontuetan izango duten islan, azpiegituretan eta bereziki berdintasuna errealitate bar izan dadin erakundeetatik beharrezko tresna guztiak bultzatzean”. Modu horretan, Joseba Asironek koalizioak datorren legegintzaldiari begira dituen hiru apustuak nabarmendu ditu: batetik, berdintasun politikak lantzeko udal aurrekontuak %1era igotzea; bestetik, Hirugarren Berdintasun Plana garatzea, besteak beste, ahalduntze eskola bultzatuz; eta azkenik, emakumeon asoziazionismoa babesteko plan bat martxan jartzea.
Lan ildo hauek proiektu zehatzetan gauzatuko dira, adibidez Emakumeen Etxearen garapena, Udaleko edozein araudi edo planekin batera genero ikuspegiko txostenak aurkezteko beharra eta mugimendu feministarekin elkarlanerako espazioak zabaltzea, Sanferminak Berdintasunean esperientzia oinarritzat hartuta.
Asiron: “Igandean dieten, inposizioen eta Rodezno Kondearen Iruñearen artean, eta aurrerapen sozialen, elkarbizitzaren eta aniztasunaren Iruñearen artean erabaki beharko dugu”
EH Bilduko hautagaiak Eroriei buruzko kontsulta bat egiteko konpromisoa hartu du eta Bakearen eta Elkarbizitzaren aldeko Batzorde bat osatzekoa.
| 2019-05-21 12:43:00
Erorien eraikinaren aurrean, zeinen etorkizuna datorren legegintzaldian erabakiko den herri kontsulta baten bitartez, Iruñeko alkate eta EH Bilduren hautagaiak, Joseba Asironek, adierazi du “datorren igandean erabaki beharko dugu CANeko dieta ezkutuen, inposizioen eta Rodeznoko Kondearen Iruñeara itzuli edo aurrerapen sozialen, elkarbizitzaren eta aniztasunaren defendatzen duen Iruñean aurrera egin”. “Hortxe gaude, oso gutxi geratzen da. Azken ahalegina, gure ingurukoak animatu eta konbentzitzea besterik ez. Aldaketa berrestetik oso gutxira gaude, mila eta milaka pertsonek urte luzez borrokatu zuten aldaketa”, nabarmendu du Asironek eta eskatu “aldaketaren alde egiten duen inor ezin da gelditu etxean”.
“Maiatzaren 26ko hitzordua 2015ekoa baino historikoagoa da, etorkizuna irabazteko garrantzitsuagoa, aldaketa egonkortzeko eta erakusten jarraitu badagoela gobernatzeko beste eredu bat, justuagoa eta zintzoagoa, ezkutuko dietarik eta diru xahuketarik gabekoa”, adierazi du EH Bilduren hautagaiak. “Ezin dugu botoa sakabanatu, inor ezin da PSNrekin tronpatu, berriro ere eskuineko gobernuaren alde egino duelako. Hala aldaketa bermatzeko botorik eraginkorrena EH Bildu da”.
Memoria historikoaren alorrean datorren legegintzaldian ditugun proposamenei begira, alkateak hiri azpimarratu ditu: Herri Kontsulta bat sustatu, partehartze araudi berrian zehatutako terminoetan, Erorien eraikinari eta bere inguruari buruzko Nazioarteko Lehiaketaren irabazlea ezagutzeko 2020 urtean. Bestetik Bakearen eta Elkarbizitzaren aldeko Batzordea osatzea proposatzen du eta Memoriarentzat egun bat definitzea. Arrazoi politikoak direla eta indarkeriaren biktima diren pertsona guztientzat memoria eguna. “Gaur memoria historikoaz hitzegiteko bildu gara, baina igandean hautsontziak bozka paperez bete beharko ditugu monumentu hau altxatu zutenen oinordekoak frenatzeko. Aldaketa gelditzeko etorri da. Eta gure esku dago lortzea, horretarako gure bozka aldaketari emanez”, bukatu du.
Asiron: "Iruñea errespetatzeko modu bakarra, bere izaera anitza errespetatzea da"
Joseba Asironek Takoneran ospatutako Sortzen jaian parte hartu du.
| 2019-05-19 21:14:00
“Iruñea hiri anitza da, sentsibilitate ezberdinekin eta iruindar sentitzeko modu ezberdinekin. Denak dira baliozkoak, denak dira gureak, denak dira garrantzitsuak. Eta Iruñea bi hizkuntza dituen hiria da, gutxienez, erromatarrek latina ekarri zutenez geroztik. Kultura aberats hau ez dute hiri guztiek. Horregatik Iruñea errespetatzeko modu bakarra, bere izaera anitza errespetatzeko modua, bi hizkuntzak errespetatzea da, euskara ere zaindu eta babestuz.
Eskuineko gobernuak uste luzez hiria homogeneizatzen ahalegindu dira, Iruñeko gizartearen zati handi bat ezkutatzen, euskara jazarriz eta zigortuz; aldiz legegintzaldi honetan euskara Iruñeko kale izendegian agertu dugu eta ordenantza bat onartu dugu bi balio nabarmentzen dituena: batetik euskara Iruñeko hizkuntza ofizialetako bat dela eta bestetik, euskara zerbitzu hizkuntza ere badela.
Horretaz gain, euskarazko haur eskolen eskaintza zabaldu dugu eta auzoetan orekatu, euskarazko bi eskola gehiago irekiz eta horrekin herritarren aspaldiko eskariari erantzunez. Ildo horretan, datorren legegintzaldiari begira honakoa proposatzen dugu: euskara zerbitzuen aurrekontua igotzea, euskararen ordenantza berria betetzeko jarraipen plan bat garatzea eta hiriko paisaia linguistikoa osatzen duten elementu guztiak gutxinaka elebidunak izatea, paisaia benetan elebiduna izan arte”.
