Gasteiz

Lehentasunez erosteko eta atzera eskuratzeko eskubidea baliatuz, etxebizitza kupo bat erosteko eskatu dio EH Bilduk gobernuari

Erositako etxebizitzak alokairu babestuko erregimenean eskaintzea eskatu dio Felix Gonzalez zinegotziak gobernuari, bai kudeaketa zuzenaren bidez, bai Alokabideri lagata

| 2020-01-15 12:42:00

Euskal Herria Bilduren ustez, alokairuaren merkatuan zabaltzen ari den egoera larriaren aurrean bereziki gazteei, emakumeei, lan prekarietatean, soldata baxuekin eta, oro har, oso baliabide eskasekin bizi diren gizarte taldeei eragiten diena, Udal Gobernuak aurrera egin behar du eskura dituen tresna guztiak erabiliz arazo honi aurre egiteko eta bere herritar babesgabeenen etxebizitza eskubidea asetzeko.

Felix Gonzalez EH Bilduko zinegotziak gobernuari ekiteko eskatu ditu etxebizitza eskatzaileen kopuru handiaren aurrean, "Etxebizitza eskatzaileen Erregistroan 6.500 espediente baino gehiago daude erregistratuta Gasteizen alokairuko etxebizitza eskatzaileen artean. Hori dela eta, udal gobernuari eskatuko diogu etxebizitza-kupo bat eskuratzeko, lehentasunez erosteko eta atzera eskuratzeko eskubidea erabiliz, etxebizitza horiek eskualdatzean". Izan ere, Gonzalezek adierazi duen bezala, Udala da lehentasunez erosteko eta atzera eskuratzeko eskubidearen titularra, azken hamarkadetan Gasteizen hainbat babes-araubideren bitartez eraikitako etxebizitza-kopuru handi baten gainean.

Eskubide hori baliatu ahal izango du Udalak hari lotutako etxebizitzen bigarren eta ondorengo eskualdatzeetan, baldin eta etxebizitza babestu gisa kalifikatzen direnetik epe jakin baten barruan gertatzen badira. "Horrela, udalak lehentasunez eskura dezake eskualdaketa, eta betebeharra da eskubide horri lotutako higiezinen eskualdaketak eskubide horren titularrari jakinaraztea, eta ezin da eskualdaketa perfekzionatu titular horrek kasu bakoitzean bere eskubidea erabiltzeari uko egiten diola adierazi arte", dio EH Bilduko Felix Gonzalezek.

Alokairuaren merkatuan zabaltzen ari den egoera larri honen aurrean, EH Bilduk behin eta berriz proposatu du Gasteizko Udalak 'alokairuko etxebizitzen udal parkea' izatea, Bilbok, Donostiak eta Iruñeak duten bezala. Era berean, parke horri gehitu behar zaizkio, lehenik eta behin, 21 Zabalguneko titular diren etxebizitzak, alokairu-erregimenean erabili eta esleituz, eta, pixkanaka, etxebizitza berriak gehitzen joan, planifikatzen den kopurura iritsi arte.

EH Bilduk uste du Udalak zuzenean kudeatu behar duela Parke hori, nahiz eta udal gobernuek kudeaketa zuzenari uko egin. EH Bilduk bere planteamendua zabaldu du Udal Parkearen kudeaketa Alokabideri lagaz, alokairuan kudeatu ditzan Bizigune programaren barruan. Azken aukera hori EH Bilduk proposatu zuen Bustaldeako etxebizitzetarako, eta Etxebiderekin elkarlanean aritzea gazteentzako alokairuko etxebizitzen programa esleitzeko. Bide hori Udal Gobernuak ere hartu du bere gain, eta azkenaldian udal etxebizitzak erakunde horren esku jartzeko asmoa agertu du.

EH Bilduk Airearen Kalitatea Kudeatzeko Plana prestatzea eskatu du

Gasteizko Udalak ez du bete, urtebete geroago eta kontuan hartuta jaso diren datu txarrak, Airearen Kalitatea Kudeatzeko Plana eta Atmosferako eta Hiri Kutsaduragatiko Jarduketa Protokoloak egiteko eta herritarrei informazioa denbora errealean emateko konpromisoa, aho batez hartua

| 2020-01-14 14:50:00

Euskal Herria Bilduk salatu du Airearen Kalitatea Kudeatzeko Plana osoko bilkuran onartu eta urtebetera Udalak ez duela gauzatu oraindik. Are gehiago, azken asteetan Gasteizen airearen kalitateari buruzko datu negatiboak erregistratzen ari direnean.

Ekologistak Martxan taldeak argitaratutako txosten baten arabera, Euskal Autonomia Erkidegoan hainbat aldiz gainditu dira gomendatutako ozono mailak. OMEk dio gehienez 25 aldiz gainditu ahal direla maila horiek kaltegarriak izan gabe, baina Amancay Villalba EH Bilduko zinegotziak salatu duenez, "UPV/EHUko Farmazia Fakultateko erregistroetan 29 aldiz gainditu dira gomendatutako gehienezko mugak, eta hori arriskutsua da herritarren osasunerako".

2019ko martxoko udalbatzan onartu zen, aho batez, plan hori egitea eskatzen duen mozioa, bai eta hiri-atmosferaren kutsaduragatik jarduteko udal-protokoloa eta herritarrei informazioa denbora errealean emateko protokoloa sortzea ere, osasuna babesteko ezarritako mugak gainditzen direnerako. EH Bilduk salatu duenez, gaur egun, gauzatu gabe jarraitzen dute, eta, horregatik, hartutako konpromisoak bere gain hartzea eta jardutea eskatu dio gobernuari.

EH Bilduk ustelkeriaren aurkako EAEko Fiskaltza sortzea eskatu du

Felix Gonzalez, EH Bilduko zinegotzia: “Stoako kontratuan oinarritutako ekintza guztiak bertan batera uzteko eskatzen dugu baita Koldo Otxandianorekin dagoen lan harremana etetea ere, ulertezina delako 'azeria oilotegian' mantendu nahi izatea”

| 2020-01-13 12:18:00

Inguruan ustelkeriagatik eman diren azken epaien larritasunak eta ustelkeriari aurre egiteko mekanismo independente eta eraginkorrak martxan jartzeko itxurazko gogorik ezak sortutako alarma sozialaren aurrean, EH Bilduk mozio bat aurkeztu du hurrengo osoko bilkurara eramateko. Mozio horretan, Udalari eskatuko dio EAEko ustelkeriaren aurkako Fiskaltza sortzeko. Era berean, Eusko Jaurlaritzari eskatzen dio Fiskaltza horrek eman dezala diru publikoa bidegabe eta legez kontra erabiltzearen aurka borrokatzeko behar duen guztia.

Mozio horren bidez, EH Bilduk osoko bilkurak Eusko Jaurlaritzari eskatzea Ertzaintzaren ustelkeriaren aurkako unitate espezializatu bat sor dezala nahi du, eta, EAEko Legebiltzarrak 2019ko otsailaren 28an onartu zuen bezala, berehala handitu ditzala Ertzaintzak ustelkeria-delituen aurka erabiltzen dituen baliabide materialak eta giza baliabideak, eta handitu dezala horiek ikertzen diharduten agenteen kopurua, behar den prestakuntza eta kualifikazioa emanez.

Era berean, EH Bilduk Eusko Legebiltzarrean aurkeztuko duen mozio horrek "jardunbide egokien eta ustelkeriaren aurkako bulegoa sortzeko lege-proposamenaren" tramitazioa bizkortu eta ez luzatzea bilatzen du, lege hori XI. legealdi hau amaitu baino lehen onartu ahal izateko. 2019ko ekainean, Arbitraje Batzordeak aurkeztutako errekurtsoei buruzko erabakia argitaratu zuen, eta lege-proposamena Legebiltzarrera bidali zuen, zehazki, Erakunde, Segurtasun eta Gobernantza Publikoaren Batzordera. Ordutik, lege-proposamena blokeatuta dago EAJ-PNV buru duen batzorde horretan, eta ez da inolako urratsik egin haren izapidetzea suspertzeko.

 

Alkatearen agerraldia

EH Bilduk ustelkeriarekin lotutako jarduera guztiak bertan behera uztea eskatu du. Gorka Urtaran alkateak Stoaren kontratuari eta Miñaoko Parke Teknologikoaren handitzeari buruzko azalpen zehatzak eman zitzan eskatu zuen agerraldian egin du hori, eta Felix Gonzalez eh bilduko zinegotziak berariaz aipatu du De Miguel kasua gaitzesteko epaia: "Kontratu horretan oinarritu ziren Miñanoren sektorizazioa eskatzeko. Atzera egingo duzue? Azaroan, oposizio osoak PPren mozio baten aldeko botoa eman zuen, eta lursail horiek desklasifikatzeaz ere hitz egin zuten. Guretzat Stoako kontratuan oinarritutako lan guztiak alde batera utzi behar dira". Gainera, "Handitzeko bide hori ixteko garaia" dela berretsi du, "osoko bilkuraren gehiengoa kontra duelako".

Gainera, EH Bilduk Koldo Ochandianorekin dagoen lan harremana etetea eskatu du, "Ulertezina da 'azeria oilategian' mantendu nahi izatea", izan ere, EH Bilduko zinegotziak adierazi duenez, epaian frogatutako delituek ABBko kide ohiaren -2019an berriro ere Parke Teknologikoan onartua izan zena- eroskeria eta prebarikazio delituak jasotzen dituzte. “EAJko jendea daukazue EAJk zuzendutako administrazioetatik dirua jasotzen” salatu du Gonzalezek.

Plan edo arau aldaketetan genero eraginari buruzko txostenak sartzea eskatu du EH Bilduk

Euskal Herria Bilduk mozio bat eramango du hurrengo osoko bilkurara, eta, mozio horren bidez, udalbatzari eskatuko dio berdintasun-zerbitzuak arau-aldaketa genero-ikuspegia jasotzeak komeni den argitu dezan

| 2020-01-10 11:06:00

Euskal Herria Bilduk mozio bat erregistratu du gaur urtarrileko osoko bilkurarako; mozio horren bidez, udalbatza osoari eskatzen dio neurriak har ditzala berdintasunean oinarritutako gizarte feminista baten bidean aurrera pausoak ematen jarraitzeko. Horretarako, ezinbestekoa da genero-inpaktuari buruzko txostenak jasotzea udal-gobernuak erabakitzen edo proposatzen dituen plan edo arau-aldaketa orokor guztietan.

Amancay Villalba zinegotziak aurreratu duenez, EH Bilduk legegintzaldi honetarako ezarri duen erronka nagusietako bat da zisheteropatriarkatuari aurre egitea eta gizonen eta emakumeen arteko berdintasun eraginkorrerako bidean aurrera egitea, "Ikuspegi feminista era trasnbertsalean sartu behar da ekintza politiko, plan eta programa guztietan. Hori da legealdi honetarako proposatzen zaigun erronka handietako bat; aitortzen dugu ez dela lan erraza, baina badakigu premiazko zeregina dela".

Halaber, EH Bilduko zinegotziak salatu duenez, "Gizartea larrialdi feminista egoeran dago, eta horrek modu geldiezinean jokatzera eta gure erantzukizunak alde batera ez uztera behartzen gaitu". Izan ere, eta Villalbaren esanetan, "legez derrigorrezkoa ez izateak ez du esan nahi gomendagarria eta beharrezkoa ez denik horrelako neurriak hartzea".

Bestalde, Rocio Vitero EH Bilduko zinegotziak transbertsalitatearen kontzeptua azpimarratu du, eta azaldu duenez, alderdiak urtarrileko osoko bilkurarako erregistratu duen mozioak "udal gobernuari eskatzen dio Berdintasun Zerbitzuak erabaki bat har dezala, etorkizunean onartzen edo proposatzen diren arau-aldaketa partzialetan genero-eraginari buruzko txostenak egitearen komenigarritasunari buruz. Hitzetatik ekintzetara garaia da, eta hori da, hain zuzen ere, herritarrek eskatzen digutena".

Viterok HAPOren erabilera tertziarioaren harira emandako arauen aldaketa bat jarri du adibidetzat, egun, udal-gobernua egiten ari dena, partzelak jabetza pribatuko egoitza-erabileretarako moldatuz -adineko pertsonentzako egoitza pribatuak, alegia-. "Nork egiten du lan zaintzaren sektorean? Emakumeak. Zein lan-esparrutan dago prekarietate maila handienean? Emakumeak nagusi diren zaintza-lanaren esparruan. Horregatik, eremu batean aldaketa partzialak egiteko erabakiek -teorian kalte egiten ez duen neurria- eragin zuzena dute gizonen eta emakumeen artean”. Eta, horrez gain, “beharrezkoa da esparru arautzaile berri bat dakarten erabaki guztiek edo funtsezko aldaketak dakartzaten erabaki guztiek genero-eragina jasotzea berdintasun errealean aurrera egiteko”.

EH Bilduk Erakunde Adierazpen bat erregistratu du Olarizun gertatutako lan istripua dela eta, non langile bat hil den

Erakunde Adierazpenak hildako langilearen senide eta lagunei elkartasuna adieraz diezaiela eskatu dio Gasteizko Udalari, baita bat egin dezala ere gertaera larria dela eta deitutako mobilizazioekin, bai eta lan-prekarietateari aurre egiteko ardura har dezan ere

| 2020-01-03 13:21:00

EH Bilduk, 2020ko urtarrilaren 3an, langile bat hil den zorigaiztoko lan-istripua gertatu eta egun batera, Adierazpen Instituzional bat erregistratu du, non Gasteizko Udalari eskatzen dion "lan-prekarietateari aurre egiteko eta lan-istripuak saihesteko, kosta ahala kosta eta guztiaren gainetik” neurriak har ditzan.

Era berean, dokumentu horrek Udalari eskatzen dio gertatutakoagatik atsekabea adierazteko eta doluminak helarazteko hildako langilearen senide, lagun eta lankideei. EH Bilduko bozeramailea Miren Larrionek, langilearen familiari babesa adierazteaz gain, lan egiteko deia egin die erakundeei, ezbehar hau errepika ez dadin: "EH Bildutik gure elkartasun eta babesa adierazi nahi diegu hildakoaren gertukoei. Erakunde publikoetatik lan arriskuen prebentzioan lanean jarraitu behar dugu, eta lan prekarietateari aurre egin. Lehentasunezko gaia da hau".

EH Bilduren ustez, ezinbestekoa da lan-osasunari eta laneko segurtasunari buruzko kanpainak bultzatzen jarraitzea, bai eta laneko arriskuen prebentziorako arauak bete daitezela eskatzea ere, batez ere lan-prekarietate argia dagoenean. Halaber, Eusko Jaurlaritzako Segurtasun Sailari eta Osalani eskatzen zaie heriotzaren inguruabarrak argitu ditzatela, familiari informazioa emateko.

Adierazpen Instituzionala Udalaren osoko bilkurari atxikitzeko eskaera batekin amaitzen da, istripua salatzeko egiten diren ekimen guztietan partaide izan dadin, herritarrak horietan parte hartzera animatuz, eta hildakoaren familiari elkartasuna eta babesa adieraztera.

ALBISTEAK

Gasteizen Adinekoentzako Behatokia sortzea eskatu du EH Bilduk

2020-11-03 10:25:00

Rocio Vitero: "Behatoki bat martxan jartzea eskatzen dugu, behar berriak antzemateko, prebentzioan proposamenak egiteko eta zaintzen politiketan hobekuntzak sustatzeko".

TUVISAko autobusen maiztasuna berehala eta premiaz handitzea eskatu du EH Bilduk

2020-11-02 10:00:00

EH Bilduren ustez, Eusko Jaurlaritzak ezarritako irizpideei jarraituz, segurtasun neurriak betetzeko maiztasuna handitzeko unea da. Bestela, EH Bilduk zinegotzi delegatuaren agerraldia eskatuko du.

EH Bilduk salatu du Olarizuko etxebizitzak eraistearen helburua alokairu sozialik aurreikusten ez duten 356 etxebizitzako hirigintza operazio handi bat egitea dela

2020-10-29 09:43:00

Felix Gonzalez: "Urtaranen gobernuak planteatzen duen hirigintza-operazioak eraikuntza-enpresen interesak asetzea du helburu, babestutako etxebizitza eskatzen duten 9.000 pertsonak alde batera utziz eta Etxebizitzaren Euskal Legea urratuz".

EH Bilduk Alde Zaharrean trafikoa baretzea eta muinoaren goialdea oinezkoei mugatzea eskatu du

2020-10-28 10:27:00

Amancay Villalba: "EH Bilduk bat egiten du Gasteizko Alde Zaharreko bizilagunen kezkarekin, eta, super-etxadien eredua aplikatuz, oinezkoei espazio publikoa ematea eskatzen dugu".