Gasteiz
EH Bilduk salatu duenez, FCC garaile aterako da, beste behin ere, bide-garbiketako eta zabor-bilketako kontratuaren esleipenean. Kontratuen inguruko Errekurtsoen Administrazio Organoak ebatzi du hiriko garbiketa zerbitzuaren kontratua eten egin behar dela, eta, ondorioz, lehiaketara atera behar dela berriro. Horrek aukera ematen dio FCCri gainerako enpresa lizitatzaileen kontratazio-espedienteetara sartzeko, azaroan eskatu zuen bezala.
Hilabete horretan bertan, lehiaketa oraindik irekita zegoela, FCCk –Valorizarekin batera, Aldi Baterako Enpresa Elkartea (ABEE) gisa aurkeztu baitziren– amaitutako eta lizitatzaileek konfidentzialtzat jo ez zituzten kontratazio-espedienteetarako sarbidea eskatu zuen. Esleipen-prozesua bertan behera geratu denez, multinazionalak, nahi zuen moduan, espediente horiek eskura ditzake.
Miren Larrion EH Bilduren Gasteizko bozeramaileak salatu duenez, "FCC garaile atera da beste behin ere. Berriro aterako da lizitaziorako kontratua, eta FCC abantailarekin abiatzen da. Baina are okerragoa da, beste 9 hilabetez jarraituko duela zerbitzua kudeatzen, gutxienez kontratu berria esleitu arte. EH Bildutik uste dugu, badela garaia porrot egin duen kudeaketa eredu horri amaiera emateko eta, behingoz, zerbitzuaren kudeaketa zuzenaren alde egiteko".
EH Bilduk ADIFi Aldaialde HLHIko obrak baimentzeko eskaria berriro egiteko eskatuko dio Udalbatzari. Zabalganako ikastetxe horren eraikuntzan aurrera egiteko Udalak eman behar duen lehen urratsa da. Era berean, udal-gobernuari eskatuko dio herritar guztiei, eta, bereziki, Aldaialde HLHIko familiei, ADIFekin dituen harreman guztien berri emateko.
Hala ere, eskaera hori gauzatzen ez bada, Euskal Herria Bilduk, Madrilgo Diputatuen Kongresuan duen talde propioaren bitartez, bilera bat eskatuko du Garraio, Mugikortasun eta Hiri Agendako Ministerioarekin, gaur egun Aldaialde HLHI eraikitzea eragozten duen lurperatzearen egungo informazio-azterlana bazter dezan eskatzeko.
EH Bilduren bozeramailea Gasteizko Udalean Miren Larrionek adierazi du, "Lehen mailako gai bati buruz ari gara, Zabalgana auzorako hezkuntza zentro bati buruz. Familiek ezin dute zain jarraitu. Hori dela eta, udal gobernuak bere eginbeharrak burutzen ez baditu, EH Bilduk gai hau Madrilera eramateko konpromisoa hartzen du, eta, bertan, zentroa eraikitzeko aukera ematen ez duen Informazio Azterketa baztertzeko eskatuko dugu".
Gasteiz ez da behar bezala erantzuten ari bere auzorik berrienetan dauden ikastetxeen eskaerari. Horren adibide da Aldaialde haur-hezkuntzako eta lehen hezkuntzako 3. lineako zentro berria eraiki behar dela. Ikastetxe horren eraikuntza blokeatuta dago, partzelaren zati bat 2012an onartuu zen "trenbidea Gasteizen integratzea" informazio-azterketak ezarritako trazatuaren babes-eremuan dagoelako.
Hala ere, EH Bilduko Udal bozeramailea Gasteizen Miren Larrionek ohartarazi du irailaren 29ko 38/2015 Legeak, trenbideen sektoreari buruzkoak, 16. artikuluan jasotzen duen beste aukera bat dagoela.
"(...) Aurrekoa gorabehera, obrak edo instalazioak egin ahal izango dira soilik jabego publikoko eremuetan, tren-azpiegituren administratzailearen aldez aurreko baimenarekin, tren-zerbitzua emateko beharrezkoak direnean edo interes orokorreko zerbitzu bat emateak hala eskatzen duenean".
"Zalantzarik gabe, hezkuntza goi-mailako interes orokorreko ondasuna da; beraz, obrak egiteko eskaeria posiblea da", adierazi du Larrionek. Are gehiago, trenbidea hirian integratzeari buruzko plangintzak erabat aldatu dira, eta trazatu berriak, 2019ko uztailaren 5ean BOEn argitaratutako informazio-azterlan berrian jasotakoak, ez dio lursail horri eragiten.
Lehen ariketa gisa, ADIFi eskaria egitea aztertzen ari da EH Bildu, eta bide horrek aurrera egiten ez badu, Aldaialde HLHI eraikitzea eragozten duen lurperatzearen egungo Informazio Azterlana baztertzeko eskatuko du EH Bilduk Madrilgo Diputatuen Kongresuan
Amancay Villalba, EH Bilduko zinegotzia: “Gasteizek ez ditu ordainduko Zaldibarko zabortegiaren kudeaketa txarraren ondorioak. Ez dugu Gardelegi eskainiko gure lurzoruak kutsatzen dituzten eta osasun publikorako kaltegarriak izan daitezkeen hondakinak hartzeko”
Ogasuneko eta Giza Baliabideetako zinegotziaren instrukzio berri batek jarduteko irizpide berriak ezartzen ditu hutsik dauden plazak betetzeko, eta, horietan, ordezkapenak egiteko epeak 48 ordutik 11 egun naturalera luzatzen dira
Lurralde eta Klima Ekintzaren Sailetik datorren espediente batek agerian uzten du Aldaialde HLHIko obrak ezingo direla gauzatu lurperatzeari buruzko informazio-ikerlana baztertu arte.